Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 132 дугаар зүйлийн 132.6-д заасныг удирдлага болгон

 

ТОГТООХ нь:

 

1. Гэр бүлийн тухай хуулийн 14 дүгээр зүйлийн 14.1-д зааснаар Чонос овгийн Энхтайваны Мижиддорж, Уургач овгийн Цэдэнжавын Отгончимэг нарын гэрлэлтийг цуцалсугай.

2. Гэр бүлийн тухай хуулийн 14 дүгээр зүйлийн 14.5-д зааснаар 2000 оны 08 дугаар сарын 26-ны өдөр төрсөн хүү М.Чингүүнжавыг эцэг Э.Мижиддоржийн, 2006 оны 08 дугаар сарын 17-ны өдөр төрсөн хүү М.Гарьдыг эх Ц.Отгончимэгийн асрамжид үлдээсүгэй.

3. Иргэний хуулийн 130 дугаар зүйлийн 130.2-т зааснаар хариуцагч Э.Мижиддоржоос тавилгагүй таван ханатай гэр, 4,400,000 төгрөг, Баянзүрх дүүргийн 5 дугаар хороо, Монелийн 44 дүгээр гудамжны 15 тоот хаягт орших гэр бүлийн хэрэгцээний зориулалттай 700 м.кв талбай бүхий эзэмших эрхтэй газрыг тус тус гаргуулж нэхэмжлэгч Ц.Отгончимэгт олгосугай.

4. Нэхэмжлэгч гэр бүлийн хамтран өмчлөх дундын эд хөрөнгөөс гэр бүлийн гишүүдэд ногдох хэсэг, хүүхдийн тэтгэлэг гаргуулах шаардлагаасаа татгалзсан болохыг дурдсугай.

5. Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-д зааснаар нэхэмжлэгчээс улсын тэмдэгтийн хураамжид төлсөн 70.200 төгрөгийг улсын орлогод үлдээж, хариуцагчаас 70,200 төгрөг гаргуулан нэхэмжлэгчид олгосугай.

6. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч анхан шатны шүүхийн шийдвэрийг гардан авсан өдрөөс хойш 14 хоногийн дотор Нийслэлийн иргэний хэргийн давж заалдах шатны шүүхэд давж заалдах гомдол гаргах эрхтэй болохыг дурдсугай.

 

 

 

ДАРГАЛАГЧ ШҮҮГЧ                                       Э.ЭНЭБИШ