МОНГОЛ УЛСЫН НЭРИЙН ӨМНӨӨС

 

 

Хэргийн индекс: 135/2016/01085/и

 

Дархан-Уул аймаг дахь Сум дундын Иргэний хэргийн анхан шатны шүүхийн шүүх хуралдааныг шүүгч М.Оюунцэцэг  даргалж, тус шүүхийн танхимд хийсэн шүүх хуралдаанаар

 

            Хүсэлт гаргагч: Улаанбаатар хот, Баянзүрх дүүрэг, ******-р хороо, сургуулийн***** хэсэг, ***** тоотод оршин суух ******* овогт *******ын ******* /РД: *******/-ийн хүсэлттэй

 

     “Улсад ажиллаж байсан байдал тогтоолгох” тухай иргэний хэргийг хянан хэлэлцэв.

 

            Шүүх хуралдаанд: Хүсэлт гаргагч Б.*******, шүүх хуралдааны нарийн бичгийн дарга П.Золбаяр нар оролцов.

ТОДОРХОЙЛОХ нь:

 

            Хүсэлт гаргагч Б.******* шүүхэд гаргасан хүсэлт болон шүүх хуралдаанд гаргасан тайлбартаа: “Миний бие******* *******ын соёлын ордонд 1981 оны 07 дугаар сарын 15-ны өдрөөс 1994 оны 10 дугаар сарын 01-ний өдөр хүртэлх хугацаанд номын санчаар ажиллаж байсан. Ажлаас чөлөөлөгдсөн тушаал олдохгүй байгаа тул миний ажилласан байдлыг тогтоож өгнө үү” гэв.

 

Шүүх хуралдаанаар хүсэлт гаргагчийн тайлбар болон хавтаст хэрэгт авагдсан бусад бичгийн нотлох баримтуудыг шинжлэн судлаад

ҮНДЭСЛЭХ нь:

 

            Хүсэлт гаргагч Б.******* нь улсад ажиллаж байсан байдлаа тогтоолгохоор шүүхэд хүсэлт гаргажээ.

 

            Б.******* нь******* *******ын уурхайчдын ******* ордонд 1981 оны 07 дугаар сарын 15-ны өдрөөс 1994 оны 10 дугаар сарын 01-ний өдөр хүртэлх хугацаанд номын санчаар ажиллаж байсан болох нь 1981 оны 06 сарын 25-ны өдөр нээсэн хөдөлмөрийн дэвтэрийн нотариатчаар гэрчлүүлсэн хуулбар, хамт олонтойгоо авахуулсан гэрэл зургийн хуулбар, гэрч *******ийн “... Б.******* нь 1981-1994 он хүртэл тус байгууллагад ажиллаж байсан. Бид хамт нэг сургууль төгсөж, нэг байгууллагад хуваарилагдаж, 13 жил хамт ажилласан ...” гэсэн мэдүүлэг болон хүсэлт гаргагчийн тайлбар зэргээр тогтоогдож байна.

           

Иймд Б.*******гийн ажиллаж байсан байдал тогтоолгох тухай хүсэлтийг хангаж шийдвэрлэх үндэслэлтэй байна гэж үзлээ.  

 

            Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118, 133 дугаар зүйлийн 133.1.1-д заасныг удирдлага болгон ТОГТООХ нь:

 

            1. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д заасныг баримтлан ******* овогт *******ын ******* /РД: *******/-ийн******* *******ын уурхайчдын ******* ордонд 1981 оны 07 дугаар сарын 15-ны өдрөөс 1994 оны 10 дугаар сарын 01-ний өдөр хүртэлх хугацаанд номын санчаар ажиллаж байсан болохыг тогтоосугай.

 

2. Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-Д зааснаар нэхэмжлэгчээс улсын тэмдэгтийн хураамжид төлсөн 70.200 төгрөгийг Төрийн сангийн дансанд хэвээр үлдээсүгэй.

 

            3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар энэ шийдвэр танилцуулан сонсгомогц хүчинтэй болох бөгөөд мөн хуулийн 120 дугаар зүйлийн 120.2-т зааснаар зохигч, тэдгээрийн төлөөлөгч буюу өмгөөлөгч шийдвэрийг эс зөвшөөрвөл гардан авснаас хойш 14 хоногийн дотор Дархан-Уул аймгийн Иргэний хэргийн давж заалдах шатны шүүхэд давж заалдах гомдол  гаргах эрхтэйг дурдсугай.

 

 

 

 

 

                                  ДАРГАЛАГЧ ШҮҮГЧ                                 М.ОЮУНЦЭЦЭГ