Баянгол дүүргийн Эрүүгийн хэргийн анхан шатны шүүхийн Ерөнхий шүүгч О.Жанчивнямбуу даргалж

хуралдааны тэмдэглэлийг нарийн бичгийн дарга П.О хөтлөн

улсын яллагч Т.О

шүүгдэгч Г.Ж

шүүгдэгч Г.Ө, тэдгээрийн өмгөөлөгч Ч.Н, О.Ау

хохирогч О.Б, түүний өмгөөлөгч Ч.О

нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар Баянгол дүүргийн прокурорын газраас Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар яллах дүгнэлт үйлдэж ирүүлсэн эрүүгийн 1905035220963 дугаартай хэргийг 2019 оны 9 дүгээр сарын 24-ний өдөр хүлээн авч хянан хэлэлцэв.

 

1. Шүүгдэгч: Монгол Улсын иргэн, .... оны ...дүгээр сарын ...нд .... аймагт төрсөн, .... настай, эрэгтэй, бүрэн дунд боловсролтой, ............ оюутан, ам бүл ...; эхийн хамт .. аймгийн .. сум, .... багт оршин суух хаягтай, одоо ... дүүргийн ...дүгээр хороо, .... дугаар байрны ..  тоотод оршин суух, ялгүй, ... дугаарын регистртэй, Ш овогт Г Ж

 

2. Шүүгдэгч: Монгол Улсын иргэн, .... оны .. дугаар сарын ...-нд .... аймагт төрсөн, .. настай, эрэгтэй, бүрэн дунд боловсролтой, ..... оюутан, ам бүл 3; эцэг эхийн хамт .... аймгийн .... сум, ... дугаар багт оршин суух хаягтай, одоо .... дүүргийн ..-р хороо, ..... дүгээр гудамж, ... тоотод оршин суух, ялгүй, ... дугаарын регистртэй, Б овогт Г Ө

 

Прокурорын яллах дүгнэлтэд бичигдсэнээр;

Шүүгдэгч Г.Ж, Г.Ө нар бүлэглэн 2019 оны 9 дүгээр сарын 02-ны өдөр Баянгол дүүргийн 3 дугаар хороо, 65 дугаар байрны 5 дугаар орцонд хохирогч О.Б*йг зодож хамар ясны хугарал, баруун нүдний дээд доод зовхи, хамрын нуруунд цус хуралт, хамрын нурууны зөөлөн эдийн няцрал бүхий гэмтэл учруулсан буюу “хүний эрүүл мэндэд хөнгөн хохирол учруулах гэмт хэргийг бүлэглэж үйлдсэн” гэмт хэрэгт холбогджээ.

 

 

 

 

Шүүгдэгч Г.Ж шүүх хуралдаанд мэдүүлэхдээ:

Мөрдөн шалгах явцад үнэн зөвөөр мэдүүлсэн тул дахин мэдүүлэхгүй. Гэм буруугаа хүлээн зөвшөөрч байгаа. Дахин гэмт хэрэгт холбогдохгүй байж чадна. Хохиролд гэж тус бүр 1.2 сая төгрөг өгсөн. Хохирогчтой эвлэрсэн гэв.

Шүүгдэгч Г.Ө шүүх хуралдаанд мэдүүлэхдээ:

Би мөн адил мэдүүлэг өгөхгүй. Хүн зодсон асуудал дээр маргах зүйлгүй, гэм буруугаа зөвшөөрч байна. Хохиролд 1.2 төгрөг өгсөн. Хохирогчоос уучлалт гуйсан гэв.

Хохирогч О.Б шүүх хуралдаанд мэдүүлэхдээ:

Тэр өдөр энэ хоёр хоёулаа нийлж намайг зодсон. Миний хамрын яс хугарсан. Хохиролд гэж нийт 2.4 сая төгрөг авсан нь үнэн. Гэхдээ цаашид гарах зардлаа нэхэмжлэх хүсэлтэй байгаа. Бид нар эвлэрлийн гэрээ байгуулсан. Гомдолгүй гэв.

   

        ТОДОРХОЙЛОХ нь:

 

Хавтаст хэрэгт авагдсан шийтгэх болон цагаатгах талын нотлох баримтуудыг шүүх шинжлэн судлахад мөрдөн шалгах ажиллагааны явцад энэ хэрэгт хохирогчоор тогтоогдсон

хохирогч О Б “… 2019 оны 9 дүгээр сарын 02-ны орой 22 цагийн үед Баянгол дүүргйин 3 дугаар хорооны нутаг дэсвгэрт байрлах Барс худалдааны төвийн арын 65 дугаар байрны урд талын хүнсний дэлгүүрт Жанцан болон түүний найзтай таарсан. Чи энд байгаа юм уу гээд ярьсан. Би дэлгүүрээс ундаа аваад найз охин болох Намуун, түүний найз Дуулим нарын хамтаар 66 дугаар байрны 1 дүгээр орцны өмнөх сандал дээр сууж байсан. Гэтэл Жамцаа ярих юм байна гээд намайг дуудаад 65 дугаар байрны 5 дугаар орц руу дагуулаад орсон. Орцонд ороод нэг давхарт Жамцаатай маргалдсан. Урьд өмнө миний үерхэж байсан эмэгтэй найз юм байна лээ. Жамцаа манай найзыг яагаад гомдоосон гээд гараараа цээж рүү 2-3 удаа цохиод, дараа нь нүүрний зүүн тал руу гараараа 1 удаа цохисон. Би Жамцаагаас өмнө нь болж өнгөрсөн зүйлийг чи яах гээд байгаа юм бэ гээд хэлсэн чинь хажуу талаас түүний найз орж ирэээд хамар руу гараараа нэг удаа цохисон. Ингээд миний хамарнаас цус гарсан. Жамцаа болон түүний найз дээшээ шатаар гүйгээд явсан. Би хэсэг байж байгаад гадагшаа гарч хамраас гарсан цусаа цэвэрлэсэн” /хх-н 10/ гэж,                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                             

гэрч Гын Н “… 2019 оны 9 дүгээр сарын 02-ны 22 цагийн үед Баянгол дүүргйин 3 дугаар хорооны нутаг дэсвгэрт 65-66 дугаар байрны голд байрлах саравчинд Билгүүн, Дуулим нарын хамт юм яриад сууж байсан. Билгүүн дэлгүүр ороод ундаа аваад ирье гээд явсан. Ингээд удалгүй Билгүүн дэлгүүрээс ирээд миний хажууд сууж байтал хоёр эрэгтэй хүн ирээд Билгүүнийг дуудаад 65 дугаар байрны 5 дугаар орц руу дагуулаад орсон. Би санаа зовоод араас нь ортол нэг эрэгтэй хүүхэдтэй орцоор ороод баруун эргээд айлын хаалганд юм яриад зогсож байсан. Нөгөө нэг эрэгтэй хүүхэд нь лифтний ойролцоо шатан дээр зогсож байсан. Юу хийгээд байгаа юм бэ гээд Билгүүнийг гаръя гэж хэлсэн. Юм ярьж байна одоохон гээд би Билгүүнээс гар утсаа аваад гарсан. Гадаа гараад 4-5 минутын дараа Билгүүн 5 дугаар орцоос гарч ирсэн бөгөөд хамраас нь цус гарч хамар нь хавдсан байсан” /хх-н 55/ гэж тус тус мэдүүлжээ.

 

Түүнчлэн хохирогч О.Б гэмтэлтэй холбоотой Шүүхийн шинжилгээний үндэсний хүрээлэнгийн шинжээчийн “... О.Б биед хамрын ясны хугарал, баруун нүдний дээд доод зовхи, хамрын нуруунд цус хуралт, хамрын нурууны зөөлөн эдийн няцрал гэмтэл тогтоогдлоо. Дээрх гэмтэл нь мохоо зүйлийн нэг удаагийн үйлчлэлээр үүсгэгдэнэ. Шинэ гэмтэл байна. Гэмтлийн зэрэг тогтоох журмын 2.4.1-т зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна. Цаашид ерөнхий хөдөлмөрийн чадварын тогтонги алдалтад нөлөөлөхгүй ” гэсэн 10743 тоот /хх-н 15/ дүгнэлт гарсан байна.

 

Дээрх бичгийн баримтууд нь шүүгдэгч Г.Ж, Г.Ө нарын гэм буруутайг нотлох бөгөөд прокуророос зүйлчилж ирүүлсэн хэргийн зүйлчлэл хэргийн бодит байдалд нийцсэн, Эрүүгийн хуулийг зөв хэрэглэсэн, эрүүгийн хэрэг хянан шийдвэрлэх ажиллагааг ноцтой зөрчсөн зөрчилгүй, хавтаст хэрэгт авагдсан бичгийн нотлох баримтуудыг хуульд заасан үндэслэл, журмын дагуу цуглуулж, бэхжүүлсэн байна гэж шүүх дүгнээд

шүүгдэгч Г.Ж, Г.Ө нарыг “хүний эрүүл мэндэд хөнгөн хохирол учруулах гэмт хэргийг бүлэглэж үйлдсэн” буюу Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэмт хэрэгт гэм буруутайд тооцлоо.

 

Шүүхээс шүүгдэгч Г.Ж, Г.Ө нарт ял оногдуулахдаа “Эрүүгийн хариуцлага нь тухайн хүний ... үйлдсэн гэмт хэрэг, гэмт хэргийн нийгмийн аюулын шинж чанар, хэр хэмжээ, гэм буруугийн хэлбэрт тохирсон байна” гэсэн Шударга ёсны зарчмыг баримтлав.

Тухайлбал шүүгдэгч нарын хувийн байдал, хохирлыг төлж барагдуулсан, үйлдсэн хэрэгтээ гэмшиж байгаа зэргийг харгалзсан болно.

 

Хохирол төлбөрийн хувьд:

Хохирогч О.Б нэр бүхий шүүгдэгч нар нийт 2.4 сая төгрөг өгч, улмаар эвлэрлийн гэрээ байгуулсан байна. Уг эвлэрлийн гэрээнд ... гомдол, санал, нэхэмжлэх зүйл үгүй болно” гэжээ.

Гэтэл шүүх хуралдааны явцад хохирогчийн өмгөөлөгч Ч.О “... цаашид нэхэмжлэл гаргах эрхийг нээлттэй үлдээж өгнө үү” гэсэн хүсэлт гаргаж байгааг хүлээн авах боломжгүй юм.

Учир нь, Хүний эрүүл мэндэд хөнгөн хохирол учруулах гэмт хэрэг дээр 2.4 сая төгрөг өгч бодит хохирол төлөгдсөн, цаашлаад эвлэрийн гэрээнд нэхэмжлэх зүйлгүй гэсэн мөртлөө дахин нэхэмжлэл гаргана гэх байдал нь эрх зүйн үр дагавар үүсгэхгүй.

Түүнчлэн хавтаст хэрэгт авагдсан баримтуудаас үзвэл хохиролтой холбоотой эм тариа авч хэрэглэсэн гэх НӨАТ-ын баримтууд нотлох баримтын шаардлагыг бүрэн хангахгүй байна. Эдгээр НӨАТ-ын баримтууд нь эмчийн зааврын дагуу авсан эм тарианы баримтууд байх ёстой бөгөөд энэ байдал нь өвчтөний эмнэлгийн карт, эмчийн магадлагаа, бусад баримтуудаар давхар нотлогдох ёстой.

Мөн хавтаст хэргийн 62 дугаар хуудсанд авагдсан “... ажил гүйцэтгэх гэрээ” нь энэ хэрэгт хамааралгүй, гэм хорын хохирол гэж үзэх үндэслэл болохгүй.

Иймд хохирогч, түүний өмгөөлөгчийн гаргаж байгаа “... цаашид нэхэмжлэл гаргах эрхийг нээлттэй үлдээх” хүсэлтийг хүлээн авахаас татгалзаж шийдвэрлэлээ.

 

Шүүгдэгч Г.Ж, Г.Өнар цагдан хоригдсон хоноггүй, энэ хэрэгт эд мөрийн баримтаар хураагдсан болон битүүмжлэгдсэн хөрөнгө үгүйг тус тус дурдах нь зүйтэй.

 

Монгол Улсын Шүүхийн тухай хуулийн 31 дүгээр зүйлийн 31.3.1, Эрүүгийн хэрэг хянан шийдвэрлэх тухай хуулийн 36 дугаар бүлгийн 36.1 дүгээр зүйл, 36.2 дугаар зүйл, 36.6 дугаар зүйл, 36.8 дугаар зүйл, 36.10 дугаар зүйл, 36.13 дугаар зүйл, 37 дугаар бүлгийн 37.1 дүгээр зүйл, 37.2 дугаар зүйлд заасныг тус тус удирдлага болгон

                                                                                                                  ТОГТООХ нь:

 

1. Ш овогт Г Ж, Б овогт Г Ө нарыг “хүний эрүүл мэндэд хөнгөн хохирол учруулах гэмт хэргийг бүлэглэж үйлдсэн” гэмт хэрэгт гэм буруутайд тооцсугай.

 

2. Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар Г.Ж, Г.Ө нарыг тус бүр 550 нэгжтэй тэнцэх хэмжээний буюу 550.000 төгрөгөөр торгох ялаар шийтгэсүгэй.

 

3. Г.Ж, Г.Ө нар торгох ялыг биелүүлээгүй бол Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар шүүх биелэгдээгүй торгох ялын 15 нэгжтэй тэнцэх хэмжээний төгрөгийг нэг хоногоор тооцож хорих ялаар солихыг тэдгээрт мэдэгдсүгэй.

 

4. Г.Ж, Г.Ө нар хохирогч О.Б нийт 2.4 сая төгрөг өгч, эвлэрлийн гэрээ байгуулсан болохыг дурдаж,

хохирогч, түүний өмгөөлөгчийн гаргаж байгаа “... цаашид нэхэмжлэл гаргах эрхийг нээлттэй үлдээх” хүсэлтийг хүлээн авахаас татгалзсугай.

 

5. Г.Ж, Г.Ө нар цагдан хоригдсон хоноггүй, энэ хэрэгт эд мөрийн баримтаар хураагдсан болон битүүмжлэгдсэн хөрөнгө үгүйг тус тус дурдсугай.

 

6. Шийтгэх тогтоол танилцуулан сонсгосноор хүчинтэй болох бөгөөд тогтоолыг эс зөвшөөрвөл шийтгэх тогтоол гардуулснаас хойш 14 хоногийн дотор Нийслэлийн Эрүүгийн хэргийн давж заалдах шатны шүүхэд шүүгдэгч, өмгөөлөгч, хохирогч нар давж заалдах гомдол гаргах, улсын яллагч, дээд шатны прокурор эсэргүүцэл бичих эрхтэйг дурдсугай.

 

7. Шийтгэх тогтоолд эрх бүхий этгээд давж заалдах гомдол гаргасан, улсын яллагч эсэргүүцэл бичвэл тогтоолын биелэлтийг түдгэлзүүлж, тогтоол биелүүлэх хүртэл Г.Ж, Г.Ө нарт урьд авсан “хувийн баталгаа гаргах” тухай таслан сэргийлэх арга хэмжээг хэвээр үргэлжлүүлсүгэй.  

 

 

 

                                    ДАРГАЛАГЧ,

                         ЕРӨНХИЙ ШҮҮГЧ                          О.ЖАНЧИВНЯМБУУ