Хариуцагч нэхэмжлэлийн шаардлагыг

хүлээн зөвшөөрснийг  баталж, хэргийг

хэрэгсэхгүй болгох тухай

 

          Хэнтий аймгийн Бор-Өндөр сум дахь Сум дундын шүүхийн шүүгч Р.Батбаяр би нэхэмжлэгч Б.Санжидмаагийн нэхэмжлэлтэй хариуцагч Э.Шижирбат, У.Байгальмаа нарт  холбогдох 602.500 төгрөг гаргуулах тухай нэхэмжлэлийг 2016 оны 09 дүгээр сарын 21-ний өдөр хүлээн авч, 2016 оны 09 дүгээр сарын 23-ны өдөр иргэний хэрэг үүсгэж, хэрэг хянан шийдвэрлэх ажиллагаа явуулаад    

    

                                                                                               Т О Д О Р Х О Й Л О Х нь:

Нэхэмжлэгч Б.Санжидмаа нь шүүхэд гаргасан нэхэмжлэлдээ: “Э.Шижирбат нь эхнэр Байгальмаагийн хамт 2015 онд цагаан сарын битүүний урьд өдөр 481.000 төгрөгийн, 2016 онд 266.500 төгрөгийн, төрсөн ахдаа 255.000 төгрөгийн барааг цалин буухаар өгнө гэж авсан. Энэ хугацаанд эхнэр У.Байгальмаа нь өөрийнхөө зээлээс 350.000 төгрөг, ахаасаа 50.000 төгрөгийг тус тус төлсөн. Үлдэгдэл 602.500 төгрөгийг төлөхгүй байгаа тул гаргуулж өгнө үү” гэжээ.

            Хариуцагч Хэнтий аймгийн Бор-Өндөр сумын 5 дугаар баг Өлзийтийн 4-01 тоотод оршин суух СИ 89032817 регистрийн дугаартай Гол отог овогт Эрдэнэбатын Шижирбат, мөн хаягт оршин суух  ЛЛ 77122869  регистрийн дугаартай Уухан овогт Ухнайн Байгальмаа нар шүүхэд гаргасан тайлбартаа: “Бид барааны үнэ 602.500 төгрөгийг сардаа 100.000-150.000 төгрөгөөр төлж барагдуулна” гэжээ.

 

                                                                                                 Ү Н Д Э С Л Э Х нь:

 Нэхэмжлэгч Б.Санжидмаа нь хариуцагч Э.Шижирбат, У.Байгальмаа нараас 602.500 төгрөг гаргуулахаар нэхэмжлэлийн шаардлага гаргасан байна.

Хариуцагч Э.Шижирбат, У.Байгальмаа нар нь 602.500 төгрөгийн барааг нэхэмжлэгч Б.Санжидмаагаас худалдан авсан бөгөөд үнийг төлөх үүрэгтэй болох нь  нэхэмжлэгчийн шүүхэд гаргасан нэхэмжлэл,  хариуцагчийн хариу тайлбараар тус тус нотлогдож байна.

Хариуцагч Э.Шижирбат, У.Байгальмаа нар нь нэхэмжлэлийн шаардлага 602.500 төгрөгийг төлөхийг зөвшөөрч, маргаагүй болно.    

 Иймд хариуцагч Э.Шижирбат, У.Байгальмаа нар нь нэхэмжлэлийн шаардлага 602.500 төгрөгийг төлөхийг зөвшөөрч байгаа нь Иргэний хуульд нийцэж, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгож шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон  З А Х И РА М Ж Л А Х нь:

 

          1.Нэхэмжлэгч Б.Санжидмаагийн нэхэмжилсэн 602.500  /зургаан зуун хоёр мянга таван зуун/ төгрөгийг хариуцагч Э.Шижирбат, У.Байгальмаа нар нь төлж барагдуулахаар хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай. 

 2. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч Б.Санжидмаагаас улсын тэмдэгтийн хураамжинд төлсөн 18725 төгрөгний тавин хувь 9362 төгрөг 50 мөнгийг төрийн сангийн нэгдсэн данснаас, 9392 төгрөг 50 мөнгийг хариуцагч Э.Шижирбат, У.Байгальмаа нараас тус тус гаргуулж нэхэмжлэгч Б.Санжидмаад олгосугай.

3.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү шүүгчийн захирамжийг хариуцагч Э.Шижирбат, У.Байгальмаа нар нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

            4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар энэхүү шүүгчийн захирамжинд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

                                   

 

 

ШҮҮГЧ                          Р.БАТБАЯР