Хариуцагч нэхэмжлэлийн шаардлагыг

хүлээн зөвшөөрснийг баталж,

                                             хэргийг хэрэгсэхгүй болгох тухай

 

Өмнөговь аймаг дахь сум дундын иргэний хэргийн анхан шатны шүүхийн Ерөнхий шүүгч Р.Уранчимэг би

 

         Нэхэмжлэгч: “*******” ХХК

 

          Хариуцагч: Өмнөговь аймгийн Цогт-Овоо сумын 3 дугаар *******т  оршин суух, ******* овгийн *******гийн ******* /РД: *******/

Хариуцагч: Өмнөговь аймгийн Цогтцэций сумын *******т  оршин суух, ******* овгийн *******ын /РД: /

 

Зээлийн гэрээг хугацаанаас нь өмнө цуцлах, 12405685,66 төгрөг гаргуулах,  нотариатын үйлчилгээний төлбөр 3600 төгрөг гаргуулах, зээлийн төлбөрийг мөнгөн хэлбэрээр барагдуулахгүй тохиолдолд зээлийн барьцаа хөрөнгөөр нэхэмжлэлийн шаардлагыг хангуулах тухай нэхэмжлэлийг 2016 оны 03 дугаар сарын 25-ны өдөр хүлээн авч, 2016 оны 04 дүгээр сарын 01-ний өдөр иргэний хэрэг үүсгэн

 

Тодорхойлох нь:

 

Нэхэмжлэгч ******* ХХК шүүхэд гаргасан нэхэмжлэлдээ: Иргэн Х.******* нь тус банкны Өмнөговь салбарын харъяа Цогтцэций тооцооны төвөөс анх 2013 оны 01 дүгээр сарын 21-ний өдөр №11 тоот зээлийн гэрээ байгуулж 3000000 /гурван сая/ төгрөгийн цалингийн зээлийг, жилийн 18 хувийн хүүтэй, 6 сарын хугацаатай, эмчилгээний төлбөрт зарцуулах зориулалтаар 2013 оны 03 дугаар сарын 27-ны өдөр №11-Н тоот зээлийн гэрээ байгуулан нэмэлтээр 1000000 төгрөгийн цалингийн зээлийг эмчилгээнд зарцуулах зориулалтаар, 2013 оны 06 дугаар сарын 25-ны өдөр /Б. хамтран үүрэг гүйцэтгэгчээр орсон/ №11-2 тоот зээлийн болон барьцааны гэрээ байгуулан нэмэлтээр 11900000 төгрөгийн цалингийн зээлийг өрхийн хэрэгцээнд зориулан тус тус зээлсэн. Зээлийн барьцаанд Өмнөговь аймаг Цогтцэций сумын төв Цэций уул 26-1 тоот дахь 500 м.кв талбайтай гэр бүлийн хэрэгцээний өмчлөх эрхийн гэрчилгээтэй газрыг барьцаалуулсан. Зээлдэгч нь зээлийн эргэн төлөх хуваарийн дагуу үндсэн зээлд 7887896,96 төгрөг, үндсэн зээлийн хүүгийн төлбөрт 1867853 төгрөг, нэмэгдүүлсэн хүүгийн төлбөр 33826,06 төгрөг нийт 9789576,02 төгрөг төлсөн байна. Зээлдэгч нь 2014 оны 01 дүгээр сарын 05-ны өдрөөс хойш зээлийн төлбөрөө төлөлгүй 799 хоног хугацаа хэтэрч байна. Банк зээлдэгчийг сайн дураараа зээлээ төлөхийг шаардаж улмаар 2014 оны 08 дугаар сарын 27-ны өдөр зээл төлөх мэдэгдлийг өгч зээлээ төлөхийг шаардсан боловч өнөөдрийг хүртэл төлбөрөө төлөөгүй байна.

Иймээс банк 2013 оны 06 дугаар сарын 25-ны өдрийн №11-2 тоот нэмэлт зээлийн гэрээний 1.4.3 дахь заалтыг зөрчсөн тул 2016 оны 03 дугаар сарын 14-ний өдрөөр тасалбар болгон шүүхэд дараах нэхэмжлэлийн шаардлагыг гаргаж байна. Үүнд:  

1. 2013 оны 06 дугаар сарын 25-ны өдрийн №11-2 тоот зээлийн гэрээг хугацаанаас нь өмнө цуцлах,

2. 2016 оны 03 дугаар сарын 14-ний өдрийн байдлаар тасалбар болгон дараах хэмжээний төлбөрийг гаргуулах:

1/ Үндсэн зээлийн үлдэгдэл 8012103,04 төгрөг

2/ Зээлийн хүүгийн төлбөр 4006496,36 төгрөг

3/ Нэмэгдүүлсэн хүүгийн төлбөр 387086,26 төгрөг

Нийт 12405685,66 төгрөг

3. Нотариатын үйлчилгээний төлбөр 3600 төгрөг тус тус гаргуулахаар нэхэмжилж байна.

4. Зээлийн төлбөрийг мөнгөн хэлбэрээр барагдуулахгүй тохиолдолд зээлийн барьцаа хөрөнгөөр нэхэмжлэлийн шаардлагыг хангуулах,

Жич: Нэхэмжлэгч шүүхийн шийдвэр гарах хүртэлх хугацааны зээлийн хүү, нэмэгдүүлсэн хүүг шүүхийн шийдвэр гарах өдөр хуульд заасан баримтыг бүрдүүлж хариуцагчаас нэмж нэхэмжилнэ гэжээ.

 

Хариуцагч Х.*******, Б. нар шүүхэд ирүүлсэн хариу тайлбартаа: Х.*******, Б. нар нь Өмнөговь аймгийн Цогтцэций суман дахь *******инд цалингийн зээлтэй. Уг зээлийг хугацаанд нь төлж барагдуулаагүй удаа дараа хугацаа хэтэрсэн тул Хаан Банкнаас гаргасан нэхэмжлэлийн шаардлагуудыг бүрэн хүлээн зөвшөөрч байна.

1. 2013 оны 06 дугаар сарын 25-ны өдрийн 11 тоот нэмэлт зээлийн гэрээг хугацаанаас нь өмнө цуцлахыг хүлээн зөвшөөрч байна.
2. Үндсэн зээл, зээлийн хүү, нэмэгдүүлсэн хүү нийт 12405685 төгрөг 66 мөнгө гаргуулах тухай мөнгөн дүн дээр маргаан байхгүй. Бүрэн төлж барагдуулна.
3. Нотариатын зардал 3600 төгрөгийг төлж барагдуулахыг зөвшөөрч байна.
4. Зээлийн төлбөрийг мөнгөн хэлбэрээр барагдуулаагүй тохиолдолд зээлийн барьцаа хөрөнгөөр нэхэмжлэлийн шаардлагыг хангуулахад маргаан байхгүй хүлээн зөвшөөрч байна гэжээ.

 

Үндэслэх нь:

 

Хариуцагч Х.*******, Б. нар нь нэхэмжлэлийн шаардлагыг хүлээн зөвшөөрсөн болох нь хариуцагч нарын шүүхэд ирүүлсэн “Х.*******, Б. нар нь Өмнөговь аймгийн Цогтцэций суман дахь *******инд цалингийн зээлтэй. Уг зээлийг хугацаанд нь төлж барагдуулаагүй удаа дараа хугацаа хэтэрсэн тул Хаан Банкнаас гаргасан нэхэмжлэлийн шаардлагуудыг бүрэн хүлээн зөвшөөрч байна. 1. 2013 оны 06 дугаар сарын 25-ны өдрийн 11 тоот нэмэлт зээлийн гэрээг хугацаанаас нь өмнө цуцлахыг хүлээн зөвшөөрч байна. 2. Үндсэн зээл, зээлийн хүү, нэмэгдүүлсэн хүү нийт 12405685 төгрөг 66 мөнгө гаргуулах тухай мөнгөн дүн дээр маргаан байхгүй. Бүрэн төлж барагдуулна. 3. Нотариатын зардал 3600 төгрөгийг төлж барагдуулахыг зөвшөөрч байна. 4. Зээлийн төлбөрийг мөнгөн хэлбэрээр барагдуулаагүй тохиолдолд зээлийн барьцаа хөрөнгөөр нэхэмжлэлийн шаардлагыг хангуулахад маргаан байхгүй хүлээн зөвшөөрч байна” гэсэн тайлбараар нотлогдож байх тул хариуцагч нар нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

 

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.4, 75 дугаар зүйлд заасныг  удирдлага болгон ЗАХИРАМЖЛАХ нь:

 

1. Хариуцагч Х.*******, Б. нар нь “*******” ХХК-ны зээлийн гэрээг хугацаанаас нь өмнө цуцлах, 12405685,66 төгрөг гаргуулах,  нотариатын үйлчилгээний төлбөр 3600 төгрөг гаргуулах, зээлийн төлбөрийг мөнгөн хэлбэрээр барагдуулахгүй тохиолдолд зээлийн барьцаа хөрөнгөөр нэхэмжлэлийн шаардлагыг хангуулах тухай нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай.
2. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар хариуцагч Х.*******, Н. нар нь 12405685,66 төгрөг,  нотариатын үйлчилгээний төлбөр 3600 төгрөгийг тус тус нэхэмжлэгч “*******” ХХК-нд төлж хохиролгүй болго гэж захирамжилсныг сайн дураар үл биелүүлбэл барьцаа хөрөнгөөр хангуулж шүүхийн шийдвэрийг албадан гүйцэтгэхийг дурдсугай.
3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэг, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт зааснаар нэхэмжлэгч “*******” ХХК-ийн улсын тэмдэгтийн хураамжид төлсөн 213549 төгрөгийг орон нутгийн төсвийн орлогод хэвээр үлдээж, хариуцагч Х.*******, Б. нараас улсын тэмдэгтийн хураамжид 106774.5 төгрөг, орон нутгийн төсвийн орлогоос 106774.5 төгрөгийг тус тус гаргуулж “Хаанн банк” ХХК-нд олгосугай.
4. Энэ захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ЕРӨНХИЙ ШҮҮГЧ                                   Р.УРАНЧИМЭГ