Зохигчдын эвлэрлийг баталж,

хэргийг хэрэгсэхгүй болгох тухай

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.6, 75 дугаар зүйлүүдийг удирдлага болгон

                                                                                                            ЗАХИРАМЖЛАХ нь:

 

1. “*******” ХХК-ийн нэхэмжлэлтэй “*******” ХХК-д холбогдох иргэний хэргийн нэхэмжлэгч 14 351 731 төгрөгийн нэхэмжлэлийн шаардлагаас татгалзаж, “*******” ХХК нь “*******” ХК-ийн нэхэмжилсэн 48 431 840 төгрөгийн нэхэмжлэлийн шаардлагаас үндсэн төлбөр 33 680 000 төгрөг, нийт алдангийн 20 хувь болох 2 950 000 төгрөг, улсын тэмдэгтийн хураамж 400 109 төгрөгийг төлөхийг зөвшөөрч, хугацаандаа мөнгөө төлөөгүй бол алданги болох 2 950 000 төгрөгийг нэмээд нийт 36 630 000 төгрөг төлүүлэхээр харилцан тохиролцож, “*******” ХХК нь 33 680 000 төгрөг болон тэмдэгтийн хураамжид төлсөн төлбөр 400 109 төгрөг нийт 34 080 109 төгрөгийг 2016 оны 8 сарын 15-ны дотор бүрэн төлж барагдуулна. Төлбөрийг хугацаанд нь бүрэн төлж барагдуулсан тохиолдолд алданги 2 950 000 төгрөгийг төлөхөөс чөлөөлөгдөхөөр, нийт 34 080 109 төгрөгийн төлбөрийн 80 хүртэл хувийг энэ гэрээний 3 дугаар  зүйлд заасан хугацаанд төлсөн бол “Техник импорт” ХК-ийн зүгээс шүүхийн шийдвэрийг албадан биелүүлэх хугацааг сунгаж болохоор эвлэрсэн байх тул зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн  57 дугаар зүйлийн 57.1 дэх хэсэгт зааснаар нэхэмжлэгчийн улсын тэмдэгтийн хураамжид 2016.05.16-ны өдөр төлсөн 400 109 төгрөгийг улсын төсөвт хэвээр үлдээсүгэй.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах тухайн асуудлаар анхан шатны шүүхэд дахин нэхэмжлэл гаргах эрхгүйг дурьдсугай.

 

4. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

 

 

                               ШҮҮГЧ                                               Д. ЭНХЦЭЦЭГ