| Шүүх | Хан-Уул дүүргийн Иргэний хэргийн анхан шатны шүүх |
|---|---|
| Шүүгч | Бямбаагийн Ариунхишиг |
| Хэргийн индекс | 102/2016/05060/и |
| Дугаар | 183/ШШ2016/00665 |
| Огноо | 2016-09-15 |
| Маргааны төрөл | Худалдах-худалдан авах болон арилжааны гэрээ, |
Хан-Уул дүүргийн Иргэний хэргийн анхан шатны шүүхийн Шийдвэр
2016 оны 09 сарын 15 өдөр
Дугаар 183/ШШ2016/00665
| 2016 оны 09 сарын 15 өдөр | Дугаар 183/ШШ2016/00665 | Улаанбаатар хот |
Зохигчдын эвлэрлийг баталж,
хэргийг хэрэгсэхгүй болгох тухай
Хан-Уул дүүргийн Иргэний хэргийн анхан шатны шүүхийн шүүх хуралдааныг шүүгч Б.Ариунхишигдаргалж, тус шүүхийн шүүх хуралдааны танхимд хийсэн шүүх хуралдаанаар,
Нэхэмжлэгч: *******,*******,*******-ийн нэхэмжлэлтэй,
Хариуцагч: *******,*******,*******,*******-д холбогдох
Бетон зуурмагны үнэ 300.000.000 төгрөг гаргуулах тухай иргэний хэргийг хянан хэлэлцэв.
Шүүх хуралдаанд нарийн бичгийн дарга Н.Отгончимэг оролцов.
ТОДОРХОЙЛОХ нь:
Зохигчдын дунд байгуулсан эвлэрлийн гэрээнд: Нэхэмжлэлийн шаардлага болох 300.000.000 төгрөгийг нэхэмжлэгч нь багасгаж, 250.000.000 болгон тохиролцож, хариуцагч ******* нь 250.000.000 төгрөгийг 2016 оны 12 дугаар сарын 31-ний өдрийн дотор бүрэн төлж барагдуулана. Төлбөрийг гэрээний хугацаанд бэлэн мөнгө болон бартер нөхцөл үл хөдлөх эд хөрөнгөөр барагдуулж болно. Иймд харилцан тохиролцож эвлэрлийн гэрээ байгуулж байна гэв.
ҮНДЭСЛЭХ нь:
Нэхэмжлэгч ******* нь хариуцагч ******* холбогдуулан бетон зуурмагны үнэ 300.000.000 төгрөг гаргуулах тухай нэхэмжлэлийг шүүхэд гаргажээ.
Зохигчдын дунд байгуулсан эвлэрлийн гэрээнд нэхэмжлэлийн шаардлага болох 300.000.000 төгрөгийг нэхэмжлэгч нь багасгаж, 250.000.000 болгон тохиролцож, хариуцагч ******* нь 250.000.000 төгрөгийг 2016 оны 12 дугаар сарын 31-ний өдрийн дотор бүрэн төлж барагдуулана. Төлбөрийг гэрээний хугацаанд бэлэн мөнгө болон бартер нөхцөл үл хөдлөх эд хөрөнгөөр барагдуулж болно. Ийм харилцан тохиролцож эвлэрлийн гэрээ байгуулж байна гэжээ.
Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5 дахь хэсэгт “... нэхэмжлэгч нэхэмжлэлээсээ татгалзсан, хариуцагч нэхэмжлэгчийн шаардлагыг хүлээн зөвшөөрсөн, зохигч эвлэрсэн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй бол шүүх хариуцагчийн зөвшөөрөл, нэхэмжлэгчийн татгалзал, зохигчийн эвлэрлийг баталж, хэргийг хэрэгсэхгүй болгох тухай шүүгч захирамж, шүүх тогтоол гаргана... ” гэж заасны дагуу зохигчдын эвлэрэл нь бусдын эрх, эрх чөлөө, хуулиар хамгаалагдсан ашиг сонирхолыг хөндөөгүй, хуульд харшлаагүй байх тулзохигчдын эвлэрлийг баталж, хэргийг хэрэгсэхгүй болгох нь зүйтэй гэж шүүх үзлээ.
Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.1 дэх хэсэгт заасныг тус тус удирдлага болгон
ЗАХИРАМЖЛАХ нь:
1. Хөтөл тэлмэн констракшн ХХК-ийн нэхэмжлэлтэй хариуцагч *******-д холбогдох иргэний хэргийн нэхэмжлэлийн шаардлага 300.000.000 төгрөгийг нэхэмжлэгч нь багасгаж, 250.000.000 болгон тохиролцож, хариуцагч нь уг төлбөрийг 2016 оны 12 дугаар сарын 31-ний өдрийн дотор бэлэн мөнгө болон бартер нөхцөл үл хөдлөх эд хөрөнгөөр төлбөрийг бүрэн төлж барагдуулахаар зохигчдын эвлэрсэнийг баталж хэргийг хэрэгсэхгүй болгосугай.
2. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 1.658.000 төгрөгөөс 250.050 төгрөгийг улсын орлогоос буцаан гаргуулан нэхэмжлэгчид олгож, үлдэгдэл төлбөрийг хэвээр үлдээж, хариуцагчаас 703.975 төгрөгийг гаргуулж нэхэмжлэгчид олгосугай.
3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй
4. Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай
ДАРГАЛАГЧ ШҮҮГЧ Б.АРИУНХИШИГ