Зохигчдын эвлэрлийг баталж

хэргийг хэрэгсэхгүй болгох тухай

 

            Сонгинохайрхан дүүргийн Иргэний хэргийн анхан шатны шүүхийн шүүх хуралдааныг шүүгч Х.Оюунжаргал би  даргалж,

 

            Нэхэмжлэгч: Сонгинохайрхан дүүргийн 13-р  хороо,  ******* ******* 8-378 тоотод оршин  суух Мянган овогт *******ын *******гийн /РД:*******/ нэхэмжлэлтэй,

Хариуцагч: Сонгинохайрхан дүүрэг 26-р хороо, ******* ******* 11-07 тоотод оршин суух  ******* ******* овогт ын д /РД:/ холбогдох

   “Зээлийн гэрээний үүрэг 908 126 төгрөг” гаргуулах тухай нэхэмжлэлтэй иргэний хэргийг иргэний хэргийг  хянан хэлэлцэв.

   Шүүх хуралдаанд: Нэхэмжлэгч Я.*******, хариуцагчийн итгэмжлэгдсэн төлөөлөгч М.,  нарийн бичгийн даргад Э.Саранцэцэг нар оролцов.

 

ТОДОРХОЙЛОХ нь:

 

Нэхэмжлэгч шүүхэд гаргасан нэхэмжлэл болон тайлбартаа: ... гийн хүсэлтээр 2014.07.17-нд 1 000 000 төгрөг 1 сарын хугацаатай зээлсэн болно. Энэ мөнгөний үлдэгдэл болон гэрээнд заасан хүү алданги 908 126 төгрөг гаргуулж өгнө үү...

...  хариуацгч 658 126 төгрөг төлнө гэснийг хүлээн зөвшөөрч, нэхэмжлэлийн шаардлагаас 250 000 төгрөгийг хасч эвлэрсэн тул эвлэрлийг баталгаажуулах хүсэлтэй байна ... гэжээ.

Зохигчид шүүх хуралдаанд эвлэрсэн эвлэрлийн гэрээнд:

1. Нэхэмжлэгч Я.******* нь хариуцагч Г.нансалмаагаас зээлийн гэрээний үүрэгт 908 126 төгрөгийг гаргуулахаар нэхэмжилснээс хэрэг хянан шийдвэрлэх ажиллагааны явцад 658 126 төгрөг төлөхөөр хүлээн зөвшөөрснийг нэхэмжлэгч тал зөвшөөрч эвлэрлийн гэрээ байгуулав.
2. Нэхэмжлэгч Я.*******гээс улсын тэмдэгтийн хураамжид төлсөн 26 345 төгрөгийн 13 200 төгрөгийг хариуцагч төлөхөөр тохиролцов.
3. Нэхэмжлэлийн нийт дүн 908 126 төгрөгөөс 250 000 төгрөгийг нэхэмжлэгч хасч татгалзсан болно гэжээ.

ҮНДЭСЛЭХ нь:

 

Нэхэмжлэгч Я.******* нь  хариуцагч Г.д холбогдуулан “Зээлийн гэрээний үүрэгт 908 126 төгрөг” гаргуулах тухай нэхэмжлэлийн шаардлага шүүхэд гаргасан байна.

            Хэрэг хянан шийдвэрлэх шүүх хуралдаанд нэхэмжлэгч  Я.******* нь  үндсэн төлбөр 908 126 төгрөг нэхэмжилсэн нэхэмжлэлийн шаардлагаас 250 000 төгрөгийг татгалзаж, 658 126 төгрөгийг нэхэмжилснийг хариуцагчийн итгэмжлэгдсэн төлөөлөгч М. хүлээн зөвшөөрч зохигчид харилцан тохиролцон эвлэрэн хэлэлцэж, эвлэрлийн гэрээ байгуулсан нь нь бусдын эрх эрх чөлөө, хуулиар хамгаалагдсан ашиг сонирхлыг хөндөөгүй хуульд харшлаагүй байх тул зохигчдын эвлэрлийг баталж  хэргийг  хялбаршуулсан журмаар шийдвэрлэх нь зүйтэй гэж шүүх үзлээ.

 

            Улсын тэмдэгтийн хураамжийн тухай хуулийн 7 дүгээр зүйлийн 7.1.1 дэх хэсэгт зааснаар  нэхэмжлэгч Я.******* нь улсын тэмдэгтийн хураамжид 26 345 төгрөг төлсөн ба зохигчид эвлэрлийн гэрээндээ хариуцагч Г. тэмдэгтийн хураамж 13 200 төгрөгийг нэхэмжлэгч Я.*******д төлөх талаар тохиролцсон  байна.

          

 Иргэний Хэрэг Шүүхэд Хянан Шийдвэрлэх Тухай Хуулийн 106 дүгаар зүйлийн 106. 5 дахь хэсэгт заасныг  удирдлага болгон

ЗАХИРАМЖЛАХ нь:

 

1. Нэхэмжлэгч  Я.*******гийн нэхэмжлэлтэй  хариуцагч  Г.д холбогдох “Зээлийн гэрээний үүрэгт 908 126 төгрөг” гаргуулах тухай иргэний хэрэгт  нэхэмжлэгч 250 000 төгрөгөөс татгалзаж, 658 126 төгрөгт зохигчид эвлэрснийг баталж хэргийг хэрэгсэхгүй болгосугай.

 

1. Улсын тэмдэгтийн хураамжийн тухай хуулийн 7 дүгээр зүйлийн 7.1.1 Иргэний Хэрэг Шүүхэд Хянан Шийдвэрлэх Тухай Хуулийн 106 дугаар зүйлийн 106.6 дах хэсэгт зааснаар нэхэмжлэгч Я.*******гээс  улсын тэмдэгтийн хураамжид төлсөн 26 345 төгрөгийг улсын төсөвт хэвээр үлдээж, хариуцагч Г.гаас улсын тэмдэгтийн хураамжид 13 200 төгрөг гаргуулж нэхэмжлэгчид олгосугай.

 

1. Хэргийг зохигчдын эвлэрлийг баталж, хэргийг хэрэгсэхгүй болгож хянан шийдвэрлэж байгаа тул зохигчид давж заалдах, хяналтын журмаар хянан шийдвэрлүүлэхээр гомдол гаргах тухайн асуудлаар анхан шатны шүүхэд дахин нэхэмжлэл гаргах эрхгүйг болохыг  дурдсугай.

 

1. Шүүгчийн захирамжийг хариуцагч нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

 

ДАРГАЛАГЧ ШҮҮГЧ                              Х.ОЮУНЖАРГАЛ