Өвөрхангай аймаг дахь сум дундын иргэний хэргийн анхан шатны  шүүхийн иргэний шүүх хуралдааныг шүүгч А.Үүрийнтуяа даргалж, тус шүүхийн шүүх хуралдааны танхимд нээлттэй хийсэн шүүх хуралдаанаар

Нэхэмжлэгч: Өвөрхангай аймгийн Арвайхээр сумын 3 дугаар баг 1-7 тоотод оршин суух, Бунь овгийн Цэдэндамбын Билэгтогтохын нэхэмжлэлтэй

Хариуцагч: Өвөрхангай аймгийн Тарагт сумын 6 дугаар багт оршин суух, Отгивын Адъяасүрэнд холбогдох

“168600 төгрөг гаргуулах”-ыг хүссэн иргэний хэргийг  хянан хэлэлцэв.

            Шүүх хуралдаанд: нарийн бичгийн дарга Б.Бямбасүрэн оролцов.

ТОДОРХОЙЛОХ нь:

Нэхэмжлэгч Ц.Билэгтогтох шүүхэд гаргасан нэхэмжлэлдээ: О.Адъяасүрэн нь манай дэлгүүрээс 48 ширхэг будаг авч, 153600 төгрөгийг төлнө гэсэн боловч одоо хүртэл төлөхгүй байгаа тул О.Адъяасүрэнгээс 153600 төгрөг, үнэлгээний мөнгө 15000 төгрөг, нийт 168600 төгрөгийг гаргуулж өгнө үү гэжээ.

            Шүүх хуралдаанаар хавтаст хэрэгт авагдсан бичгийн нотлох баримтуудыг шинжлэн судлаад: 

ҮНДЭСЛЭХ нь:

Нэхэмжлэгч Ц.Билэгтогтох нь хариуцагч О.Адъяасүрэнд холбогдуулан “168600 төгрөг гаргуулах”-ыг хүссэн нэхэмжлэлийг тус шүүхэд гаргажээ.

Нэхэмжлэлийн хувийг хариуцагчид гардуулсан боловч хуульд заасан хугацаанд хариу тайлбар гаргаагүй, шүүх хуралдаанд хүндэтгэн үзэх шалтгаангүйгээр хүрэлцэн ирээгүй байх тул Иргэний хэрэг шүүхэд хянан шийдвэрлэх тухай хуулийн 72 дугаар зүйлийн 72.3, 100 дугаар зүйлийн 100.3 дахь хэсэгт тус тус зааснаар нэхэмжлэлийг хүлээн зөвшөөрсөнд тооцож, хариуцагчийн эзгүйд шүүх хуралдааныг хийх боломжтой гэж үзлээ.

Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.2-т зааснаар хариуцагчаас О.Адъяасүрэнгээс 2845 төгрөгийг гаргуулан нэхэмжлэгчид олгож, нэхэмжлэгчээс улсын тэмдэгтийн хураамжинд төлсөн 5690 төгрөгийг орон нутгийн орлогод хэвээр үлдээх нь зүйтэй байна.

Нэхэмжлэгч Ц.Билэгтогтох нь “өөрийнхөө эзгүйд шүүх хуралдаан хийлгэх” тухай хүсэлт ирүүлсэн тул Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1-д зааснаар түүнийг оролцуулахгүйгээр шийдвэрлэсэн болно.

            Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлүүдэд заасныг тус тус удирдлага болгон

                                                  ТОГТООХ нь:

1. Иргэний хуулийн 228 дугаар зүйлийн 228.1 дэх хэсэгт зааснаар хариуцагч О.Адъяасүрэнгээс 168600 төгрөгийг гаргуулан нэхэмжлэгч Ц.Билэгтогтоход олгосугай.

2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.2-т зааснаар хариуцагчаас 5690 төгрөгийг гаргууланнэхэмжлэгчид олгож,  нэхэмжлэгчээс улсын тэмдэгтийн хураамжинд төлсөн 5690 төгрөгийг орон нутгийн орлогод хэвээр үлдээсүгэй.

3. Шийдвэр танилцуулан сонсгосноор хүчинтэй бөгөөд зохигчид, тэдгээрийн өмгөөлөгч наршийдвэрийг эс зөвшөөрвөл гардан авсан өдрөөс хойш 14 хоногийн дотор Өвөрхангай аймгийн Эрүү, Иргэний хэргийн Давж заалдах шатны  шүүхэд гомдол гаргах эрхтэй болохыг дурдсугай

                         ДАРГАЛАГЧ, ШҮҮГЧ                        А.ҮҮРИЙНТУЯА