2016 оны 07 сарын 26 өдөр

Дугаар 183/ШШ2016/00352

Улаанбаатар хот

 

 

Зохигчдын эвлэрлийг баталж,

хэргийг хэрэгсэхгүй болгох тухай

 

           Хан-Уул дүүргийн Иргэний хэргийн анхан шатны шүүхийн шүүх хуралдааныг шүүгч Б.Ариунхишиг даргалж, тус шүүхийн шүүх хуралдааны танхимд хийсэн шүүх хуралдаанаар,

Нэхэмжлэгч: Сонгинохайрхан дүүрэг, 9 дүгээр хороо, Малчин 2 дугаар гудамж, 136 тоотод оршин суух, Боржигон овогтой Доржхуягийн Батбаяр /РД:ЗЮ82071992/-н нэхэмжлэлтэй,

Хариуцагч: Хан-Уул дүүрэг, 3 дугаар хороо, өөрийн байранд байрлах Эрэл ХХК-ийн нэхэмжлэлтэй,

Тээврийн ажлын хөлсний үлдэгдэл 14.786.753 төгрөг гаргуулах тухай иргэний хэргийг хянан хэлэлцэв 

 

            Шүүх хуралдаанд нарийн бичгийн дарга Н.Отгончимэг оролцов.

              ТОДОРХОЙЛОХ нь:

            Зохигчдын дунд байгуулсан эвлэрлийн гэрээнд: Нэхэмжлэгчийн нэхэмжлэлийн шаардлага болох 14.786.753 төгрөгийг хариуцагч нь 2016 оны 10 дугаар сарын 01-ний өдрийн дотор 50 хувь буюу 7.393.377 төгрөг, 2016 оны 11 дүгээр сарын 01-ний өдрийн дотор үлдэгдэл 7.393.377 төгрөгийг тус тус бүрэн төлж барагдуулахаар харилцан тохиролцож эвлэрлийн гэрээ байгуулж байна гэв.

             ҮНДЭСЛЭХ нь:

           

           Нэхэмжлэгч Д.Батбаяр нь хариуцагч Эрэл ХХК-д холбогдуулан тээврийн ажлын хөлсний үлдэгдэл 14.786.753 төгрөг гаргуулах тухай нэхэмжлэл гаргажээ.

 

            Зохигчдын дунд байгуулсан эвлэрлийн гэрээнд нэхэмжлэгчийн нэхэмжлэлийн шаардлага болох 14.786.753 төгрөгийг хариуцагч нь 2016 оны 10 дугаар сарын 01-ний өдрийн дотор 50 хувь буюу 7.393.377 төгрөг, 2016 оны 11 дүгээр сарын 01-ний өдрийн дотор үлдэгдэл 7.393.377 төгрөгийг тус тус бүрэн төлж барагдуулахаар харилцан тохиролцож эвлэрлийн гэрээ байгуулжээ.

 

             Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5 дахь хэсэгт “... нэхэмжлэгч нэхэмжлэлээсээ татгалзсан, хариуцагч нэхэмжлэгчийн шаардлагыг хүлээн зөвшөөрсөн, зохигч эвлэрсэн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй бол шүүх хариуцагчийн зөвшөөрөл, нэхэмжлэгчийн татгалзал, зохигчийн эвлэрлийг баталж, хэргийг хэрэгсэхгүй болгох тухай шүүгч захирамж, шүүх тогтоол гаргана... ” гэж заасны дагуу зохигчдын эвлэрэл нь бусдын эрх, эрх чөлөө, хуулиар хамгаалагдсан ашиг сонирхолыг хөндөөгүй, хуульд харшлаагүй байх тул зохигчдын эвлэрлийг баталж, хэргийг хэрэгсэхгүй болгох нь зүйтэй гэж шүүх үзлээ.   

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                   

            Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.1 дэх хэсэгт заасныг тус тус удирдлага болгон 

ЗАХИРАМЖЛАХ нь:

            1.Нэхэмжлэгч Д.Батбаяр нь хариуцагч Эрэл ХХК-д холбогдох иргэний хэргийн нэхэмжлэлийн шаардлага болох 14.786.753 төгрөгийг хариуцагч нь 2016 оны 10 дугаар сарын 01-ний өдрийн дотор 7.393.377 төгрөг, 2016 оны 11 дүгээр сарын 01-ний өдрийн дотор үлдэгдэл 7.393.377 төгрөгийг тус тус бүрэн төлж барагдуулахаар зохигчдын эвлэрсэнийг баталж, хэргийг хэрэгсэхгүй болгосугай.

          2. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 231.884 төгрөгийг улсын орлогод хэвээр үлдээж, хариуцагчаас 115.942 төгрөгийг гаргуулж нэхэмжлэгч Д.Батбаярт олгосугай.

        

          3.  Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй

 

          4. Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай

 

 

 

 

 

                     ДАРГАЛАГЧ ШҮҮГЧ                                      Б.АРИУНХИШИГ