2016 оны 09 сарын 07 өдөр

Дугаар 101/ШШ2016/05698

Улаанбаатар хот

 

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

   Баянзүрх дүүргийн Иргэний хэргийн анхан шатны шүүхийн шүүгч Б.Ундраа би,

Нэхэмжлэгч: Улаанбаатар хот, Баянзүрх дүүрэг, 22 дугаар хороо, Өлгий 10 дугаар гудамж, 147 тоотод оршин суух, Шар овогт Цэрэндоржийн Эрдэнэчимэг /регистрийн дугаар ЦБ77021702/-ийн нэхэмжлэлтэй,

Хариуцагч: Улаанбаатар хот, Баянзүрх дүүрэг, 19 дүгээр хороо, Сот-3 гудамж, 8-10 тоотод оршин суух, Шарнууд овогт Баянбаатарын Эрдэнэчимэг /регистрийн дугаар ЦЕ84091303/-т холбогдох,

  4,000,000 төгрөг гаргуулах тухай иргэний хэргийг хянаад

 

ТОДОРХОЙЛОХ нь:

 

Нэхэмжлэгч Ц.Эрдэнэчимэг нь шүүхэд гаргасан нэхэмжлэлдээ: “2015 оны 06 дугаар сарын 11-ны өдөр Ц.Эрдэнэчимэг миний бие 4,000,000 төгрөгийг Баянбаатарын Эрдэнэчимэгт 2015 оны 09 сарын 10-ны өдөр эргэн төлөхөөр хүүгүй зээлдүүлсэн. Гэтэл зээлдэгч Баянбаатарын Эрдэнэчимэг нь зээлийн үүргээ биелүүлэхгүй байна. Зээлдүүлэгч миний бие гэрэээнд заасан үүргээ биелүүлэхийг удаа дараа шаардсан боловч өдийг хүртэл шаардлагыг минь хангалгүй иргэн намайг хохироож байна.

Иймээс зээлийн гэрээг цуцалж зээлдүүлсэн үндсэн 4,000,000 төгрөгийг хариуцагч талаас гаргуулж өгнө үү” гэжээ.

 

Хариуцагч Б.Эрдэнэчимэг нь шүүхэд гаргасан хариу тайлбартаа: “Баянбаатар овогтой Эрдэнэчимэг миний бие нь Ц.Эрдэнэчимэгийн нэхэмжилсэн 4 сая төгрөгийг төлж барагдуулна. Нэхэмжлэлийн шаардлагыг бүхэлд нь зөвшөөрч байна” гэжээ.

 

ҮНДЭСЛЭХ нь:

 

Нэхэмжлэгч Ц.Эрдэнэчимэг нь хариуцагч Б.Эрдэнэчимэгт холбогдуулан 4,000,000 төгрөг гаргуулах тухай нэхэмжлэлийг шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч Б.Эрдэнэчимэг нь нэхэмжлэлийн шаардлага болох 4,000,000 төгрөгийг бүрэн төлж барагдуулахаар хүлээн зөвшөөрсөн тайлбарыг шүүхэд ирүүлсэн байна.

 

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-т заасны дагуу хариуцагчийн зөвшөөрлийг баталж, хэргийг хялбаршуулсан журмаар шийдвэрлэх нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлүүдэд заасныг удирдлага болгон

ЗАХИРАМЖЛАХ  нь:

 

1. Нэхэмжлэгч Ц.Эрдэнэчимэгийн нэхэмжлэлтэй Б.Эрдэнэчимэгт холбогдох 4,000,000 төгрөг гаргуулах тухай нэхэмжлэлийн шаардлагыг хариуцагч Б.Эрдэнэчимэг нь хүлээн зөвшөөрснийг баталж, хэргийг хэрэгсэхгүй болгосугай.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5.-д заасныг баримтлан, Ц.Эрдэнэчимэгээс улсын тэмдэгтийн хураамжид 2016 оны 06 дугаар сарын 22-ны өдөр урьдчилан төлсөн 78,950 төгрөгийн тал хувь болох 39,475 төгрөгийг улсын төсвийн орлогод хэвээр үлдээж, тал хувь болох 39,475 төгрөгийг Баянзүрх дүүргийн татварын хэлтсийн 2609006167 дугаар данснаас, хариуцагч Б.Эрдэнэчимэгээс улсын тэмдэгтийн хураамжид 39,475 төгрөгийг тус тус гаргуулан, нэхэмжлэгч Ц.Эрдэнэчимэгт олгосугай.

 

1. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн  74.4-т зааснаар хэргийг хялбаршуулсан журмаар хянан шийдвэрлэсэн захирамжид зохигч давж заалдах журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                               Б.УНДРАА