2016 оны 07 сарын 28 өдөр

Дугаар 101/ШШ2016/05340

Улаанбаатар хот

 

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Баянзүрх дүүргийн Иргэний хэргийн анхан шатны шүүхийн шүүгч Б.Ундраа би,

 

Нэхэмжлэгч: Улаанбаатар хот, Сүхбаатар дүүрэг, 8 дугаар хороо, Ерөнхий сайд Амарын гудамж, Хас банкны төв байранд байрлах, Хас банк ХХК /хуудийн этгээдийн регистийн дугаар 2578697/-ийн нэхэмжлэлтэй,

 

Хариуцагч: Улаанбаатар хот, Баянзүрх дүүрэг, 7 дугаар хороо, 15 дугаар хороолол, 24-60 тоотод байрлах, Амирланзаяа ХХК /хуулийн этгээдийн регистрийн дугаар 5654157/,

 

Хариуцагч: Улаанбаатар хот, Баянзүрх дүүрэг, 7 дугаар хороо, 15 дугаар хороолол, 24-60 тоотод оршин суух, Гомбодорж овогт Гомбо-Ичингийн Үнэнцэцэг  /регистрийн дугаар ХИ69041509/,

 

Хариуцагч: Улаанбаатар хот, Баянзүрх дүүрэг, 7 дугаар хороо, 15 дугаар хороолол, 24-60 тоотод оршин суух, Боржигон овогт Шомбооны Дамдинсүрэн  /регистрийн дугаар ИЭ69122112/ нарт холбогдох

 

285,754,583.70 төгрөг гаргуулах тухай иргэний хэргийг хянаад

 

 

ТОДОРХОЙЛОХ нь:

 

Нэхэмжлэгч Хас банк ХХК нь шүүхэд гаргасан нэхэмжлэлдээ: “Зээлдэгч Амирланзаяа ХХК, Г.Үнэнцэцэг, Ш.Дамдинсүрэн нар 2014 оны 10 дугаар сарын 31-ний өдөр Хас банктай 1010018601 дугаартай Барьцаат зээлийн гэрээ, 1010018601 дугаартай Батлан даалтын гэрээ, 1010018601 дугааратай, Барьцааны гэрээ, 1010018601-02 дугаартай Баталгаат Ипотекийн гэрээг тус тус байгуулж гэрээнд заасан хөрөнгийг барьцаалан 275,000,000 төгрөгийн зээлийг 60 сарын хугацаатай, 365 хоногт 7 хувийн хүүтэй, үндсэн хөрөнгийн зориулалтаар зээл авсан. Зээлийн барьцаанд дараах хөрөнгийг барьцаалсан.

Үүнд:

• Улсын бүртгэлийн Y-2205011988 дугаартай, Баянгол дүүрэг, 11 дүгээр хороо, Хувьсгалчдын д-1 гудамж, 35 тоот, 246мкв хувийн сууц
• Улсын бүртгэлийн Y-2205054971 дугаартай, Баянгол дүүрэг, 11 дүгээр хороо, Хувьсгалчдын д-1 гудамж, 35 тоот, 48мкв хувийн сууц
• Улсын бүртгэлийн Y-2205000921 дугаартай, Баянгол дүүрэг, 11 дүгээр хороо, Хувьсгалчдын д-1 гудамж, 338.76мкв өмчлөх эрхтэй газар
• Улсын бүртгэлийн Y-2203025510 дугаартай, Сүхбаатар дүүрэг, 15 дугаар хороо, Ар хустай /14100/ 1-р хэсэг гудамж 163 тоот, 112.5мкв зуслангийн сууц
• ГД:0190043, Сүхбаатар дүүрэг, 15 дугаар хороо, Ар хустай 400 мкв, 15 жилийн хугацаатай эзэмших эрхтэй газар зэрэг болно.

 

Зээлдэгч Амирланзаяа ХХК, Г.Үнэнцэцэг, Ш.Дамдинсүрэн нар нь барьцаат зээлийн 1010018601 дугаар гэрээний 1 дүгээр хавсралтад заасан хуваарийн дагуу сар бүр зээлийн хүү, үндсэн төлбөр төлөх үүрэгтэй боловч гэрээнд заасан үүргээ биелүүлэхгүй, биелүүлэхээс санаатайгаар зайлсхийж, банкнаас үүргээ биелүүлэхийг шаардсан удаа дараагийн мэдэгдэх, шаардахыг үл тоомсорлон төлөх талаар арга хэмжээ авахгүй гэрээний үүргээ ноцтой зөрчин өнөөдрийг хүрлээ. 2016 оны 04 дүгээр сарын 18-ны өдрийн байдлаар зээлдэгч Амирланзаяа ХХК, Г.Үнэнцэцэг, Ш.Дамдинсүрэн нарын төлбөл зохих зээлийн төлбөрийг харуулбал: 1010018601 дугаар зээлийн үндсэн төлбөрт 274,711,894.4 төгрөг, хүү 10,879,130 төгрөг, нэмэгдүүлсэн хүү 163,559.13 төгрөг, нийт 285,754,583.70 төгрөг болоод байна.

Иймд 1010018601 дугаар гэрээтэй төлбөр болох нийт 285,754,583.70 төгрөгийг Амирланзаяа ХХК, Ц.Үнэнцэцэг, Ш.Дамдинсүрэн нараас гаргуулах, үүргийн гүйцэтгэлийг барьцаа хөрөнгөөр хангуулах, үүргийн гүйцэтгэлийг барьцаа хөрөнгөөр хангуулах талаар шүүхийн шийдвэрт зааж өгнө үү” гэжээ.

 

Хариуцагч Амирланзаяа ХХК-ийн захирал Ц.Үнэнцэцэг нь шүүхэд гаргасан хариу тайлбартаа: “Гомбо-Ичин овогтой Үнэнцэцэг миний бие Амирланзаяа ХХК-ний захирал бөгөөд Хас банкнаас нэхэмжилсэн 285,754,583.70 төгрөгийг төлж барагдуулна. Нэхэмжлэлийн шаардлагыг бүхэлд хүлээн зөвшөөрч байна” гэжээ.

 

ҮНДЭСЛЭХ нь:

 

Нэхэмжлэгч Хас банк ХХК нь хариуцагч Амирланзаяа ХХК болон Ц.Үнэнцэцэг, Ш.Дамдинсүрэн нарт холбогдуулан 285,754,583.70 төгрөг гаргуулах тухай нэхэмжлэлийг шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч Амирланзаяа ХХК-ийн захирал Ц.Үнэнцэцэг нь нэхэмжлэлийн шаардлага болох 285,754,583.70 төгрөгийг бүрэн төлж барагдуулахаар хүлээн зөвшөөрсөн тайлбарыг шүүхэд ирүүлсэн байна.

 

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-т заасны дагуу хариуцагчийн зөвшөөрлийг баталж, хэргийг хялбаршуулсан журмаар шийдвэрлэх нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлүүдэд заасныг удирдлага болгон

ЗАХИРАМЖЛАХ  нь:

 

1. Нэхэмжлэгч Хас банк ХХК-ийн нэхэмжлэлтэй, Амирланзаяа ХХК болон Ц.Үнэнцэцэг, Ш.Дамдинсүрэн нарт холбогдох 285,754,583.70 төгрөг гаргуулах тухай нэхэмжлэлийн шаардлагыг хариуцагч Амирланзаяа ХХК-ийн захирал Ц.Үнэнцэцэг хүлээн зөвшөөрснийг баталж, хэргийг хэрэгсэхгүй болгосугай.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5.-д заасныг баримтлан, Хас банк ХХК-иас улсын тэмдэгтийн хураамжид 2016 оны 01 дүгээр сарын 13-ны өдөр урьдчилан төлсөн 1,586,723 төгрөгийн тал хувь болох 793,361.5 төгрөгийг улсын төсвийн орлогод хэвээр үлдээж, тал хувь 793,361.5 төгрөгийг Баянзүрх дүүргийн татварын хэлтсийн 2609006167 дугаар данснаас, хариуцагч Амирланзаяа ХХК, Ц.Үнэнцэцэг, Ш.Дамдинсүрэн нараас улсын тэмдэгтийн хураамжид 793,361.5 төгрөгийг тус тус гаргуулан, нэхэмжлэгч Хас банк ХХК-д олгосугай.

 

1. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6.-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн  74.4-т зааснаар хэргийг хялбаршуулсан журмаар хянан шийдвэрлэсэн захирамжид зохигч давж заалдах журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                               Б.УНДРАА