2016 оны 07 сарын 28 өдөр

Дугаар 101/ШШ2016/05330

Улаанбаатар хот

 

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

  Баянзүрх дүүргийн Иргэний хэргийн анхан шатны шүүхийн шүүгч Б.Ундраа би,

Нэхэмжлэгч: Улаанбаатар хот, Баянзүрх дүүрэг, 25 дугаар хороо, Нарны зам, 100/1 байрны 12 давхарт байрлах, “Хүслийн өргөө” СӨХ-ны нэхэмжлэлтэй,

Хариуцагч: Улаанбаатар хот, Баянзүрх дүүрэг, 25 дугаар хороо, Нарны зам, 100 дугаар байрны 28 тоотод тоотод оршин суух, Өөлд овогт Мягмаржавын Одончимэг /регистрийн дугаар БЮ86021403/-т холбогдох,

  168,984 төгрөг гаргуулах тухай иргэний хэргийг хянаад

 

 

ТОДОРХОЙЛОХ нь:

 

Нэхэмжлэгч “Хүслийн өргөө” СӨХ нь шүүхэд гаргасан нэхэмжлэлдээ: Баянзүрх дүүргийн 25 дугаар хороо, Нарны зам Зүүн сэлбэ Хүслийн өргөө хотхонд нийт 4 байр байдаг ба 240 гаруй оршин суугч амьдардаг. Хүслийн өргөө Сөх нь 2014 оны 3 дугаар сард албан ёсоор нийт гишүүдийн хуралдаанаар байгуулагдсан ба 2014 оны 6 дугаар сарын 1-ний өдрөөс эхлэн үйл ажиллагаа явуулж байна

Тус хотхоны 100 дугаар байрны 28 тоотод оршин суугч нь 2015 оны 7,8,9,10,11,12 сарын СӨХ-ны төлбөрөө төлөлгүй байх тул дээрх саруудын төлбөр нийт 168,984 төгрөгийг гаргуулж өгнө үү” гэжээ.

 

Хариуцагч М.Одончимэг нь шүүхэд гаргасан хариу тайлбартаа: Мягмаржавын Одончимэг миний бие Баянзүрх дүүргийн Хүслийн өргөө 100-28 тоотод амьдардаг бөгөөд 2015 оны 07 дугаар сараас 2015 оны 12 дугаар сар хүртэл СӨХ-ны төлбөрт 168,984 төгрөгийг төлж барагдуулах болно. Нэхэмжлэлийн шаардлагыг хүлээн зөвшөөрч байна гэжээ.

 

ҮНДЭСЛЭХ нь:

 

Нэхэмжлэгч “Хүслийн өргөө” СӨХ нь хариуцагч М.Одончимэгт холбогдуулан 168,984 төгрөг гаргуулах тухай нэхэмжлэлийг шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч М.Одончимэгт нь нэхэмжлэлийн шаардлага болох 168,984 төгрөгийг бүрэн төлж барагдуулахаар хүлээн зөвшөөрсөн тайлбарыг шүүхэд ирүүлсэн байна.

 

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-т заасны дагуу хариуцагчийн зөвшөөрлийг баталж, хэргийг хялбаршуулсан журмаар шийдвэрлэх нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлүүдэд заасныг удирдлага болгон

 

ЗАХИРАМЖЛАХ  нь:

 

1. Нэхэмжлэгч “Хүслийн өргөө” СӨХ-ны нэхэмжлэлтэй М.Одончимэгт холбогдох 168,984 төгрөг гаргуулах тухай нэхэмжлэлийн шаардлагыг хариуцагч М.Одончимэг бүхэлд нь хүлээн зөвшөөрснийг баталж, хэргийг хэрэгсэхгүй болгосугай.   

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5.-д заасныг баримтлан, “Хүслийн өргөө” СӨХ-оос улсын тэмдэгтийн хураамжид 2016 оны 02 дугаар сарын 01-ний өдөр урьдчилан төлсөн 9,620 төгрөгийн тал хувь болох 4,810 төгрөгийг улсын төсвийн орлогод хэвээр үлдээж, тал хувь 4,810 төгрөгийг Баянзүрх дүүргийн татварын хэлтсийн 2609006167 дугаар данснаас, хариуцагч М.Одончимэгээс улсын тэмдэгтийн хураамжид 4,810 төгрөгийг тус тус гаргуулан, нэхэмжлэгч “Хүслийн өргөө” СӨХ-д олгосугай.

 

1. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6.-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн  74.4-т зааснаар хэргийг хялбаршуулсан журмаар хянан шийдвэрлэсэн захирамжид зохигч давж заалдах журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                               Б.УНДРАА