2016 оны 07 сарын 28 өдөр

Дугаар 101/ШШ2016/05338

Улаанбаатар хот

 

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

   Баянзүрх дүүргийн Иргэний хэргийн анхан шатны шүүхийн шүүгч Б.Ундраа би,

Нэхэмжлэгч: Улаанбаатар хот, Баянзүрх дүүрэг, 6 дугаар хороо, 52 дугаар байр, 16 тоотод оршин суух, Тугчингууд овогт Нацагийн Буянжаргал /регистрийн дугаар ЦД38010377/-ийн нэхэмжлэлтэй

Хариуцагч: Улаанбаатар хот, Баянзүрх дүүрэг, 21 дүгээр хороо, 37 дугаар байр, 75 тоотод оршин суух, Тайчууд овогт Ичинноровийн Төмөрчөдөр /регистрийн дугаар ХБ49070167/-т холбогдох,

  3,682,000 төгрөг гаргуулах тухай иргэний хэргийг хянаад

 

ТОДОРХОЙЛОХ нь:

 

Нэхэмжлэгч Н.Буянжаргал нь шүүхэд гаргасан нэхэмжлэлдээ: Иргэн Төмөрчөдөр нь 2012 оны 12 сарын 12-нд зээлийн гэрээ хийж 3,682 ,000 төгрөгийг сарын 5 хувийн хүүтэй 6 сарын хугацаатай зээлсэн. Энэ мөнгийг би өөрийнхөө нэр дээр Ариг банкнаас дам зээлж өгсөн юм. Гэтэл авсан зээлээ буцаах байтугай хүүгээ ч төлөхгүй гэрээгээ хөсөрдүүлсээр өнөөдрийг хүрлээ. Анх зээл авсанаас хойш 3 жил 5 сар өнгөрсөн тул гэрээ ёсоор бол нийт 10,562,000 төгрөгийг банк нэхэмжилж байна. Энэ хугацаанд би банкинд 4,537 төгрөг зөвхөн хүүнд төлөөд байгаа юм. Хэдийгээр ийм боловч миний зүгээс зээлэгчийн эрүүл мэнд, ахуй байдлыг харж, хөнгөлөлт үзүүлэн гэрээнд заагдсан хүү ба алдангийг би төлж эрсдэлийг нь хүлээх болж байна.

Иймд анх зээлдсэн 3,682,000 төгрөгийн одоо шууд барагдуулах нөхцөлөөр нэхэмжилж байна. Цаашид би хүү төлөх боломжгүй. Иймд энэ мөнгийг нэн яаралтай барагдуулах шаардлагатай байгааг хянан үзэж шийдвэрлэж өгнө үү гэжээ.

 

Хариуцагч И.Төмөрчөдөр нь шүүхэд гаргасан хариу тайлбартаа: Ичинноров овогтой Төмөрчөдөр миний бие Н.Буянжаргалын нэхэмжилсэн 3,682,000 төгрөгийг төлж барагдуулна. Нэхэмжлэлийн шаардлагыг хүлээн зөвшөөрч байна гэжээ.

 

ҮНДЭСЛЭХ нь:

 

Нэхэмжлэгч Н.Буянжаргал нь хариуцагч И.Төмөрчөдөрт холбогдуулан 3,682,000 төгрөг гаргуулах тухай нэхэмжлэлийг шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч И.Төмөрчөдөр нь нэхэмжлэлийн шаардлага болох 3,682,000 төгрөгийг бүрэн төлж барагдуулахаар хүлээн зөвшөөрсөн тайлбарыг шүүхэд ирүүлсэн байна.

 

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-т заасны дагуу хариуцагчийн зөвшөөрлийг баталж, хэргийг хялбаршуулсан журмаар шийдвэрлэх нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлүүдэд заасныг удирдлага болгон

ЗАХИРАМЖЛАХ  нь:

 

1. Нэхэмжлэгч Н.Буянжаргалын нэхэмжлэлтэй И.Төмөрчөдөрт холбогдох 3,682,000 төгрөг гаргуулах тухай нэхэмжлэлийн шаардлагыг хариуцагч И.Төмөрчөдөр бүхэлд нь хүлээн зөвшөөрснийг баталж, хэргийг хэрэгсэхгүй болгосугай.   

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5.-д заасныг баримтлан, Н.Буянжаргалаас улсын тэмдэгтийн хураамжид 2016 оны 06 дугаар сарын 04-ны өдөр урьдчилан төлсөн 73,862 төгрөгийн тал хувь болох 36,931 төгрөгийг улсын төсвийн орлогод хэвээр үлдээж, тал хувь 36,931 төгрөгийг Баянзүрх дүүргийн татварын хэлтсийн 2609006167 дугаар данснаас,  хариуцагч И.Төмөрчөдөрөөс улсын тэмдэгтийн хураамжид 36,931 төгрөгийг тус тус гаргуулан, нэхэмжлэгч Н.Буянжаргалд олгосугай.

 

1. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6.-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн  74.4-т зааснаар хэргийг хялбаршуулсан журмаар хянан шийдвэрлэсэн захирамжид зохигч давж заалдах журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                               Б.УНДРАА