Зохигчдын эвлэрлийг баталж,

хэргийг хэрэгсэхгүй болгох тухай

 

 

Хэргийн индекс: 135/2016/01451/И

 

*******-Уул аймаг дахь сум дундын Иргэний хэргийн анхан шатны шүүхийн шүүх хуралдааныг шүүгч Д.Алтантуяа даргалж, тус шүүхийн хурлын танхимд хийсэн шүүх хуралдаанаар

 

Нэхэмжлэгч: *******-Уул аймаг, ******* сумын 14 дүгээр баг, *** дүгээр хороолол, ГД-*** тоотод оршин суух, регистрийн дугаар *******, ******* овогт *******ын *******

 

Хариуцагч: *******-Уул аймаг, ******* сумын ***дугаар багт байрлах *******-******* ******* ХК-д холбогдох

 

2016 оны 08 дугаар сарын 09-ний өдрийн 182 тоот тушаалыг хүчингүй болгуулах, ажилд эгүүлэн тогтоолгох, ажилгүй байсан хугацааны цалин гаргуулах, нийгмийн даатгал болон эрүүл мэндийн даатгалын дэвтэрт нөхөн бичилт хийлгүүлэхийг хүссэн нэхэмжлэлийг хүлээн авч 2016 оны 09 дүгээр сарын 19-ний өдөр иргэний хэрэг үүсгэн хянан хэлэлцэв.

 

Шүүх хуралдаанд: нэхэмжлэгчийн итгэмжлэгдсэн төлөөлөгч Д.Гантулга, хариуцагчийн итгэмжлэгдсэн төлөөлөгч *******, шүүх хуралдааны нарийн бичгийн дарга Э.Шүрэнчимэг нар оролцов.

ТОДОРХОЙЛОХ нь:

 

Нэхэмжлэгч Ч.******* шүүхэд гаргасан нэхэмжлэлдээ:

******* овогтой ******* миний бие 2015 оны 02 дугаар сарын 04-ний өдөр *******-Уул аймгийн ******* ******* ХК-д эрүүл ахуйн эмчээр *******-******* ******* ХК-ийн захирлын 2015 оны 02 дугаар сарын 04-ний өдөр дугаар 25 тоот тушаалаар анх тус ажилд орсон юм. Миний бие байгууллагатай байгуулсан хөдөлмөрийн гэрээ ажлын байрны тодорхойлолтод заасан ажил үүргээ хариуцлагатай гүйцэтгэж эхэлсэн. Байгууллагын эрүүл ахуйч эмч нь байгууллагын ажилчдын эрүүл мэнд, цайны газрын эрүүл ахуй, цэвэр усны байгууламжийн ажлын байрны эрүүл ахуй зэрэг эрүүл мэнд бүхий бүх асуудлыг хариуцан ажилладаг байсан. *******-Уул аймгийн МАН гишүүн сумын намын хорооны дарга П.Арвиндалай томилогдон олон ажилчдыг ажлаас нь халсан юм. Үүний халагдсан ажилчдын нэг нь би юм. Ажлаас халсан үндэслэлээ Хөдөлмөрийн тухай хуулийн 37 дугаар зүйлийн 37.1.1, 40 дүгээр зүйлийн 40.1.1, 42 дугаар зүйлийн 42.1, Хөдөлмөрийн дотоод журмын 8 дугаар зүйлийн 8.1-д заасан заалтыг үндэс болгон намайг ажлаас халжээ. Гэтэл ажил олгогчийн зүгээс надтай тохиролцсон зүйл байхгүй, мөн дээрх хуулийн заалтыг зөрчөөгүй миний бие шууд ажлаас халагдах зөрчил гаргаагүй юм.

Иймд *******-******* ******* ХК-ийн захирлын 2016 оны 08 дугаар сарын 09-ний өдрийн 182 дугаар тушаалыг хүчингүй болгуулах, Ч.******* намайг *******-******* ******* ХК эрүүл ахуйч эмчийн ажилд эгүүлэн томилуулах, ажилгүй байсан хугацааны цалин, нийгмийн даатгал, эрүүл

                                                                                                                                                                                                               Desktop/ajil/106.5/ewlersen/Soyolmaa/doc/

     мэндийн даатгал нөхөн төлүүлэх шаардлага гаргаж байна гэжээ.

Нэхэмжлэгчийн итгэмжлэгдсэн төлөөлөгч, хариуцагчийн итгэмжлэгдсэн төлөөлөгч нар шүүх хуралдаанд байгуулсан эвлэрлийн гэрээндээ:

Хариуцагч ******* ******* ХК нь нэхэмжлэгч Ч.*******д 1 сарын цалинг бүрэн 570.000 төгрөгөөр олгож эвлэрэн хэлэлцэв. Нэмэлт нөхцөл: Ч.******* нь 2016 оны 05 дугаар сараас хойш нийгмийн даатгалын бичилт хийлгээгүй байгаа, *******-Суваг ХК нь даатгалын дэвтрийн бичилт хийлгэж өгөхөөр тохиролцов гэжээ.

ҮНДЭСЛЭХ нь:

 

Ч.*******гийн нэхэмжлэлтэй, хариуцагч *******-******* ******* ХК-д холбогдох 2016 оны 08 дугаар сарын 09-ний өдрийн 182 тоот тушаалыг хүчингүй болгуулах, ажилд эгүүлэн тогтоолгох, ажилгүй байсан хугацааны цалин гаргуулах, нийгмийн даатгал болон эрүүл мэндийн даатгалын дэвтэрт нөхөн бичилт хийлгүүлэх тухай иргэний хэргийг шүүх хуралдаанаар хянан хэлэлцэх явцад зохигчид “...нэхэмжлэгч Ч.*******д 1 сарын цалинг бүрэн 570.000 төгрөгөөр олгож эвлэрэн хэлэлцэв. Нэмэлт нөхцөл: Ч.******* нь 2016 оны 05 дугаар сараас хойш нийгмийн даатгалын бичилт хийлгээгүй байгаа, *******-Суваг ХК нь даатгалын дэвтрийн бичилт хийлгэж өгөхөөр тохиролцов...” гэх эвлэрлийн гэрээ байгуулсан бөгөөд энэхүү эвлэрлийн гэрээ нь Иргэний хуульд нийцсэн, гуравдагч этгээдийн эрх ашгийг хөндөөгүй байх тул зохигчдийн эвлэрлийг баталж, хэргийг хэрэгсэхгүй болгох нь зүйтэй байна.

 

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5-д  зааснаар Ч.*******гийн нэхэмжлэлтэй, хариуцагч *******-******* ******* ХК-д холбогдох иргэний хэрэгт зохигчдын эвлэрлийг баталж хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6, Улсын тэмдэгтийн хураамжийн тухай хуулийн 41 дүгээр зүйлийн 41.1.5-д зааснаар нэхэмжлэгч Ч.******* нь улсын тэмдэгтийн хураамж төлөхөөс чөлөөлөгдсөн болохыг дурдаж, хариуцагч *******-******* ******* ХК-иас нь улсын тэмдэгтийн хураамжид 17.750 төгрөг гаргуулж төрийн сангийн орлогод оруулсугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргахгүй болохыг дурдсугай.

 

 

 

 

 

ДАРГАЛАГЧ ШҮҮГЧ                                             Д.АЛТАНТУЯА