2016 оны 07 сарын 19 өдөр

Дугаар 183/ШШ2016/00273

Улаанбаатар хот

 

Зохигчдын эвлэрлийг баталж, хэргийг

хэрэгсэхгүй болгох тухай

 

 

          Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.1 дэх хэсгийг удирдлага болгон ЗАХИРАМЖЛАХ нь:

 

1. Нэхэмжлэгч “Э ” ББСБ-ын нэхэмжлэлтэй, Г.Э  Ч.С  нарт холбогдох гэрээний үүрэгт 276.159.959 төгрөг гаргуулах тухай иргэний хэргийн нэхэмжлэгч нэхэмжлэлийн шаардлагаа 12.693.326 төгрөгөөр багасгаж, хариуцагч Г.Э , Ч.С  нар нь үлдэх 263.466.633 төгрөгийг төлөхөөр, мөн энэхүү гэрээнд заасан хугацаанд бүрэн төлөөгүй тохиолдолд үүргийн гүйцэтгэлийг барьцааны зүйл буюу *******,******* хаягт  байрлах 179,33 м.кв талбай бүхий дөрвөн өрөө орон сууцнаас үүргийн гүйцэтгэлийг хангуулахаар зохигчид эвлэрснийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 1.538.750 төгрөгөөс 1.475.283 төгрөгийг хариуцагч*******,******* нараас гаргуулж, нэхэмжлэгч “*******” ББСБ-д олгосугай.

 

          3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг Нийслэлийн шийдвэр гүйцэтгэлийн албанд даалгасугай.

 

            4. Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

ДАРГАЛАГЧ ШҮҮГЧ                                       Д.МӨНГӨНТУУЛ