Зохигчдын эвлэрлийг баталж,

хэргийг хэрэгсэхгүй болгох тухай

 

Сүхбаатар дүүргийн иргэний хэргийн анхан шатны шүүхийн шүүгч С.Энхбаяр би,

 

Нэхэмжлэгч: Орхон аймаг, Баян-Өндөр сум, Уурхайчин баг, 3-17 дугаар байр, 45 тоотод оршин суух Даваагийн Баатар /РД:ОА74021935/-ын  нэхэмжлэлтэй

 

             Хариуцагч: Сүхбаатар дүүрэг, 1 дүгээр хороо, Үйлдвэрчин хотхон, 60 дугаар байр, 65 тоотод оршин суух Цогтбаярын Дарханбаяр  /РД:УС78012938/-т  холбогдох

 

15.000.000 төгрөг гаргуулах тухай иргэний хэргийг хянаад

   ТОДОРХОЙЛОХ НЬ:

 

Нэхэмжлэгч нь шүүхэд гаргасан нэхэмжлэлдээ: “Ц.Дарханбаяраас 15.000.000  төгрөгийг гаргуулж  өгнө үү” гэжээ.

 

Талуудын хооронд байгуулсан эвлэрлийн гэрээнд:  “Нэхэмжлэгчийн итгэмжлэгдсэн төлөөлөгч Э.Энхрийцэцэг нь нэхэмжлэлийн шаардлагын 2.000.000 төгрөгөөс татгалзаж байна. Хариуцагч Ц.Дарханбаяр нь нэхэмжлэлийн шаардлагын үлдэх хэсэг болох 13.000.000 төгрөгийг төлөхийг хүлээн зөвшөөрч байна. Хариуцагч Ц.Дарханбаяр нь 2016 оны 12 дугаар сарын 20-ны өдрийн дотор 3.000.000 төгрөг, 2017 оны 03 дугаар сарын 30-ны өдрийн дотор 10.000.000 төгрөгийг төлөхөөр тохиролцож, эвлэрлийн гэрээ байгуулав. ”   гэжээ.

ҮНДЭСЛЭХ НЬ:

 

Нэхэмжлэгч Д.Баатар нь хариуцагч Ц.Дарханбаярт холбогдуулан 15.000.000 төгрөг гаргуулах тухай нэхэмжлэл гаргажээ.

 

Хэрэг хянан шийдвэрлэх ажиллагааны явцад зохигчид харилцан тохиролцож нэхэмжлэгчийн итгэмжлэгдсэн төлөөлөгч Э.Энхрийцэцэг нь нэхэмжлэлийн шаардлагын 2.000.000 төгрөгөөс татгалзаж, хариуцагч Ц.Дарханбаяр нь нэхэмжлэлийн шаардлагын үлдэх хэсэг болох 13.000.000 төгрөгийг төлөхийг хүлээн зөвшөөрч байна. Хариуцагч Ц.Дарханбаяр нь 2016 оны 12 дугаар сарын 20-ны өдрийн дотор 3.000.000 төгрөг, 2017 оны 03 дугаар сарын 30-ны өдрийн дотор 10.000.000 төгрөгийг тус тус төлж барагдуулахаар тохиролцон эвлэрсэн болох нь тэдгээрийн хооронд байгуулсан эвлэрлийн гэрээгээр тогтоогдож байна.

 

Нэхэмжлэгч Д.Баатараас Э.Энхрийцэцэгт 2016 оны 08 дугаар сарын 15-ны өдөр олгосон итгэмжлэлд эвлэрэх эрхийг тусгайлан олгосон байх ба эвлэрлийн гэрээ нь Иргэний хуульд нийцсэн, гуравдагч этгээдийн эрх, ашгийг хөндөөгүй байх тул зохигчдын эвлэрлийг баталж, хэргийг хэрэгсэхгүй болгон хялбаршуулсан журмаар шийдвэрлэх үндэслэлтэй.   

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дугаар зүйл, 123 дугаар зүйлийн 123.1-т заасныг тус тус удирдлага болгон

 

ЗАХИРАМЖЛАХ НЬ:

 

1. Нэхэмжлэгч нь нэхэмжлэлийн шаардлагын 2.000.000 төгрөгөөс татгалзаж, хариуцагч Ц.Дарханбаяр нь нэхэмжлэлийн шаардлагын үлдэх хэсэг болох 13.000.000 төгрөгийг төлөхийг хүлээн зөвшөөрч байна. Хариуцагч Ц.Дарханбаяр нь 2016 оны 12 дугаар сарын 20-ны өдрийн дотор 3.000.000 төгрөг, 2017 оны 03 дугаар сарын 30-ны өдрийн дотор 10.000.000 төгрөгийг нэхэмжлэгч Д.Баатарт төлж барагдуулахаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дах хэсэгт зааснаар нэхэмжлэгчээс Улсын тэмдэгтийн хураамжинд төлсөн 230.000 төгрөгийн 50 хувь буюу 115.000 төгрөгийг улсын орлогод хэвээр үлдээж, хариуцагч Ц.Дарханбаяраас 115.000 төгрөгийг гаргуулж, улсын орлогоос буюу Сүхбаатар дүүргийн Засаг даргын Тамгын газрын Санхүү төрийн сангийн хэлтэс, орон нутгийн төсвийн орлогын 200600910  тоот данснаас 115.000 төгрөгийг буцаан гаргуулж нэхэмжлэгч Д.Баатарт олгосугай.

 

            3. Захирамж нь шийдвэрийн нэгэн адил биелэгдэхийг дурдсугай.

 

4. Шүүгчийн захирамжид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                    С.ЭНХБАЯР