Хариуцагч нарын зөвшөөрлийг баталж,

хэргийг хэрэгсэхгүй болгох тухай

 

 

Хэргийн индекс: 135/2016/01355/И

 

Дархан-Уул аймаг дахь сум дундын Иргэний хэргийн анхан шатны шүүхийн шүүх хуралдааныг шүүгч Д.Алтантуяа даргалж, тус шүүхийн хурлын танхимд хийсэн шүүх хуралдаанаар

 

Нэхэмжлэгч: Дархан-Уул аймаг, Дархан сумын *** дугаар баг, *** дугаар хороололд байрлах ******* ******* банкны нэхэмжлэлтэй,

Хариуцагч: Дархан-Уул аймаг, Дархан сумын *** дугаар баг, Улиастай *** дүгээр гудамж *** тоотод оршин суух, регистрийн дугаар *******, утас: 9950-0968, ******* овогт *******ын *******,

Хариуцагч: Дархан-Уул аймаг, Дархан сумын *** дугаар баг, Улиастай *** дүгээр гудамж *** тоотод оршин суух, регистрийн дугаар *******, ******* овогт гийн нарт холбогдох

8.255.564 төгрөг гаргуулах, үүргийн гүйцэтгэлийг барьцаа хөрөнгөөр хангуулахыг хүссэн нэхэмжлэлийг хүлээн авч 2016 оны 09 дүгээр сарын 05-ны өдөр иргэний хэрэг үүсгэн хянан хэлэлцэв.

 

Шүүх хуралдаанд: нэхэмжлэгчийн итгэмжлэгдсэн төлөөлөгч Б.Гэрэлтуяа, хариуцагч Г.*******, Б., шүүх хуралдааны нарийн бичгийн дарга Г.Дашдаваа нар оролцов.

ТОДОРХОЙЛОХ нь:

 

Нэхэмжлэгч ******* ******* банкны Дархан салбар нь шүүхэд гаргасан нэхэмжлэлдээ:

Иргэн ******* овогтой ******* болон овогтой нар нь 2014 оны 08 дугаар сарын 26-ны өдөр тус банктай 2014/ тоот Зээлийн болон Барьцааны, Батлан даалтын гэрээ байгуулан 10.000.000 /арван сая/ төгрөгийн зээлийг сарын 1.6 хувийн хүүтэй, 36 сарын хугацаатайгаар зээлж авсан. Зээлдэгч нар нь зээлийн гэрээгээр хүлээсэн үүргээ биелүүлээгүйгээс 2016 оны 08 дугаар сарын 26-ны өдрийн байдлаар дараах зээл, хүү, нэмэгдүүлсэн хүү, нэмэгдүүлсэн хүүгийн үлдэгдэлтэй байна. Үүнд үндсэн зээлийн үлдэгдэл 6.932.784.56 /зургаан сая есөн зуун гучин хоёр мянга долоон зуун наян дөрвөн төгрөг тавин зургаан мөнгө/, үндсэн хүүгийн үлдэгдэл 1.287.135.44 /нэг сая хоёр зуун наян долоон мянга нэг зуун гучин таван төгрөг дөчин дөрвөн мөнгө/, нэмэгдүүлсэн хүү 35.644.92 /гучин таван мянга зургаан зуун дөчин дөрвөн төгрөг ерэн хоёр төгрөг/, нийт 8.255.564.92 /найман сая хоёр зуун тавин таван мянга таван зуун жаран дөрвөн төгрөг ерэн хоёр мөнгө/ төгрөгийн үлдэгдэлтэй байна. Зээлдэгч нарыг зээлийн гэрээгээр хүлээсэн үүргээ биелүүлэхийг удаа дараа шаардаж байсан боловч биелүүлээгүйгээс банк дараах нэхэмжлэлийн шаардлагыг гаргаж байна. Хариуцагч нар нь нэхэмжлэлийг шаардлагыг сайн дураар биелүүлээгүй тохиолдолд түүний хөрөнгөөс гаргуулах талаар тусгайлан зааж өгнө үү гэжээ.

Хариуцагч Г.*******, Б. нар нь шүүх хуралдаанд гаргасан тайлбартаа:

******* ******* банкны нэхэмжилсэн 8.255.564 төгрөгийг төлөхийг хүлээн зөвшөөрч байна. Миний бие ******* овогтой ******* нь Дархан-Төмөрлөгийн үйлдвэрт ажиллаж байхдаа ХХБ-аас 10.000.000 төгрөгийн зээл авсан. Удаагүй Дархан-Төмөрлөгийн үйлдвэр түр зогсолт хийснээр зээлээ төлөх боломжгүй болсон. Одоогоор хувийн барилгын компанид туслах ажил эрхэлж байгаа тул 8.255.564.92 төгрөгийн зээлийн үлдэгдэлээ сар бүр тогтмол 250.000 төгрөг төлж 33 сарын дараа бүрэн төлж барагдуулна. 2016 оны 10 дугаар сарын 20-ны өдөр 255.564.92 төгрөг төлөөд 2016 оны 11 дүгээр сарын 20-ны өдрөөс 2019 оны 06 дугаар сарын 20-ны өдрийг хүртэл сар бүр 250.000 төгрөг төлөх хүсэлтэй байна гэжээ.

 

ҮНДЭСЛЭХ нь:

 

******* ******* банкны Дархан салбарын нэхэмжлэлтэй, хариуцагч Г.*******, Б. нарт холбогдох 8.255.564.92 төгрөг гаргуулах, үүргийн гүйцэтгэлийг барьцаа хөрөнгөөр хангуулах тухай иргэний хэргийг шүүх хуралдаанаар хянан хэлэлцэх явцад хариуцагч нар нь 8.255.564.92 төгрөгийг график байгуулж, сар бүр 250.000 төгрөгөөр төлж барагдуулна гэж зөвшөөрсөн нь Иргэний хуульд нийцсэн, гуравдагч этгээдийн эрх ашгийг хөндөөгүй байх тул хариуцагч нарын зөвшөөрлийг баталж, хэргийг хэрэгсэхгүй болгох нь зүйтэй.

 

Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1-д заасныг удирдлага болгон ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.5-д  зааснаар ******* ******* банкны Дархан салбарын нэхэмжлэлтэй, хариуцагч Г.*******, Б. нарт холбогдох 8.255.564.92 төгрөг гаргуулах, үүргийн гүйцэтгэлийг барьцаа хөрөнгөөр хангуулахыг хүссэн нэхэмжлэлийн шаардлага бүхий иргэний хэрэгт хариуцагч нарын “...график байгуулж төлөх саналтай байна, 8.255.564.92 төгрөгийг төлөхийг хүлээн зөвшөөрч байна...” гэх зөвшөөрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.6-д зааснаар нэхэмжлэгчийн улсын тэмдэгтийн хураамжид төлсөн 147.039 төгрөгийг төрийн сангийн орлогод хэвээр үлдээж, хариуцагч Г.*******, Б. нараас улсын тэмдэгтийн хураамжид 147.039 төгрөг гаргуулж нэхэмжлэгч ******* ******* банкны Дархан салбарт олгосугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны шүүхэд дахин нэхэмжлэл гаргахгүйг дурдсугай.

 

 

 

 

 

ДАРГАЛАГЧ ШҮҮГЧ                                             Д.АЛТАНТУЯА