Зохигчдын эвлэрлийг баталж,

хэргийг хэрэгсэхгүй болгох тухай

 

Сүхбаатар дүүргийн иргэний хэргийн анхан шатны шүүхийн шүүгч С.Энхбаяр би,

 

Нэхэмжлэгч: Хан-Уул дүүрэг, 3 дугаар хороо, Таван Богд группын төв байранд оршин байрлах “Таван Богд Менежмент” ХХК /РД:5887712/-ийн  нэхэмжлэлтэй

 

Хариуцагч: Сүхбаатар дүүрэг, 1 дүгээр хороо, Энхтайваны өргөн чөлөө, (1-р төрөхийн зүүн талд) УБ, Ти Жи төв, 604 тоотод байрлах “Монголын маркетинг менежментийн хүрээлэн” ТББ /РД: 1091522/-д  холбогдох

                 

 2.700.000 төгрөг гаргуулах  тухай иргэний хэргийг хянаад

   ТОДОРХОЙЛОХ НЬ:

 

Нэхэмжлэгч нь шүүхэд гаргасан нэхэмжлэлдээ: “Монголын маркетинг менежментийн хүрээлэн” ТББ-аас  2.700.000 төгрөг гаргуулж өгнө үү” гэжээ.

 

Талуудын хооронд байгуулсан эвлэрлийн гэрээнд:  “ Нэхэмжлэгч Таван богд менежмент ХХК нь нэхэмжлэлийн шаардлагын 450.000 төгрөгөөс татгалзаж, хариуцагч Монголын маркетинг менежментийн хүрээлэн ТББ нь 2.250.000 төгрөгийг 2016 оны 11 дүгээр сарын 25-ны өдөр төлж барагдуулна.”   гэжээ.

ҮНДЭСЛЭХ НЬ:

 

Нэхэмжлэгч Таван Богд Менежмент ХХК нь хариуцагч Монголын Маркетинг Менежментийн хүрээлэн ТББ-д холбогдуулан 2.700.000 төгрөг гаргуулах тухай нэхэмжлэл гаргажээ.

 

Хэрэг хянан шийдвэрлэх ажиллагааны явцад зохигчид харилцан тохиролцож нэхэмжлэгч Таван богд менежмент ХХК нь нэхэмжлэлийн шаардлагын 450.000 төгрөгөөс татгалзаж, хариуцагч Монголын маркетинг менежментийн хүрээлэн ТББ нь 2.250.000 төгрөгийг 2016 оны 11 дүгээр сарын 25-ны өдөр төлж барагдуулахаар тохиролцон эвлэрсэн болох нь тэдгээрийн хооронд байгуулсан эвлэрлийн гэрээгээр тогтоогдож байна.

 

Нэхэмжлэгч Таван Богд Менежмент ХХК-иас Н.Тамирт 2016 оны 09 дүгээр сарын 20-ны өдөр олгосон итгэмжлэлд эвлэрэх эрхийг тусгайлан олгосон байх ба эвлэрлийн гэрээ нь Иргэний хуульд нийцсэн, гуравдагч этгээдийн эрх, ашгийг хөндөөгүй байх тул зохигчдын эвлэрлийг баталж, хэргийг хэрэгсэхгүй болгон хялбаршуулсан журмаар шийдвэрлэх үндэслэлтэй.   

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дугаар зүйл, 123 дугаар зүйлийн 123.1-т заасныг тус тус удирдлага болгон

 

ЗАХИРАМЖЛАХ НЬ:

1. Нэхэмжлэгч Таван богд менежмент ХХК нь нэхэмжлэлийн шаардлагын 450.000 төгрөгөөс татгалзаж, хариуцагч Монголын маркетинг менежментийн хүрээлэн ТББ нь 2.250.000 төгрөгийг 2016 оны 11 дүгээр сарын 25-ны өдөр төлж барагдуулахаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дах хэсэгт зааснаар нэхэмжлэгчээс Улсын тэмдэгтийн хураамжинд төлсөн 58.200 төгрөгийн 50 хувь буюу 29.100 төгрөгийг улсын орлогод хэвээр үлдээж, хариуцагч Монголын Маркетинг Менежментийн хүрээлэн ТББ-аас 29.100 төгрөгийг гаргуулж, улсын орлогоос буюу Сүхбаатар дүүргийн Засаг даргын Тамгын газрын Санхүү төрийн сангийн хэлтэс, орон нутгийн төсвийн орлогын 200600910  тоот данснаас 29.100 төгрөгийг буцаан гаргуулж нэхэмжлэгч Таван Богд Менежмент ХХК-д олгосугай.

 

            3. Захирамж нь шийдвэрийн нэгэн адил биелэгдэхийг дурдсугай.

 

4. Шүүгчийн захирамжид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                    С.ЭНХБАЯР