Хариуцагч нэхэмжлэлийн шаардлагыг

хүлээн зөвшөөрснийг баталж,

                                             хэргийг хэрэгсэхгүй болгох тухай

 

Өмнөговь аймаг дахь сум дундын иргэний хэргийн анхан шатны шүүхийн Ерөнхий шүүгч Р.Уранчимэг би

 

         Нэхэмжлэгч: “*******” Өмнөговь салбар

Өмнөговь аймаг Даланзадгад сум 3-р баг *******ны байр,

 

          Хариуцагч: Өмнөговь аймгийн Даланзадгад сум 2-р баг ******* тоотод оршин суух, ******* овгийн ******* овогтой ******* /РД: *******/

 

8844398,65 төгрөгийг гаргуулах тухай нэхэмжлэлийг 2016 оны 10 дугаар сарын 05-ны өдөр хүлээн авч, 2016 оны 10 дугаар сарын 12-ны өдөр иргэний хэрэг үүсгэн

 

Тодорхойлох нь:

 

Нэхэмжлэгч *******ны Өмнөговь салбар шүүхэд гаргасан нэхэмжлэлдээ: Зээлдэгч ******* овогтой ******* нь тус банктай дараах зээлийн гэрээ байгуулан нийт 14000000 төгрөгийн зээлийг авсан билээ.Үүнд: ЗГ5205016264 дугаартай зээлийн гэрээ байгуулж 2014 оны 06 дугаар сарын 12-ны өдөр 14000000 төгрөгийг сарын 1,70 хувийн, жилийн 20,40 хувийн хүүтэйгээр 36 сарын хугацаатай авсан. Зээлдэгч зээлийн гэрээнд заасан үүргээ биелүүлээгүй, зээл барагдуулах талаар удаа дараа амлалт өгч байсан ч 2016 оны 01 дүгээр сарын 04-ний өдрөөс хойш огт төлөлт төлөөгүй 246 хоног хугацаа хэтэрсэн. Иймд зээлдэгч ******* овогтой *******оос 2016 оны 10 дугаар сарын 04-ний өдрийн байдлаар үндсэн зээлийн төлбөр 7623855,04 төгрөг, үндсэн хүү 1170506,26 төгрөг, нэмэгдүүлсэн хүү 50037,35 төгрөг, нийт 8844398,65 төгрөгийг гаргуулж өнө үү гэжээ.

 

Хариуцагч Б.******* шүүхэд ирүүлсэн хариу тайлбартаа: ******* овогтой ******* миний бие *******наас 14000000 төгрөгийн зээлийг авсан билээ. 2016 оны 01 дүгээр сараас хойш төлөлт хийгээгүйн улмаас үндсэн зээлийн төлбөр 7623506,04 төгрөг, үндсэн хүү 1170506,26 төгрөг, нэмэгдүүлсэн хүү 501037,35 төгрөг, нийт 8844398,65 төгрөгийг төлөхөө мэдэгдэж байна гэжээ.

                                                

Үндэслэх нь:

 

Хариуцагч  нь нэхэмжлэлийн шаардлагыг хүлээн зөвшөөрсөн болох нь хариуцагчийн шүүхэд ирүүлсэн талбартаа:  “******* овогтой ******* миний бие *******наас 14000000 төгрөгийн зээлийг авсан билээ. 2016 оны 01 дүгээр сараас хойш төлөлт хийгээгүйн улмаас үндсэн зээлийн төлбөр 7623506,04 төгрөг, үндсэн хүү 1170506,26 төгрөг, нэмэгдүүлсэн хүү 501037,35 төгрөг, нийт 8844398,65 төгрөгийг төлөхөө мэдэгдэж байна” гэсэн тайлбараар нотлогдож байх тул хариуцагч нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгох үндэслэлтэй байна.

 

 

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.4, 75 дугаар зүйлд заасныг  удирдлага болгон ЗАХИРАМЖЛАХ нь:

 

1.   Хариуцагч Б.*******  нь *******ны Өмнөговь салбарт 8844398,65 төгрөг гаргуулах тухай нэхэмжлэлийн шаардлагыг хүлээн зөвшөөрснийг баталж, хэргийг хэрэгсэхгүй болгосугай.

 

1. Хариуцагч Б.*******  *******ны Өмнөговь салбарт 8844398,65 төгрөгийг нэхэмжлэгч А.Өлзийсүрэнд төлж хохиролгүй болго гэж захирамжилсныг сайн дураар үл биелүүлбэл Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар шүүхийн шийдвэрийн нэгэн адил албадан гүйцэтгэхийг дурдсугай.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэг, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт зааснаар нэхэмжлэгч *******ны Өмнөговь салбарын улсын тэмдэгтийн хураамжид төлсөн 156461 төгрөгийг орон нутгийн төсвийн орлогод хэвээр үлдээж, хариуцагч Б.*******оос улсын тэмдэгтийн хураамжид 78230 төгрөг, орон нутгийн төсвийн орлогоос 78230 төгрөгийг тус тус гаргуулж *******ны Өмнөговь салбарт олгосугай.

 

1. Энэ захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

 

 

ЕРӨНХИЙ ШҮҮГЧ                                   Р.УРАНЧИМЭГ