Баянзүрх дүүргийн Эрүүгийн хэргийн анхан шатны шүүхийн шүүх хуралдааныг шүүгч Б.Ариунхишиг даргалж, шүүх хуралдааны нарийн бичгийн дарга Б.Б, улсын яллагч Н.Г, шүүгдэгч Д.Д, түүний өмгөөлөгч П.У нарыг оролцуулан тус шүүхийн хуралдааны танхимд нээлттэй хийсэн шүүх хуралдаанаар,   

          Баянзүрх дүүргийн прокурорын газрын хяналтын прокурор Н.Ггаас Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэгт Д.Д холбогдуулан яллах дүгнэлт үйлдэж, хялбаршуулсан журмаар хянан шийдвэрлүүлэхээр ирүүлсэн эрүүгийн 1906 030820 0208 дугаартай хэргийг 2020 оны 02 дугаар сарын 03-ны өдөр хүлээн авч хянан хэлэлцэв.  

          Шүүгдэгчийн биеийн байцаалт:   

          Монгол Улсын иргэн, Д.Д,   Холбогдсон хэргийн талаар: /Яллах дүгнэлтэд дурдсанаар/

          Яллагдагч Д.Д нь 2019 оны 05 дугаар сарын 13-ны өдөр Баянзүрх дүүргийн 6 дугаар хорооны нутаг дэвсгэр бөхийн өргөө орчимд “Никел Ганба” ХХК-ийн “Юү байк” нэртэй түрээсийн унадаг дугуйг хүч хэрэглэхгүйгээр, нууцаар, хууль бусаар авч 608.000 төгрөгийн хохирол учруулсан гэмт хэрэгт холбогджээ.

            Шүүхийн хэлэлцүүлэгт дараах нотлох баримтуудыг шинжлэн судлав. Үүнд:

            Шүүхийн хэлэлцүүлэгт шүүгдэгч Д.Д мэдүүлэхдээ: “….” гэв.

            Гэмт хэргийн талаарх гомдол, мэдээлэл хүлээн авсан тэмдэглэл /хх-н 12/, Баянзүрх дүүргийн Цагдаагийн хэлтэст гаргасан өргөдөл /хх-н 13/, эд зүйл түр хураан авсан, хүлээлгэн өгсөн тэмдэглэл /хх-н 15-16/, мөрдөн шалгах ажиллагаанд хохирогч байгууллагын итгэмжлэгдсэн төлөөлөгч Б.Төөс мэдүүлэг авсан тэмдэглэл /хх-н 22-24/, мөрдөн шалгах ажиллагаанд гэрч Э.Баас мэдүүлэг авсан тэмдэглэл /хх-н 25/, мөрдөн шалгах ажиллагаанд гэрч Ц.Баас мэдүүлэг авсан тэмдэглэл /хх-н 26-27/, “Дамно” ХХК-ийн хөрөнгийн үнэлгээний тайлан /хх-н 36-37/, урьд ял шийтгэгдсэн эсэхийг шалгах хуудас /хх-н 50/, иргэний үнэмлэхийн лавлагаа /хх-н 51/, ажлын газрын цалингийн тодорхойлолт /хх-н 53/, хохирогчийн хүсэлт /хх-н 57/, мөрдөн шалгах ажиллагаанд яллагдагчаар Д.Доос мэдүүлэг авсан тэмдэглэл /хх-н 65-66/ зэрэг болно.

          Шүүхийн хэлэлцүүлэгт шинжлэн судалсан дээрх нотлох баримтууд болон хэрэгт авагдсан бусад бичгийн нотлох баримтуудыг Эрүүгийн хэрэг хянан шийдвэрлэх тухай хуулийн 16.2 дугаар зүйлд заасан шаардлагыг зөрчсөн гэх ноцтой зөрчил тогтоогдоогүй байна гэж үзээд шүүх тал бүрээс нь бүрэн, бодитой хянасны үндсэнд ТОДОРХОЙЛОХ нь:  

          Баянзүрх дүүргийн прокурорын газрын хяналтын прокуророос Д.Д нь 2019 оны 05 дугаар сарын 13-ны өдөр Баянзүрх дүүргийн 6 дугаар хорооны нутаг дэвсгэр бөхийн өргөө орчимд “Никел Ганба” ХХК-ийн “Юү байк” нэртэй түрээсийн унадаг дугуйг хүч хэрэглэхгүйгээр, нууцаар, хууль бусаар авч 608.000 төгрөгийн хохирол учруулсан гэмт хэрэгт холбогдуулан яллах дүгнэлт үйлдэж шүүхэд ирүүлжээ.

Шүүх Эрүүгийн хэрэг хянан шийдвэрлэх тухай хуулийн 17.1 дүгээр зүйлийн 1, 4, 17.5 дугаар зүйлийн 1, 5 дахь хэсэгт тус тус заасан журмыг баримтлан хэргийг хянан шийдвэрлэв.  

          Шүүхээс шүүгдэгч Д.Дийг 2019 оны 05 дугаар сарын 13-ны өдөр Баянзүрх дүүргийн 6 дугаар хорооны нутаг дэвсгэр бөхийн өргөө орчимд “Никел Ганба” ХХК-ийн “Юү байк” нэртэй түрээсийн унадаг дугуйг хүч хэрэглэхгүйгээр, нууцаар, хууль бусаар авч 608.000 төгрөгийн хохирол учруулсан болох нь дараах нотлох баримтуудаар нотлогдон тогтоогдож байна гэж үзэв. Үүнд:  

            Мөрдөн шалгах ажиллагаанд хохирогч Б.Тийн өгсөн: "...." гэх мэдүүлэг /хх-н 20-24/,

            Мөрдөн шалгах ажиллагаанд Э.Бын гэрчээр өгсөн: “....” гэх мэдүүлэг /хх-н 25/,

            Мөрдөн шалгах ажиллагаанд Ц.Бын гэрчээр өгсөн: “....” гэх мэдүүлэг /хх-н 26-17/,

            шүүхийн хэлэлцүүлэгт шүүгдэгч үйлдсэн хэргийн талаараа хүлээн мэдүүлсэн мэдүүлэг болон шүүхийн хэлэлцүүлэгт шинжлэн судлагдсан бусад нотлох баримтуудаар тус тус нотлогдон тогтоогдож байна.  

            Иймд дээрх нотлох баримтууд нь Эрүүгийн хэрэг хянан шийдвэрлэх тухай хуулийн дагуу цуглуулж, бэхжүүлж авагдсан, өөр хоорондоо зөрүүгүй, энэ хэрэгт хамааралтай байх бөгөөд Баянзүрх дүүргийн прокурорын газраас шүүгдэгч Д.Дид Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэн зүйлчилж ирүүлсэн зүйлчлэл тохирсон байна гэж үзэв.  

Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 4 дэх хэсэгт зааснаар шүүгдэгч Д.Д нь бусдын эд хөрөнгийг хүч хэрэглэхгүйгээр, нууцаар, хууль бусаар авсан болох нь хэрэгт авагдсан нотлох баримтаар хангалттай нотлогдож, шүүгдэгч нь гэмт хэрэг үйлдсэн гэм буруугаа сайн дураараа хүлээн зөвшөөрч, түүний улмаас үүсэх хууль зүйн үр дагаварыг ойлгож, хохирогчид учруулсан хохирлыг төлж, прокурорын сонсгосон ялыг хүлээн зөвшөөрсөн зэрэг нөхцөл байдлуудыг хянасаны үндсэн дээр Эрүүгийн хуулийн тусгай ангийн 17.1 дүгээр зүйлийн 1 дэх хэсэгт заасан гэмт хэрэгт гэм буруутайд тооцож, прокурорын саналыг харгалзан түүнд эрүүгийн хариуцлага хүлээлгэх үндэслэлтэй байна гэж шийдвэрлэв.    

            Шүүгдэгч Д.Д нь хохирогчид учирсан хохирлыг буцаан өгсөн байх тул түүнийг энэ шийтгэх тогтоолын хүрээнд бусдад төлөх төлбөргүй гэж шүүх үзэв.

Шүүхээс шүүгдэгч Д.Дид ял шийтгэл оногдуулахдаа тохиолдлын шинжтэй нөхцөл байдлын улмаас анх удаа гэмт хэрэг үйлдсэн, хохирогчид учруулсан хохирлыг төлж барагдуулсан зэргийг ял хөнгөрүүлэх нөхцөлд, харин хүндрүүлэх нөхцөл байдал тогтоогдсонгүй гэж үзэв.   

            Энэ хэрэгт эд мөрийн баримтаар хураагдан ирсэн зүйлгүй, битүүмжлэгдэн ирсэн хөрөнгөгүй, шүүгдэгч нь цагдан хоригдсон хоноггүй болохыг тус тус дурдав.