Зохигчдын эвлэрлийг баталж,

хэргийг хэрэгсэхгүй болгох тухай

 

Сүхбаатар дүүргийн иргэний хэргийн анхан шатны шүүхийн шүүгч С.Энхбаяр би,

 

Нэхэмжлэгч: Хан-Уул дүүрэг, 3 дугаар хороо, 52-32 тоотод оршин суух Халзан овогт Мягмарцэрэнгийн Мөнхтөр /РД: ШБ 82022714/-ийн нэхэмжлэлтэй

 

Хариуцагч: Сүхбаатар дүүрэг, 5 дугаар хороо, 5 дугаар хороолол 1 дугаар байр 37 тоотод оршин суух Сатаровогт Баттөмөрийн Батчимэг /РД: ШВ 84071068/-т холбогдох,

 

  5.700.000 төгрөг гаргуулах тухай иргэний хэргийг хянаад

   ТОДОРХОЙЛОХ НЬ:

 

Нэхэмжлэгч нь шүүхэд гаргасан нэхэмжлэлдээ: “Б.Батчимэгээс 5.700.000 төгрөг гаргуулж өгнө үү” гэжээ.

 

Талуудын хооронд байгуулсан эвлэрлийн гэрээнд:  “ Нэхэмжлэгч нь нэхэмжлэлийн шаардлагыг 950.000 төгрөгөөр багасгаж, 4.750.000 төгрөгийг хариуцагч дараах байдлаар хувааж төлөхийг хүлээн зөвшөөрөв. Үүнд: 2016 оны 12 дугаар сарын 30-ны өдрийн дотор 3.000.000 төгрөг, 2017 оны 02 дугаар сарын 01-ний өдөр 1.750.000 төгрөгийг тус тус төлж барагдуулна.”   гэжээ.

ҮНДЭСЛЭХ НЬ:

 

Нэхэмжлэгч М.Мөнхтөр хариуцагч Б.Батчимэгт холбогдуулан 5.700.000 төгрөг гаргуулах тухай нэхэмжлэл гаргажээ.

 

Хэрэг хянан шийдвэрлэх ажиллагааны явцад зохигчид харилцан тохиролцож нэхэмжлэгч М.Мөнхтөр  нэхэмжлэлийн шаардлагыг 950.000 төгрөгөөр багасгаж, хариуцагч Б.Батчимэг нь 4.750.000 төгрөгийг төлөхийг зөвшөөрч, 2016 оны 12 дугаар сарын 30-ны өдрийн дотор 3.000.000 төгрөг, 2017 оны 02 дугаар сарын 01-ний өдөр 1.750.000 төгрөгийг тус тус төлж барагдуулахаар тохиролцон эвлэрсэн болох нь тэдгээрийн хооронд байгуулсан эвлэрлийн гэрээгээр тогтоогдож байна.

 

Нэхэмжлэгч М.Мөнхтөрөөс Б.Өлзийбаярт 2016 оны 09 дүгээр сарын 02-ны өдөр олгосон итгэмжлэлд эвлэрэх эрхийг тусгайлан олгосон байх ба эвлэрлийн гэрээ нь Иргэний хуульд нийцсэн, гуравдагч этгээдийн эрх, ашгийг хөндөөгүй байх тул зохигчдын эвлэрлийг баталж, хэргийг хэрэгсэхгүй болгон хялбаршуулсан журмаар шийдвэрлэх үндэслэлтэй.   

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дугаар зүйл, 123 дугаар зүйлийн 123.1-т заасныг тус тус удирдлага болгон

 

ЗАХИРАМЖЛАХ НЬ:

1. Нэхэмжлэгч М.Мөнхтөр  нэхэмжлэлийн шаардлагыг 950.000 төгрөгөөр багасгаж, хариуцагч Б.Батчимэг нь 4.750.000 төгрөгийг төлөхийг хүлээн зөвшөөрч, хариуцагч Б.Батчимэг нь 2016 оны 12 дугаар сарын 30-ны өдрийн дотор 3.000.000 төгрөг, 2017 оны 02 дугаар сарын 01-ний өдөр 1.750.000 төгрөгийг нэхэмжлэгч М.Мөнхтөрд төлж барагдуулахаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дах хэсэгт зааснаар нэхэмжлэгчээс Улсын тэмдэгтийн хураамжинд төлсөн 106.150 төгрөгийн 50 хувь буюу 53.075 төгрөгийг улсын орлогод хэвээр үлдээж, хариуцагч Б.Батчимэгээс 53.075 төгрөгийг гаргуулж, улсын орлогоос буюу Сүхбаатар дүүргийн Засаг даргын Тамгын газрын Санхүү төрийн сангийн хэлтэс, орон нутгийн төсвийн орлогын 200600910  тоот данснаас 53.075 төгрөгийг буцаан гаргуулж нэхэмжлэгч М.Мөнхтөрд олгосугай.

 

            3. Захирамж нь шийдвэрийн нэгэн адил биелэгдэхийг дурдсугай.

 

4. Шүүгчийн захирамжид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                    С.ЭНХБАЯР