МОНГОЛ УЛСЫН НЭРИЙН ӨМНӨӨС

 

Архангай аймаг дахь сум дундын иргэний хэргийн анхан шатны  шүүхийн шүүгч Ч.Жаргалан  даргалж, тус шүүхийн шүүх хуралдааны танхимд хийсэн шүүх хуралдаанаар

Хүсэлт гаргагч:1956 онд төрсөн, эрэгтэй, Улаанбаатар хотын Баянзүрх дүүргийн 23-р хороо 3в хэсэг Улиастай гудамжны 758 тоотод оршин суух Эрдэнэ овогт Мижидийн Энхтайван /РД:СЗ56102011/-ы хүсэлттэй,

Архангай аймгийн Нэгдэл дундын үйлдвэрт 1974 оны 1-р сарын 1-ний өдрөөс 1975 оны 5-р сарын 20-ны өдрийг хүртэл, 1978 оны 8-р сарын 27-ны өдрөөс 1983 оны 1-р сарын 1-ний өдрийг хүртэл хугацаанд тус тус барилгачнаар ажиллаж байсан байдлыг тогтоолгох тухай иргэний хэргийг нээлттэй хэлэлцэв.

 

          Шүүх хуралдаанд: хүсэлт гаргагч М.Энхтайван, шүүх хуралдааны нарийн бичгийн дарга Б.Дөлгөөн нар оролцов.

 

ТОДОРХОЙЛОХ нь:

         

          Хүсэлт гаргагч М.Энхтайван шүүхэд гаргасан хүсэлтдээ болон шүүх хуралдаанд гаргасан тайлбартаа: Миний бие Мижид овогтой Энхтайван 1972 онд аймгийн Ихтамир сумын нэгдэл дундын үйлдвэрийн барилгын ажлын бригад, 1972 оны 5-р сард Хангай суманд барилгачнаар очоод 1973 онд Эрдэнэмандал суманд малын тэжээлийн агуулах барьж байгаад 1975 онд цэрэгт явсан. 1978 онд цэргээс ирээд үйлдвэртээ ажилд ороод 1984 оныг дуустал тасралтгүй ажилласан. Би 1972 оноос 1984 оныг дуустал хугацаанд ажиллаж байсан байдлыг тогтоолгохоор шүүхэд нэхэмжлэл гаргасан бөгөөд хүсэлтдээ өөрчлөлт оруулж нотлох баримт байгаа жилүүдээ тогтоолгоё гэжээ.

          Шүүх хүсэлт гаргагчийн хүсэлт болон хэрэгт авагдсан бичгийн нотлох баримтуудыг шинжлэн судлаад:

 

ҮНДЭСЛЭХ нь:

 

          Хүсэлт гаргагч М.Энхтайван нь ажиллаж байсан байдлаа тогтоолгохоор шүүхэд хүсэлт гаргасан байх бөгөөд хэрэг хянан шийдвэрлэх ажиллагааны явцад хүсэлт гаргагч нь Иргэний хэрэг шүүхэд хянан шийдвэрлэх тухай хуулийн 26 дугаар зүйлийн 26.2-т зааснаар нотлох баримт байгаа жилүүдээ буюу Архангай аймгийн Нэгдэл дундын үйлдвэрт 1974 оны 1-р сарын 1-ний өдрөөс 1975 оны 5-р сарын 20-ны өдрийг хүртэл, 1978 оны 5-р сарын 27-ны өдрөөс 1983 оны 1-р сарын 1-ний өдрийг хүртэл хугацаанд барилгачнаар ажиллаж байсан байдлыг тогтоолгохоор хүсэлтдээ өөрчлөлт оруулсан болно.

          Хэрэгт дараах нотлох баримтууд авагдсан байна. Үүнд:

1. Архивын ерөнхий газрын харьяа Үндэсний төв архивын 2016 оны 10 сарын 13-ны өдрийн 827 дугаартай лавлагаанд: Үндэсний төв Архивын сан хөмрөгт Архангай аймгийн Ихтамир сумын нэгдэл дундын үйлдвэр байгууллагын бүгд /он/-ы баримт шилжиж ирээгүй тул Мижид овогтой Энхтайванд холбогдох баримтыг шүүж үзэж лавлагаа гаргах боломжгүй байна гэсэн,
2. Архангай аймгийн Нэгдэл дундын үйлдвэрийн даргын 1974 оны 9-р сарын 3-ны өдрийн 84 тоот “Барилгын зарим ажилчдад 1974 оны ээлжийн амралт олгох” тухай тушаалд: Дор нэр дурдагдсан барилгачдын 1974 оны ээлжийн амралтыг 1974 оны 9-р сарын 1-ээс эхэн олгосугай. Жагсаалтын 14-рт Мижидийн Энхтайван ажлын 18 өдрөөр гэсэн,
3. Архангай аймгийн Нэгдэл дундын үйлдвэрийн даргын 1975 оны 5-р сарын 20-ны өдрийн 115 тоот “Цэргийн албанд явах хүмүүсийн ээлжийн амралтыг олгох ба үүрэгт ажлаас нь чөлөөлөх” тухай тушаалд: Цэргийн албанд явах Самбуугийн Төвшинжаргал, Мижидийн Энхтайван, Самбуугийн Баасанжав нарыг үүрэгт ажлаас нь 1975 оны 5-р сарын 20-ны өдрөөс эхлэн чөлөөлж мөн өдрөөс эхлэн Төвшинжаргал, Банзрагч нарт 18 хоног, Нянтайсүрэн, Энхтайван нарт 15 хоног, Баасанжавт 10 хоногийн амралт тус тус олгосугай гэсэн.
4. Архангай аймгийн Нэгдэл дундын үйлдвэрийн даргын 1978 оны 9-р сарын 23-ны өдрийн 159 тоот “Барилгачин томилох тухай” тушаалд: Ардын цэргийн албанаас халагдаж ирсэн Бадамын Банзрагч, Чадраабалын Халтар, Мижидийн Энхтайван, Самдангийн Бямбасүрэн нарыг 1978 оны 08-р сарын 27-ны өдрөөс эхлэн барилгачнаар томилсугай гэсэн.  
5. Архангай аймгийн Нэгдэл дундын үйлдвэрийн даргын 1980 оны 6-р сарын 22-ны өдрийн 124 тоот “Тариатын барилгын бригадын ажилчдын ээлжийн амралтыг олгох” тухай тушаалд: 6-р сарын 27-ны өдрөөс эхлэн хавсралтанд нэр дурьдсан 29 ажилчдын ээлжийн амралтыг олгосугай. Хавсралтын 18-рт М.Энхтайван үлдсэн амралт ажлын өдрөөр 22 гэсэн.
6. М.Энхтайваны 1978 оны 10-р сарын 27-ны өдөр нээлгэсэн хөдөлмөрийн дэвтэрт:

• 1978.08.27 Барилгын салбарт ажилчнаар авч ажиллуулав. Архангай Нэгдэл дундын үйлдвэрийн даргын 1978.9.23-ны 159-р тушаал,
• 1982.05.11 Ар гэрийн гачигдалтай учир үүрэгт ажлаас нь чөлөөлөв. НДҮ-ийн даргын 1982 оны 5-р сарын 11-ний өдрийн 80 тоот тушаалаар,
• 1985.01.03 Архуст сургууль комбинатын авто жолооны ангид суралцав. Архуст сургууль комбинатын захиралын 1985.02.06-ны 16-р тушаал,
• 1985.06.30 Автожолооны ангийг төгссөн учир чөлөөлөв. Мөн сургуулийн захиралын 1985.06.20-ны өдрийн 62-р тушаал,
• 1984.09.01 Хэнтий аймгийн Хурхын САА-д барилгын бригадын ажилчнаар авч ажиллуулав.
• 1985.01.28 Авто жолоочийн курст суралцах болсон учир үүрэгт ажлаас нь чөлөөлж, Архустын сургууль комбинатын мэдэлд шилжүүлэв. САА-н даргын 1985 оны 1-р сарын 28-ны өдрийн тушаалаар,

1. М.Энхтайваны 1973 оны 4-р сарын 8-ны өдөр нээсэн “Монголын хувьсгалт залуучуудын эвлэлийн гишүүний бат илэрхийлэл”-д 1979 оны 11-12 дугаар сар, 1980, 1982 оны 7-12 дугаар сарын цалин, татвар бичигдэж, зохих тамга, тэмдэг дарагдсан зэрэг болно.

         

            Хүсэлт гаргагч М.Энхтайван нь Архангай аймгийн Нэгдэл дундын үйлдвэрт 1974 оны 1-р сарын 1-ний өдрөөс 1975 оны 5-р сарын 20-ны өдрийг хүртэл, 1978 оны 8-р сарын 27-ны өдрөөс 1983 оны 1-р сарын 1-ний өдрийг хүртэл хугацаанд тус тус барилгачнаар ажиллаж байсан болох нь Архангай аймгийн Нэгдэл дундын үйлдвэрийн даргын 1974 оны 9-р сарын 3-ны өдрийн 84 тоот “Барилгын зарим ажилчдад 1974 оны ээлжийн амралт олгох” тухай тушаал, Архангай аймгийн Нэгдэл дундын үйлдвэрийн даргын 1975 оны 5-р сарын 20-ны өдрийн 115 тоот “Цэргийн албанд явах хүмүүсийн ээлжийн амралтыг олгох ба үүрэгт ажлаас нь чөлөөлөх” тухай тушаал, Архангай аймгийн Нэгдэл дундын үйлдвэрийн даргын 1978 оны 9-р сарын 23-ны өдрийн 159 тоот “Барилгачин томилох тухай” тушаал, Архангай аймгийн Нэгдэл дундын үйлдвэрийн даргын 1980 оны 6-р сарын 22-ны өдрийн 124 тоот “Тариатын барилгын бригадын ажилчдын ээлжийн амралтыг олгох” тухай тушаал, М.Энхтайваны 1978 оны 10-р сарын 27-ны өдөр нээлгэсэн хөдөлмөрийн дэвтэр, М.Энхтайваны 1973 оны 4-р сарын 8-ны өдөр нээсэн “Монголын хувьсгалт залуучуудын эвлэлийн гишүүний бат илэрхийлэл” зэрэг нотлох баримтуудаар нотлогдож байна. Иймд Архангай аймгийн Нэгдэл дундын үйлдвэрт 1974 оны 1-р сарын 1-ний өдрөөс 1975 оны 5-р сарын 20-ны өдрийг хүртэл, 1978 оны 8-р сарын 27-ны өдрөөс 1983 оны 1-р сарын 1-ний өдрийг хүртэл хугацаанд тус тус барилгачнаар ажиллаж байсан байдлаа тогтоолгох гэсэн хүсэлт гаргагч М.Энхтайваны хүсэлтийг хангаж шийдвэрлэх нь зүйтэй байна. 

 

          Хүсэлт гаргагч М.Энхтайванын хүсэлтийг хангаж шийдвэрлэж байгаа учир түүний улсын тэмдэгтийн хураамжид төлсөн 70 200 төгрөгийг орон нутгийн орлогод үлдээх нь зүйтэй байна.

 

Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.1-д заасныг удирдлага болгон

 

ТОГТООХ нь:

 

          1.  Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д зааснаар Эрдэнэ овогт Мижидийн Энхтайванг Архангай аймгийн Нэгдэл дундын үйлдвэрт 1974 оны 1-р сарын 1-ний өдрөөс 1975 оны 5-р сарын 20-ны өдрийг хүртэл, 1978 оны 5-р сарын 27-ны өдрөөс 1983 оны 1-р сарын 1-ний өдрийг хүртэл хугацаанд барилгачнаар ажиллаж байсан байдлыг тогтоосугай.          

          2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1,  Улсын тэмдэгтийн хураамжийн тухай хуулийн 7.1.2-т зааснаар хүсэлт гаргагч М.Энхтайваны улсын тэмдэгтийн хураамжид төлсөн 70200 төгрөгийг орон нутгийн орлогод хэвээр үлдээсүгэй.

          3.  Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-т зааснаар шийдвэр танилцуулан сонсгомогц хүчинтэй болох бөгөөд зохигч, тэдгээрийн төлөөлөгч буюу өмгөөлөгч шийдвэрийг эс зөвшөөрвөл гардан авсан өдрөөс хойш 14 хоногийн дотор шийдвэр гаргасан шүүхээр дамжуулан Архангай аймгийн эрүү, иргэний давж заалдах шатны шүүхэд давж заалдах гомдол гаргах эрхтэйг дурдсугай.

 

 

 

 

 

ДАРГАЛАГЧ ШҮҮГЧ                                        Ч.ЖАРГАЛАН