Зохигчдын эвлэрлийг баталж,

хэргийг хэрэгсэхгүй болгох тухай

 

Сүхбаатар дүүргийн иргэний хэргийн анхан шатны шүүхийн шүүгч С.Энхбаяр би,

 

Нэхэмжлэгч: Чингэлтэй дүүрэг,Бага тойруу-3/9 оршин байрлах “Жи-Мобайл” ХХК /РД:5055873/-ийн  нэхэмжлэлтэй

 

Хариуцагч: Сүхбаатар дүүрэг, 11 дүгээр хороо, Цагдаагийн гудамж, өөрийн байранд оршин байрлах “Арьсны өвчин судлалын төв”  /РД:9104224/-д холбогдох,

 

450.000 төгрөг гаргуулах тухай иргэний хэргийг хянаад

   ТОДОРХОЙЛОХ НЬ:

 

Нэхэмжлэгч нь шүүхэд гаргасан нэхэмжлэлдээ: “Арьсны өвчин судлалын төвөөс 450.000 төгрөг гаргуулж  өгнө үү” гэжээ.

 

Талуудын хооронд байгуулсан эвлэрлийн гэрээнд:  “ Нэхэмжлэгч нэхэмжлэлийн шаардлагын 150.000 төгрөгөөс татгалзаж, хариуцагч нэхэмжлэлийн шаардлагын үлдэх хэсэг болох 300.000 төгрөгийг 2016 оны 11 дүгээр сарын 15-ны өдрийн дотор төлж барагдуулна”   гэжээ.

ҮНДЭСЛЭХ НЬ:

 

Нэхэмжлэгч Жи мобайл ХХК нь хариуцагч Арьсны өвчин судлалын төвд  холбогдуулан 450.000 төгрөг гаргуулах тухай нэхэмжлэл гаргажээ.

 

Хэрэг хянан шийдвэрлэх ажиллагааны явцад зохигчид харилцан тохиролцож нэхэмжлэгч нэхэмжлэлийн шаардлагын 150.000 төгрөгөөс татгалзаж, хариуцагч Арьс өвчин судлалын төв нь нэхэмжлэлийн шаардлагын үлдэх хэсэг болох 300.000 төгрөгийг 2016 оны 11 дүгээр сарын 15-ны өдрийн дотор нэхэмжлэгч Жи мобайл ХХК-д төлж барагдуулахаар тохиролцон эвлэрсэн болох нь тэдгээрийн хооронд байгуулсан эвлэрлийн гэрээгээр тогтоогдож байна.

 

Эвлэрлийн гэрээ нь Иргэний хуульд нийцсэн, гуравдагч этгээдийн эрх, ашгийг хөндөөгүй байх тул зохигчдын эвлэрлийг баталж, хэргийг хэрэгсэхгүй болгон хялбаршуулсан журмаар шийдвэрлэх үндэслэлтэй.   

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дугаар зүйл, 123 дугаар зүйлийн 123.1-т заасныг тус тус удирдлага болгон

 

ЗАХИРАМЖЛАХ НЬ:

1. Нэхэмжлэгч Жи мобайл ХХК нь нэхэмжлэлийн шаардлагын 150.000 төгрөгөөс татгалзаж, хариуцагч Арьс өвчин судлалын төв нь нэхэмжлэлийн шаардлагын үлдэх хэсэг болох 300.000 төгрөгийг 2016 оны 11 дүгээр сарын 15-ны өдрийн дотор нэхэмжлэгч Жи мобайл ХХК-д төлж барагдуулахаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дах хэсэгт зааснаар 14.150 төгрөгийг улсын орлогод хэвээр үлдээж, хариуцагч Арьс өвчин судлалын төвөөс 7.075 төгрөгийг гаргуулж, улсын орлогоос буюу Сүхбаатар дүүргийн Засаг даргын Тамгын газрын Санхүү төрийн сангийн хэлтэс, орон нутгийн төсвийн орлогын 200600910  тоот данснаас 7.075 төгрөгийг буцаан гаргуулж нэхэмжлэгч Жи мобайл ХХК-д олгосугай.

 

            3. Захирамж нь шийдвэрийн нэгэн адил биелэгдэхийг дурдсугай.

 

4. Шүүгчийн захирамжид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                    С.ЭНХБАЯР