Хэргийн индекс 135/2016/01214/и

 

Дархан-Уул аймаг дахь Сум дундын Иргэний хэргийн анхан шатны шүүхийн шүүгч З.Тунгалагмаа би

Нэхэмжлэгч: Дархан-Уул аймаг, Дархан сум, *** дугаар баг, *** дугаар хороолол, *** дугаар байр, *** тоотод оршин суух, ******* овогт *******ын ******* /регистрийн дугаар *******, утас *******/-ын нэхэмжлэлтэй,

 Хариуцагч: Дархан-Уул аймаг, Дархан сум, Мангирт *** дугаар хэсэг, *** дүгээр гудамж, *** тоотод оршин суух, ******* овогт *******гийн ******* /регистрийн дугаар *******, утас *******/-д холбогдох,

 

  “2,000,000 төгрөг гаргуулах тухай” нэхэмжлэлийг хүлээн авч иргэний хэргийг үүсгэн

 

 ТОДОРХОЙЛОХ нь:

 

Зохигчид шүүхэд ирүүлсэн эвлэрлийн гэрээндээ:

“...Тус шүүхэд хянан хэлцэгдэж байгаа З.Билэгбаатарын нэхэмжлэлтэй, Д.*******д холбогдох 2,000,000 төгрөг гаргуулах тухай иргэний хэрэгт нэхэмжлэгч З.Зоригтбаатар миний бие нэхэмжлэлийн шаардлага болох 2,000,000 төгрөгийн 500,000 төгрөгөөс татгалзаж, үлдэх 15,000,000 төгрөгийг 2016 оны 09 дүгээр сарын 30-ны дотор, 2016 оны 10 дугаар сарын 30-ны дотор, 2016 оны 11 дүгээр сарын 30-ны дотор төлөхөөр харилцан тохиролцож эвлэрлийн гэрээ байгуулав.“ гэжээ.

 

ҮНДЭСЛЭХ нь:

   Нэхэмжлэгч З.******* нь хариуцагч Д.*******д холбогдуулан 2,000,000 төгрөг гаргуулах тухай нэхэмжлэлийн шаардлага гаргажээ.

Хэрэг хянан шийдвэрлэх ажиллагааны явцад зохигчид эвлэрэн хэлэлцэж, эвлэрлийн гэрээндээ нэхэмжлэгч З.******* нь нэхэмжлэлийн шаардлага болох 2,000,000 төгрөгийн 500,000 төгрөгөөс татгалзаж, үлдэх 1,500,000 төгрөгийг хариуцагч Д.******* нь 2016 оны 09 дүгээр сарын 30-ны дотор 500,000 төгрөг, 2016 оны 10 дугаар сарын 30-ны дотор 500,000 төгрөг, 2016 оны 11 дүгээр сарын 30-ны дотор 500,000 төгрөгийг тус тус төлөхөөр харилцан тохиролцож эвлэрлийн гэрээ байгуулласан нь иргэний хуульд нийцсэн гуравдагч этгээдийн хуулиар хамгаалагдсан эрх ашиг сонирхолыг хөндөөгүй байх тул зохигчдын эвлэрлийг баталж, хэргийг хэрэгсэхгүй болгох нь зүйтэй байна.

  

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь :

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар З.*******ын нэхэмжлэлтэй, Д.*******д холбогдох 2,000,000 төгрөг гаргуулах тухай иргэний хэрэгт зохигчдын эвлэрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчээс 2016 оны 08 дугаар сарын 22-ны өдөр төрийн сангийн 190000941 тоот дансанд тушаасан улсын тэмдэгтийн хураамж 46,950 төгрөгийг төрийн сангийн орлогод хэвээр үлдээж, зохигчдын эвлэрсэн үнийн дүнд зохих улсын тэмдэгтийн хураамжийн 50 хувь болох 19,475 төгрөгийг хариуцагч Д.*******гаас гаргуулж, улсын тэмдэгтийн хураамжийн 50 хувь болох 19,475 төгрөгийг төрийн сангийн орлогоос гаргуулан нэхэмжлэгчид олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны  шүүхэд дахин нэхэмжлэл гаргах эрхгүй болохыг дурьдсугай.

 

 

 

 

 

 

ШҮҮГЧ                                         З.ТУНГАЛАГМАА