2016 оны 11 сарын 02 өдөр         Дугаар 181/ШЗ2016/01130           Улаанбаатар хот

 

 

Зохигчдын эвлэрлийг баталж,

хэргийг хэрэгсэхгүй болгох тухай

 

 

Сүхбаатар дүүргийн Иргэний хэргийн анхан шатны шүүхийн шүүгч С.Хишигбат даргалж, тус шүүхийн танхимд хийсэн шүүх хуралдаанаар,

 

Нэхэмжлэгч: Сүхбаатар дүүрэг, 7-р хороо, Эрхүүгийн гудамж, 11-р хороолол, “Сэлбэ плаза” төвд байрлах, “Сэлбэ плаза” ХХК /РД: 2745461/-ийн нэхэмжлэлтэй,

 

Хариуцагч: Сүхбаатар дүүрэг, 8-р хороо, 11-р хороолол, 2-105 тоотод байрлах, “Энх-Орчлон Хүү” ББН /РД: 2264439/-д холбогдох,

 

12 510 808 төгрөгийг гаргуулах тухай иргэний хэргийг хянан хэлэлцэв.

 

Шүүх хуралдаанд: Нэхэмжлэгчийн итгэмжлэгдсэн төлөөлөгч Д.Эрхэмбаяр, хариуцагчийн итгэмжлэгдсэн төлөөлөгч Ю.Сэвлэгмаа, шүүх хуралдааны нарийн бичгийн дарга Н.Өнө-Эрдэнэ нар оролцов.

 

Тодорхойлох нь:

 

Нэхэмжлэгчийн итгэмжлэгдсэн төлөөлөлөгч шүүх хуралдаанд гаргасан тайлбартаа: “Эвлэрлийн гэрээ байгуулсан.” гэв.

 

Хариуцагчийн итгэмжлэгдсэн төлөөлөгч шүүх хуралдаанд гаргасан хүсэлтдээ: “Эвлэрлийн гэрээг шүүх баталж өгнө үү.” гэв.

 

Шүүх зохигчийн тайлбар, хэрэгт авагдсан нотлох баримтуудыг шинжлэн судлаад    

 

Үндэслэх нь:

 

Нэхэмжлэгч “Сэлбэ плаза” ХХК нь хариуцагч “Энх Орчлон Хүү” ББН-д холбогдуулан 12 510 808 төгрөгийг гаргуулах тухай нэхэмжлэл гаргажээ.

 

              Хэрэг хянан шийдвэрлэх ажиллагааны явцад зохигч эвлэрсэн эвлэрлийн гэрээнд: “Нэхэмжлэгч “Сэлбэ плаза” ХХК нь тус шүүхэд “Энх Орчлон Хүү” ББН-өөс 12 510 808 төгрөг гаргуулахаар нэхэмжилсэн нэхэмжлэлийн шаардлагаас хариуцагч “Энх Орчлон Хүү” БНН-өөс 6 046 000 төгрөгийг гаргуулахаар эвлэрч байгаа бөгөөд хариуцагч тал “Энх Орчлон Хүү” ББН нь уг 6 046 000 төгрөгийг 1 сарын хугацаанд буюу 2016 оны 12 дугаар сарын 01-ний өдрийн дотор төлж барагдуулахаар тохиролцов.” гэж харилцан тохиролцсон болох нь тогтоогдож байна.

 

          Зохигчдын байгуулсан Эвлэрлийн гэрээ нь Иргэний хуульд нийцсэн, гуравдагч этгээдийн эрх, ашгийг хөндөөгүй байх тул зохигчийн эвлэрлийг баталж, хэргийг хэрэгсэхгүй болгох нь зүйтэй гэж .

 

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5, 123 дугаар зүйлийн 123.1 дэх хэсэгт заасныг тус тус удирдлага болгон

 

ЗАХИРАМЖЛАХ нь:

 

1. Нэхэмжлэгч “Сэлбэ плаза” ХХК нь хариуцагч “Энх Орчлон Хүү” ББН-д холбогдуулан 12 510 808/арван хоёр сая таван зуун арван мянга найман зуун найм/ төгрөгийг гаргуулахаар нэхэмжилсэнээс 6 464 808/зургаан сая дөрвөн зуун жаран дөрвөн мянга найман зуун найм/ төгрөгөөс татгалзаж, хариуцагч “Энх Орчлон Хүү” ББН нь үлдсэн 6 046 000/зургаан сая дөчин зургаан мянга/ төгрөгийг 2016 оны 12 дугаар сарын 01-ний өдрийн дотор төлж барагдуулахаар харилцан тохиролцсон зохигчийн эвлэрлийг баталж, хэргийг хэрэгсэхгүй болгосугай.

 

1. Иргэний хэрэг шүүхэд хянан шийдвэрлэх тухай хуулийн 59 дүгээр зүйлийн 59.5, 106 дугаар зүйлийн 106.6 дахь хэсэг, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх заалтад зааснаар нэхэмжлэгч “Сэлбэ плаза” ХХК-ийн улсын тэмдэгтийн хураамжид төлсөн 215130 төгрөгийг улсын орлогод хэвээр үлдээж, улсын тэмдэгтийн хураамж 111686 төгрөгийн тал хувь 55843 төгрөгийг хариуцагч “Энх Орчлон Хүү” ББН-өөс гаргуулан нэхэмжлэгч “Сэлбэ плаза” ХХК-д ологсугай.

 

3. Хариуцагч энэхүү захирамжийг сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

4. Зохигчид энэхүү захирамжид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

даргалагч, ШҮҮгЧ                                  С.ХИШИГБАТ