Зохигч талуудын эвлэрлийг баталж,

хэргийг хэрэгсэхгүй болгох тухай

 

          

 

Иргэний хэрэг шүүхэд хянан шийдвэрлэх тухай хуулийн 74-р зүйлийн 74.2, 75 дугаар зүйлүүдэдзаасныг удирдлага болгон

                                                                                                          ЗАХИРАМЖЛАХ нь:

 

1.Нэхэмжлэгч ******* нь хариуцагч *******од холбогдуулан 44,850,000 төгрөг гаргуулах тухай нэхэмжлэлийн шаардлагаас нэхэмжлэгч ******* нь 9,850,000 төгрөг авахаас татгалзаж, үлдэх 35,000,000 төгрөгийг хариуцагч ******* нь 2016 оны 11 дүгээр сарын 25-ны дотор төлөхөөр зохигч талууд эвлэрснийг баталж, хэргийг хэрэгсэхгүй болгосугай.

            2. Иргэний хуулийн 174 дүгээр зүйлийн 174.1, 175 дугаар зүйлийн 175.1 дэх хэсэгт заасныг баримтлан хариуцагч тохирсон хугацаандаа үүргээ сайн дураар биелүүлээгүй тохиолдолд барьцааны зүйл болох Хан-Уул дүүргийн 1 дүгээр хороо, 120 мянгат 20 дугаар байрны 34 тоот, гэрчилгээний 0004473 дугаартай, 2206000060 улсын бүртгэлийн дугаартай орон сууцаар үүргийн гүйцэтгэлийг хангахыг*******нд даалгасугай.

 

            3.Улсын тэмдэгтийн хураамжийн тухай хуулийн 7 дугаар зүйлийн 7.1.1,  Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь  хэсгүүдэд зааснаар улсын тэмдэгтийн хураамжид нэхэмжлэгчийн төлсөн 382,200 төгрөгөөс 191,100 төгрөгийг Хан-Уул дүүргийн Татварын хэлтсийн Улаанбаатар хотын банк дахь 2603030349 тоот данснаас, хариуцагч *******оос 166,475 төгрөгийг тус тус гаргуулан нэхэмжлэгч *******д олгож, 191,100 төгрөгийг улсын төсвийн орлогод хэвээр үлдээсүгэй.

 

          4.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

5.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүй болохыг дурьдсугай.

 

 

 

 

 

                                 ШҮҮГЧ                       Ц.САНСАРМАА