Хариуцагчийн зөвшөөрлийг баталж,

      хэргийг хэрэгсэхгүй болгох тухай

Хэргийниндекс 135/2016/00915/и

Дархан-Уул аймаг дахь Сум дундын Иргэний хэргийн анхан шатны шүүхийн шүүгч М.Оюунцэцэг би,

Нэхэмжлэгч: ****** аймаг, ****** сум, ****** багт байрлах Хас банкны ****** салбарын нэхэмжлэлтэй,

Хариуцагч: ****** аймгийн ****** сум, ****** баг, Ханжаргалангийн *** тоотод оршин суух *******ын ******* /РД: *******/, *******гийн ******* /РД: *******/ нарт холбогдох,

 “6,276,737 төгрөг гаргуулах” тухай иргэний хэргийг хянаад, ТОДОРХОЙЛОХ нь:

Хариуцагч Г.*******, Ш.******* нар нь шүүхэд гаргасан тайлбартаа:“... Хас банкнаас зээл авсан нь үнэн, нэхэмжлэлийн шаардлага 6,276,737 төгрөгийг төлж барагдуулна” гэжээ.

ҮНДЭСЛЭХ нь:

Нэхэмжлэгч Хас банкны Дархан салбар нь хариуцагч Г.*******, Ш.******* нарт холбогдуулан нийт 6,276,737 төгрөг гаргуулах тухай нэхэмжлэл гаргажээ.

Хэрэг хянан шийдвэрлэх ажиллагааны явцад хариуцагч Г.*******, Ш.******* нар нь нэхэмжлэлийн шаардлагыг бүхэлд нь хүлээн зөвшөөрсөн тайлбарыг шүүхэд ирүүлжээ.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д заасны дагуу хариуцагч нэхэмжлэлийн шаардлагыг хүлээн зөвшөөрснийг баталж, хэргийг хялбаршуулсан журмаар шийдвэрлэх нь зүйтэй гэж үзлээ.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар Хас банкны Дархан салбарын нэхэмжлэлтэй, Г.*******, Ш.******* нарт холбогдох 6,276,737 төгрөг гаргуулах тухай иргэний хэрэгт хариуцагч нарын зөвшөөрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс улсын тэмдэгтийн хураамжид төлсөн 115,378 төгрөгийг Төрийн сангийн орлогод хэвээр үлдээж, тал хувь болох 57,689 төгрөгийг Төрийн сангийн данснаас, тал хувь болох 57,689 төгрөгийг хариуцагч Г.*******, Ш.******* нараас тус тус гаргуулж, нэхэмжлэгч Хас банкны Дархан салбарт олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ                                    М.ОЮУНЦЭЦЭГ