МОНГОЛ УЛСЫН НЭРИЙН ӨМНӨӨС

Хэргийн индекс 135/2016/01565/И

Дархан-Уул аймаг дахь сум дундын Иргэний хэргийн анхан шатны шүүхийн шүүх хуралдааныг шүүгч Д.Алтантуяа даргалж, тус шүүхийн танхимд хийсэн шүүх хуралдаанаар,

Хүсэлт гаргагч: Шүүхийн Шийдвэр гүйцэтгэх Ерөнхий газрын харьяа Дархан-Уул аймаг дахь Шийдвэр гүйцэтгэх албаны хүсэлттэй

*******ыг эрэн сурвалжлуулахыг хүссэн хүсэлтийг хянан хэлэлцэв.

Шүүх хуралдаанд: хүсэлт гаргагчийн итгэмжлэгдсэн төлөөлөгч *******, шүүх хуралдааны нарийн бичгийн дарга Э.Шүрэнчимэг нар оролцов.

ТОДОРХОЙЛОХ нь:

Хүсэлт гаргагч Дархан-Уул аймаг дахь Шийдвэр гүйцэтгэх алба болон хүсэлт гаргагчийн итгэмжлэгдсэн төлөөлөгч ******* шүүхэд болон шүүх хуралдаанд гаргасан тайлбартаа:

******* нь Дархан-Уул аймаг дахь Сум дундын Эрүүгийн хэргийн анхан шатны шүүхийн 2016 оны 09 дүгээр сарын 05-ны өдрийн 179 дүгээр шийтгэх тогтоолоор Эрүүгийн хуулийн тусгай ангийн 145 дугаар зүйлийн 145.1-т зааснаар 260 цаг албадан ажил хийлгэх ялаар шийтгүүлсэн бөгөөд албадан ажил хийлгэх ялаас санаатай зайлсхийсэн. Мөн Дархан сумын 4 дүгээр баг, 10-17 тоотод оршин суух хаягийн бүртгэлтэй боловч энэ хаяг дээр амьдардаггүй болох нь тогтоогдсон. Одоогоор хаана оршин сууж байгаа нь тодорхойгүй байгаа тул *******ыг эрэн сурвалжилж, оршин суугаа хаягийг нь тогтоож өгнө үү гэв.

Шүүх хуралдаанаар хүсэлт гаргагчийн хүсэлт болон хавтаст хэрэгт авагдсан бусад бичгийн нотлох баримтуудыг шинжлэн судлаад                                  

ҮНДЭСЛЭХ нь:

Хүсэлт гаргагч Дархан-Уул аймаг дахь Шийдвэр гүйцэтгэх алба нь *******ыг эрэн сурвалжлуулах тухай хүсэлтийг шүүхэд гаргажээ.

******* нь Дархан-Уул аймаг дахь сум дундын Эрүүгийн хэргийн анхан шатны шүүхийн 2016 оны 09 дүгээр сарын 05-ны өдрийн 179 дүгээр шийтгэх тогтоолоор Эрүүгийн хуулийн тусгай ангийн 145 дугаар зүйлийн 145.1-т зааснаар 260 цагийн албадан ажил хийлгэх ялаар шийтгүүлж, Шийтгэх тогтоол 2016 оны 10 дугаар сарын 09-ний өдөр хүчин төгөлдөр болсон байна.

Дархан-Уул аймаг дахь сум дундын Эрүүгийн хэргийн анхан шатны шүүхийн 2016 оны 10 дугаар сарын 10-ны өдрийн 179 дүгээр гүйцэтгэх хуудсаар ногдуулсан ялыг эдлүүлэх гэтэл ******* нь Дархан-Уул аймаг, Дархан сумын 4 дүгээр баг, 10-17 тоотод оршин суух хаягтаа оршин суудаггүй болох нь хүсэлт гаргагчийн тайлбар болон хэрэгт авагдсан бичгийн нотлох баримтуудаар тогтоогдож байх тул *******ыг эрэн сурвалжилж, оршин суугаа газрыг тогтоох нь зүйтэй.

Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118, 133 дугаар зүйлийн 133.1.9-д заасныг удирдлага болгон ТОГТООХ НЬ:

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3, 155.4-т зааснаар регистрийн дугаар *******, ******* овогт *******ын Отгонбаярыг эрэн сурвалжилж, оршин суугаа газрыг тогтоох ажиллагааг гүйцэтгэхийг Дархан-Уул аймгийн Цагдаагийн газарт даалгасугай.

2. Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар хүсэлт гаргагч Дархан-Уул аймаг дахь Шийдвэр гүйцэтгэх алба нь улсын тэмдэгтийн хураамж төлөхөөс чөлөөлөгдсөн болохыг дурдсугай.

3. *******ын Отгонбаярыг хаана байгаа газрыг тодруулсны эцэст хүсэлт гаргагч Дархан-Уул аймаг дахь Шийдвэр гүйцэтгэх албанд мэдэгдэхийг Дархан-Уул аймгийн Цагдаагийн газарт даалгасугай.

4. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар энэ шийдвэрийг танилцуулан сонсгомогц хүчинтэй болох бөгөөд мөн хуулийн 120 дугаар зүйлийн 120.2-т зааснаар зохигч, тэдгээрийн төлөөлөгч буюу өмгөөлөгч шийдвэрийг эс зөвшөөрвөл гардан авсан өдрөөс хойш 14 хоногийн дотор Дархан-Уул аймгийн Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

 

 

 

                         ДАРГАЛАГЧ ШҮҮГЧ                            Д.АЛТАНТУЯА