Хариуцагч нэхэмжлэлийн шаардлагыг

хүлээн зөвшөөрснийг баталж,

                                             хэргийг хэрэгсэхгүй болгох тухай

 

Өмнөговь аймаг дахь сум дундын иргэний хэргийн анхан шатны шүүхийн Ерөнхий шүүгч Р.Уранчимэг би

 

         Нэхэмжлэгч: “*******” ХХК

 

          Хариуцагч: Өмнөговь аймгийн Гурвантэс сумын 4 дүгээр баг ******* тоотод оршин суух, ******* овгийн *******гийн ******* /РД:*******/

 

Хариуцагч: Өмнөговь аймгийн Гурвантэс сумын 4 дүгээр баг ******* тоотод оршин суух, ******* овгийн *******гийн ******* /РД:/,

 

32971195 төгрөгийг гаргуулах тухай нэхэмжлэлийг 2016 оны 10 дугаар сарын 04-ний өдөр хүлээн авч, 2016 оны 10 дугаар сарын 11-ний өдөр иргэний хэрэг үүсгэн

 

Тодорхойлох нь:

 

Нэхэмжлэгч “*******” ХХК шүүхэд гаргасан нэхэмжлэлдээ: *******ны Гурвантэс тооцооны төв нь М.*******, хамтран зээлдэгч Б.******* нартай 2013 оны 10 дугаар сарын 24-ний өдөр 78 тоот зээлийн гэрээ, хөдлөх эд хөрөнгийн барьцааны гэрээ, үл хөдлөх эд хөрөнгийн барьцааны гэрээ тус тус байгуулан 50000000 /тавин сая/ төгрөгийн зээлийг жилийн 21,6 хувийн хүүтэй, 60 сарын хугацаатайгаар олгосон. Зээлийн эргэн төлөгдөх хуваарийг тогтмол төлөх нөхцөлтэйгөөр харилцан тохиролцон хийсэн.

Зээлийн барьцаанд:

1. Гуанз, зочид буудал газрын хамт Г-1104000025, Ү-1104000096 мкв

2. Ланд-100 маркын автомашин, цэвэр ус бүрэн автомат тоног төхөөрөмж, 5-н ханатай гэр 1ш, 32, 42 инчийн өнгөт зурагт 2ш, буудлын ор 8ш зэргийг барьцаалсан.

Дээрх зээлийн гэрээнүүдийг талууд харилцан тохиролцож байгуулсан бөгөөд хариуцагч М.*******, хамтран зээлдэгч Б.******* нар гэрээний нөхцөлийг хүлээн зөвшөөрч гарын үсэг зурж, нотариатаар баталгаажуулсан тул зээлийн гэрээ нь нь хүчин төгөлдөр юм.

Зээлдэгч М.*******, хамтран зээлдэгч Б.******* нар 2016 оны 05 дугаар сарын 23-ны өдрөөс эхлэн 132 хоног хугацаа хэтэрч, тус банкнаас авсан зээл, зээлийн хүүгийн төлбөрийг “Зээл буцаан төлөх хуваарь”-ийн дагуу эргүүлэн төлөлгүй, гэрээгээр хүлээсэн үүргээ биелүүлэхгүй зээлийн гэрээний 2.2.1-р зүйлийг зөрчиж байна. Зээлээ хугацаандаа төлөхгүй бол дараа дараагийн арга хэмжээг авах болох талаар удаа дараа сануулсан, мэдэгдсэн болно. Зээлдэгч М.*******, хамтран зээлдэгч Б.******* нар нь 2016 оны 10 дугаар сарын 04-ний өдрийн байдлаар дараах зээл, хүү, нэмэгдүүлсэн хүүгийн үлдэгдэлтэй байна. Үүнд: зээлийн үндсэн өрийн үлдэгдэл 30714285 төгрөг, зээлийн үндсэн хүүгийн үлдэгдэл 2227699 төгрөг, нэмэгдүүлсэн хүүгийн үлдэгдэл 29211 төгрөг, нийт 32971195 төгрөг байна.

Зээлдэгч М.*******, хамтран зээлдэгч Б.******* нараас үндсэн зээл, зээлийн үндсэн хүү, нэмэгдүүлсэн хүүгийн төлбөр нийт 32971195 /Гучин хоёр сая есөн зуун далан нэгэн мянга нэг зуун ерэн тав/ төгрөгийг гаргуулж *******инд олгож өгнө үү гэжээ. гэжээ.

 

Хариуцагч Ц.*******, Б.******* нар шүүхэд ирүүлсэн хариу тайлбартаа: Хариуцагч Ц.*******, Б.******* нар *******наас шүүхэд гаргасан нэхэмжлэлтэй танилцлаа. Нэхэмжлэлийн шаардлага болох 32971195 төгрөгний мөнгөн дүн дээр маргаан байхгүй. Уг мөнгийг төлж *******ийг хохиролгүй болгоно. Төлж барагдуулахад татгалзах зүйлгүй гэжээ.  

 

Үндэслэх нь:

 

Хариуцагч Ц.*******, Б.******* нар нэхэмжлэлийн шаардлагыг хүлээн зөвшөөрсөн болох нь хариуцагч нарын шүүхэд ирүүлсэн “Хариуцагч Ц.*******, Б.******* нар *******наас шүүхэд гаргасан нэхэмжлэлтэй танилцлаа. Нэхэмжлэлийн шаардлага болох 32971195 төгрөгний мөнгөн дүн дээр маргаан байхгүй. Уг мөнгийг төлж *******ийг хохиролгүй болгоно. Төлж барагдуулахад татгалзах зүйлгүй” гэсэн тайлбараар нотлогдож байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

 

Хариуцагч Ц.******* нь 2013 оны 12 дугаар сарын 24-ний өдөр ******* ХХК-тай ******* овгийн Маамаагийн ******* нэрээр зээлийн гэрээ байгуулсан ба 2014 оны 11 дүгээр сарын 10-ны өдөр ******* овгийн *******гийн ******* нэрээр иргэний үнэмлэх солиулж авсан болох нь хэрэгт авагдсан зээлийн гэрээ, иргэний үнэмлэхийн хуулбаруудаар нотлогдож байна. Иймд ******* ХХК-ийн нэхэмжилсэн нэхэмжлэлийн хариуцагч нь Ц.******* байна.   

 

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.4, 75 дугаар зүйлд заасныг  удирдлага болгон ЗАХИРАМЖЛАХ нь:

 

1. Хариуцагч Ц.*******, Б.******* нар нь “*******” ХХК-ийн 32971195 төгрөг гаргуулах тухай нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай.

 

1. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар хариуцагч Ц.*******, Б.******* нар нь 32971195 төгрөгийг нэхэмжлэгч “*******” ХХК-нд төлж хохиролгүй болго гэж захирамжилсныг сайн дураар үл биелүүлбэл шүүхийн шийдвэрийн нэгэн адил албадан гүйцэтгэхийг дурдсугай.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэг, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт зааснаар нэхэмжлэгч “*******” ХХК-ийн улсын тэмдэгтийн хураамжид төлсөн 322806 төгрөгийг орон нутгийн төсвийн орлогод хэвээр үлдээж, хариуцагч Ц.*******, Б.******* нараас улсын тэмдэгтийн хураамжид 161403 төгрөг, орон нутгийн төсвийн орлогоос 161403 төгрөгийг тус тус гаргуулж “*******” ХХК-нд олгосугай.

 

1. Энэ захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

 

 

ЕРӨНХИЙ ШҮҮГЧ                                   Р.УРАНЧИМЭГ