МОНГОЛ УЛСЫН НЭРИЙН ӨМНӨӨС

 

   Сонгинохайрхан Сонгинохайрхан дүүргийн  Иргэний хэргийн анхан шатны шүүхийн шүүх хуралдааныг шүүгч Х.Оюунжаргал даргалж, 

            Хүсэлт гаргагч: Сонгинохайрхан дүүрэг Цагдаагийн  1 дүгээр хэлтэсээс

            Сонгинохайрхан дүүргийн 18 дугаар хороо, 3 дугаар байр 3 дугаар орцны *******ьд оршин суугч *******тай овогт *******н *******т /РД:*******/ албадан эмчилгээ хийлгэх хүсэлтийг хүлээн авч хянан хэлэлцэв.

            Шүүх хуралдаанд: Хүсэлт гаргагч Сонгинохайрхан дүүргийн цагдаагийн 1 дүгээр хэлтсийн  18 дугаар хорооны хэсгийн байцаагч ажилтай цагдаагийн дэслэгч Ц.*******, гуравдагч этгээд Н.*******, нарийн бичгийн даргад Э.Саранцэцэг  нар оролцов.

                                                                                                               ТОДОРХОЙЛОХ нь:

 

            Хүсэлт гаргагч Сонгинохайрхан дүүргийн Цагдаагийн 1 дүгээр хэлтэс шүүхэд гаргасан хүсэлтэд: Сонгинохайрхан дүүргийн 18-р хороонд оршин суух *******н ******* нь байнга архидан согтуурч, бүлэг бөөгнөрөл үүсгэж, бусадтай хэрүүл маргаан үүсгэж, бусдад айдас түгшүүр төрүүлдэг зөрчил гаргасан байх тул Согтуурах мансуурах донтой этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 3, 4, 5-р зүйлийг үндэслэн тухайн этгээдийг албадан  эмчилгээнд явуулж өгнө үү гэжээ.

            Хүсэлт гаргагчийн  итгэмжлэгдсэн төлөөлөгч Ц.******* шүүх хуралдаанд гаргасан тайлбартаа: Удаа дараа эрүүлжүүлэгдэж байсан. Иймд Н.*******ыг архины албадан эмчилгээнд явуулж  өгнө үү гэв.        

            Гуравдагч этгээд Н.******* шүүх хуралдаанд гаргасан тайлбартаа: Би 2011 оноос эхлэн ямар нэгэн шалтгаангүй архи ууж эхэлсэн. Би архи уухаараа хэлсэн үгээ мэддэггүй. Маргааш нь хэлүүлээд мэддэг. Одоо эмчилгээнд явахад татгалзах зүйл байхгүй. Дахин эмчилгээнд яваад ирвэл 3 жил уухгүй. Би одоо 4 дэх удаагаа явах гэж байна гэв.

Хавтас хэрэгт авагдсан нотлох баримтыг шинжлэн судлав.

 

                                                                                                            ҮНДЭСЛЭХ нь:

 

            Хүсэлт гаргагч Сонгинохайрхан дүүрэг дэх Цагдаагийн нэгдүгээр хэлтэс нь  *******тай овогт *******н *******ыг албадан эмчилгээнд явуулах  тухай хүсэлтийг  шүүхэд гаргасан байна.

Сонгинохайрхан дүүргийн Цагдаагийн  нэгдүгээр хэлтэс нь согтуурах донтой өвчтэй этгээд болох Н.*******ыг захиргааны албадан эмчилгээнд явуулах тухай хүсэлтийг Согтуурах, мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн  6 дугаар зүйлийн 6.1 дэх хэсэгт зааснаар шүүхэд  хүсэлт гаргах эрхтэй байна.

            Чогсомын Эрдэнэбат нь согтуурах, архинд донтох өвчтэй болох нь хэрэгт авагдсан Сонгинохайрхан дүүргийн Эрүүл мэндийн төвийн 2016 оны 09 дүгээр сарын 15-ны өдрийн Согтууруулах, мансууруулах донтой өвчтэй эсэхийг тогтоосон эмнэлгийн дүгнэлтэд … архинд донтох өвчны  2-р үе, үгүйлэх хам шинж өвчтэй гэсэн дүгнэлт, мөн архидан согтуурч нийгмийн хэв журам зөрчсөн болон удаа дараа эрүүлжүүлэгдсэн болох нь Сонгинохайрхан дүүрэг дэх цагдаагийн нэгдүгээр  хэлтсийн хэсгийн байцаагчийн тайлбар, Сонгинохайрхан дүүргийн 18 дугаар хорооны иргэн Г.Сувд-Эрдэнийн тус цагдаагийн хэлтэст гаргасан өргөдөл, Г.Сувд-Эрдэнэ, Н.******* нарын цагдаагийн хэлтэст өгсөн тайлбар зэргээр нотлогдож байна.

            Иймд Согтуурах, мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 4 дүгээр зүйлийн 4.1-д зааснаар Н.*******ыг албадан эмчилгээнд явуулах нь зүйтэй гэж  шүүх үзлээ.

            Улсын тэмдэгтийн хураамжийн тухай хуулийн 41 дүгээр зүйлийн 41.1.3 дах хэсэгт зааснаар хүсэлт гаргагч Сонгинохайрхан дүүргийн цагдаагийн нэгдүгээр хэлтэс нь төсвийн байгууллага тул улсын тэмдэгтийн хураамж төлөхөөс чөлөөлөгджээ.

 

            Иргэний Хэрэг Шүүхэд Хянан Шийдвэрлэх Тухай Хуулийн 115 дугаар зүйлийн 115.2.1, 116, 118, 119, 135 дугаар зүйлийн 135.2.14 дэх хэсэгт заасныг удирдлага болгон ТОГТООХ НЬ:

 

            1.         Согтуурах, мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 4 дүгээр зүйлийн 4.1, 6 дугаар зүйлийн 6.3, 12 дугаар зүйлийн 12.1, 12.2 дахь хэсэгт зааснаар *******тай овогт *******н *******т албадан эмчилгээ хийлгэсүгэй.

 

2.         Н.*******ыг архины албадан эмчилгээний газарт хүргэхийг Сонгинохайрхан дүүргийн Цагдаагийн нэгдүгээр хэлтэст даалгаж, согтуурах, мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 6 дугаар зүйлийн 6.5-д зааснаар энэ өдрөөс шүүхийн шийдвэрийг биелүүлэхийг мэдэгдсүгэй.

 

            3.         Улсын тэмдэгтийн хураамжийн тухай хуулийн 41 дүгээр зүйлийн 41.1.3 дах хэсэгт зааснаар хүсэлт гаргагч байгууллага улсын тэмдэгтийн хураамж төлөхөөс чөлөөлөгдөх болохыг дурдсугай. 

 

            4.         Шийдвэр нь танилцуулан сонсгомогц хүчинтэй болохыг дурьдсугай.

     

5.         Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2, Согтуурах, мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 6 дугаар зүйлийн 6.4 дэх хэсэгт зааснаар  хүсэлт гаргагч шийдвэрийг гардан авсан өдрөөс хойш, тухайн өвчтэй этгээд, түүний хууль ёсны төлөөлөгч, өмгөөлөгч шийдвэрийг гарсан өдрөөс хойш 14 хоногийн дотор  Нийслэлийн  Иргэний хэргийн Давж заалдах шатны шүүхэд гомдол гаргах эрхтэй.

 

 

 

                                    ДАРГАЛАГЧ ШҮҮГЧ                      Х.ОЮУНЖАРГАЛ