Зохигчдын эвлэрлийг баталж,

хэргийг хэрэгсэхгүй болгох тухай

 

Сүхбаатар дүүргийн иргэний хэргийн анхан шатны шүүхийн шүүгч С.Энхбаяр би,

 

Нэхэмжлэгч: Чингэлтэй дүүрэг, 5 дугаар хороо, 6 дугаар хороолол, Оранж плаза, төвийн 8 давхарт оршин байрлах “Сэрүүлэг констракшн” ХХК /РД:2573091/-ийн  нэхэмжлэлтэй

 

Хариуцагч: Сүхбаатар дүүрэг, 8 дугаар хороо, залуучуудын өргөн чөлөө гудамж, 25/1 байр, 2 тоотод оршин байрлах “Монголиан Гайд Тур” ХХК /РД: 5318076/-д  холбогдох

                 

 6.000.000 төгрөг гаргуулах  тухай иргэний хэргийг хянаад

   ТОДОРХОЙЛОХ НЬ:

 

Нэхэмжлэгч нь шүүхэд гаргасан нэхэмжлэлдээ: “Монголиан Гайд Тур ХХК нь 2015 оны 04 дүгээр сарын 20-ны өдөр Чингэлтэй дүүрэг, 5 дугаар хорооны нутаг дэвсгэрт орших Сэрүүлэг констракшн ХХК-ийн эзэмшлийн Оранж плаза, 4 давхарын 409 тоот 20 м.кв оффисийн өрөөг 1 м.кв талбайн үнэ 30.000 төгрөг, нийт сарын 600.000 төгрөгөөр тооцон төлбөр хийх нөхцөлтэйгээр Ажлын байрны түрээсийн гэрээ байгуулсан. Монголиан Гайд Тур ХХК нь гэрээнд заасан үүргээ биелүүлэхгүй байх Монголиан Гайд Тур ХХК-иас 6.000.000 төгрөг гаргуулж өгнө үү ” гэжээ.

 

Талуудын хооронд байгуулсан эвлэрлийн гэрээнд:  “ Сэрүүлэг констракшн ХХК-ийн нэхэмжилсэн 6.000.000 төгрөгийг Монголиан гайд Тур ХХК нь дараах графикийн дагуу төлж барагдуулна. Үүнд: 2016 оны 12 дугаар сарын 09-ний өдөр 500.000 төгрөг, 2017 оны 01 дүгээр сарын 09-ний өдөр 500.000 төгрөг, 2017 оны 02 дугаар сарын 09-ний өдөр 500.000 төгрөг, 2017 оны 03 дугаар сарын 09-ний өдөр 500.000 төгрөг, 2017 оны 04 дүгээр сарын 09-ний өдөр 500.000 төгрөг, 2017 оны 05 дугаар сарын 09-ний өдөр 1.000.000 төгрөг, 2017 оны 06 дугаар сарын 09-ний өдөр 1.000.000 төгрөг, 2017 оны 07 дугаар сарын 09-ний өдөр 1.500.000 төгрөгийг тус тус төлж ”   гэжээ.

ҮНДЭСЛЭХ НЬ:

 

Нэхэмжлэгч Сэрүүлэг констракшн ХХК нь хариуцагч Монголиан Гайд Тур ХХК-д холбогдуулан 6.000.000 төгрөг гаргуулах тухай нэхэмжлэл гаргажээ.

 

Хэрэг хянан шийдвэрлэх ажиллагааны явцад зохигчид харилцан тохиролцож хариуцагч Монголиан гайд Тур ХХК нь 2016 оны 12 дугаар сарын 09-ний өдөр 500.000 төгрөг, 2017 оны 01 дүгээр сарын 09-ний өдөр 500.000 төгрөг, 2017 оны 02 дугаар сарын 09-ний өдөр 500.000 төгрөг, 2017 оны 03 дугаар сарын 09-ний өдөр 500.000 төгрөг, 2017 оны 04 дүгээр сарын 09-ний өдөр 500.000 төгрөг, 2017 оны 05 дугаар сарын 09-ний өдөр 1.000.000 төгрөг, 2017 оны 06 дугаар сарын 09-ний өдөр 1.000.000 төгрөг, 2017 оны 07 дугаар сарын 09-ний өдөр 1.500.000 төгрөгийг тус тус нэхэмжлэгч Сэрүүлэг констракшн ХХК-д төлж барагдуулахаар тохиролцон эвлэрсэн болох нь тэдгээрийн хооронд байгуулсан эвлэрлийн гэрээгээр тогтоогдож байна.

 

Нэхэмжлэгч Сэрүүлэг констракшн ХХК-иас Г.Зулаад 2016 оны 11 дүгээр сарын 11-ний өдөр олгосон 16/112 дугаар итгэмжлэл, хариуцагч Монголиан Гайд Тур ХХК-иас Ч.Буянболдод олгосон 2016 оны 10 дугаар сарын 05-ны өдрийн 46/2016 дугаар итгэмжлэлд тус тус эвлэрэх эрхийг тусгайлан олгосон байх ба эвлэрлийн гэрээ нь Иргэний хуульд нийцсэн, гуравдагч этгээдийн эрх, ашгийг хөндөөгүй байх тул зохигчдын эвлэрлийг баталж, хэргийг хэрэгсэхгүй болгон хялбаршуулсан журмаар шийдвэрлэх үндэслэлтэй.   

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дугаар зүйл, 123 дугаар зүйлийн 123.1-т заасныг тус тус удирдлага болгон

 

ЗАХИРАМЖЛАХ НЬ:

 

1. Хариуцагч Монголиан Гайд Тур ХХК нь 2016 оны 12 дугаар сарын 09-ний өдөр 500.000 төгрөг, 2017 оны 01 дүгээр сарын 09-ний өдөр 500.000 төгрөг, 2017 оны 02 дугаар сарын 09-ний өдөр 500.000 төгрөг, 2017 оны 03 дугаар сарын 09-ний өдөр 500.000 төгрөг, 2017 оны 04 дүгээр сарын 09-ний өдөр 500.000 төгрөг, 2017 оны 05 дугаар сарын 09-ний өдөр 1.000.000 төгрөг, 2017 оны 06 дугаар сарын 09-ний өдөр 1.000.000 төгрөг, 2017 оны 07 дугаар сарын 09-ний өдөр 1.500.000 төгрөгийг тус тус нэхэмжлэгч Сэрүүлэг констракшн ХХК-д төлж барагдуулахаар тохиролцсон зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дах хэсэгт зааснаар нэхэмжлэгчээс Улсын тэмдэгтийн хураамжинд төлсөн 110.950 төгрөгийн 50 хувь буюу 55.475 төгрөгийг улсын орлогод хэвээр үлдээж, хариуцагч Монголиан Гайд Тур ХХК-иас 55.475 төгрөгийг гаргуулж, улсын орлогоос буюу Сүхбаатар дүүргийн Засаг даргын Тамгын газрын Санхүү төрийн сангийн хэлтэс, орон нутгийн төсвийн орлогын 200600910  тоот данснаас 55.475 төгрөгийг буцаан гаргуулж нэхэмжлэгч Сэрүүлэг констракшн ХХК-д олгосугай.

 

            3. Захирамж нь шийдвэрийн нэгэн адил биелэгдэхийг дурдсугай.

 

4. Шүүгчийн захирамжид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                    С.ЭНХБАЯР