2016 оны 11 сарын 02 өдөр	Дугаар 142/ШШ2016/01320	Орхон аймаг

МОНГОЛ УЛСЫН НЭРИЙН ӨМНӨӨС

 

            Орхон  аймаг дахь Сум дундын иргэний хэргийн анхан шатны шүүхийн шүүгч Л.Ариунцэцэг даргалан тус шүүхийн танхимд хийсэн шүүх хуралдаанаар,

            Нэхэмжлэгч: Орхон аймаг Баян-Өндөр сум Уурхайчин баг 3-2-91 тоотод оршин суух Гэрэл овогт Очирдагвын Баттөгс /НЮ:85111077/

            Хариуцагч: Орхон аймаг Баян-Өндөр сум Уурхайчин баг 3-16-31 тоотод оршин суух Боржигон овогт Дүгэрсүрэнгийн Хүрэлбаатар /ФМ:66040977/

            1 000 000 төгрөг гаргуулах тухай нэхэмжлэлийг 2016 оны 09 дүгээр сарын 26-ны өдөр хүлээн авч хянан хэлэлцэв.           

             Шүүх хуралдаанд: нэхэмжлэгч О.Баттөгс, хариуцагч Д.Хүрэлбаатар, шүүх хуралдааны нарийн бичгийн дарга Т.Баялаг нар оролцов.

  ТОДОРХОЙЛОХ нь:

 

Нэхэмжлэгч О.Баттөгс шүүхэд гаргасан нэхэмжлэлдээ болон шүүх хуралдаанд тайлбарлахдаа: Баттөгс миний бие 2015 оны 10 дугаар сард өөрийн хоёр үхрээ 1 000 000 төгрөгөөр үнэлж Хүрэлбаатарт зарсан бөгөөд тухайн үед 11 дүгээр сарын 20-нд цалин буухаар өгнө гэж хэлсэн боловч өдийг хүртэл огт өгсөнгүй. Мөнгөний хэрэг болоод нэхэхэд банкнаас зээл хөөцөлдөж байна, удахгүй гээд удаа дараа худлаа ярьсан учир миний гомдолыг барагдуулж өгч тусална уу. Иймд уг 1 000 000 төгрөг болон улсын тэмдэгтийн хураамжийн 30 000 төгрөгийг яаралтай гаргуулж өгнө үү гэв.

 

Хариуцагч Б.Хүрэлбаатар шүүх хуралдаанд тайлбарлахдаа: Үхэр авсан нь үнэн. 1 000 000 төгрөгийг өгөх нь үнэн гэв.

Шүүх зохигчдын тайлбар болон хэрэгт цугларсан нотлох баримтыг шинжлэн судлаад

 

ҮНДЭСЛЭХ нь:

           

Нэхэмжлэгч О.Баттөгс нь хариуцагч Д.Хүрэлбаатарт холбогдуулан 1 000 000 төгрөг, улсын тэмдэгтийн хураамжийн хамт гаргуулах тухай нэхэмжлэлийн шаардлагыг шүүхэд гаргасан. Хариуцагч нэхэмжлэлийн шаардлагыг бүхэлд нь хүлээн зөвшөөрч байна.

            Шүүх нэхэмжлэлийн шаардлагыг хангаж шийдвэрлэв.

            Нэхэмжлэгч нэхэмжлэлийн шаардлагын үндэслэлээ: 2015 оны 10 дугаар сард 2 үхрээ 1 000 000 төгрөгөөр үнэлэн Д.Хүрэлбаатарт өгсөн. Мөнгийг өгнө гээд өдий хүрсэн тул нэхэмжлэлийн шаардлага гаргасан гэж тайлбарлаж байна.

            Хариуцагч Д.Хүрэлбаатар нэхэмжлэлийн шаардлагыг бүхэлд нь хүлээн зөвшөөрч байна.

            Иргэний хуулийн 243 дугаар зүйлийн 243.1-д худалдах худалдан авах гэрээгээр худалдагч нь биет байдлын доголдолгүй, эрхийн зөрчилгүй эд хөрөнгө... худалдан авагчийн өмчлөлд шилжүүлэх, худалдан авагч нь худалдагчид хэлэлцэн тохирсон үнийг төлж, худалдан авсан эд хөрөнгөө авах үүргийг тус тус хүлээнэ гэж заасан байх тул нэхэмжлэгч О.Баттөгс шаардах эрхтэй байна.

            Хариуцагч Д.Хүрэлбаатар нь үхэр худалдан авсан үнийн дүнд маргаагүй, 1 000 000 төгрөгийг хариуцан төлнө гэж нэхэмжлэлийн шаардлагыг хүлээн зөвшөөрч байх тул хариуцагч Д.Хүрэлбаатараас 1 000 000 төгрөг гаргуулан нэхэмжлэгчид олгох нь зүйтэй.

            Улсын тэмдэгтийн хураамжийг хуульд заасны дагуу нэхэмжлэгчийн урьдчилан төлсөн 29 270 төгрөгийг төрийн сангийн орлогод хэвээр үлдээж, хариуцагчаас 28 550 төгрөг гаргуулан нэхэмжлэгчид олгож, илүү төлсөн 720 төгрөгийг төрийн сангийн орлогоос буцаан гаргуулах нь зүйтэй.

  

            Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар 115.2.1, 116, 118 дугаар зүйлд заасныг удирдлага болгон ТОГТООХ нь:

           

1. Иргэний хуулийн 243 дугаар зүйлийн 243.1-д зааснаар хариуцагч Д.Хүрэлбаатараас 1 000 000 төгрөг гаргуулан нэхэмжлэгч О.Баттөгсөд олгосугай.
2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар нэхэмжлэгчийн урьдчилан төлсөн 29 270 төгрөгийг төрийн сангийн орлогод хэвээр үлдээж, хариуцагчаас 28 550 төгрөг, төрийн сангаас илүү төлсөн 720 төгрөгийг тус тус гаргуулан нэхэмжлэгчид олгосугай.
3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн   119.2, 119.7, 120 дугаар зүйлийн 120.2 дахь хэсэгт зааснаар шийдвэр нь танилцуулан сонсгомогц хүчинтэй болох бөгөөд зохигч, гуравдагч этгээд, тэдгээрийн төлөөлөгч буюу өмгөөлөгч энэхүү шийдвэрийг эс зөвшөөрвөл гардаж авснаас хойш 14 хоногийн дотор Орхон аймгийн Иргэний хэргийн Давж заалдах шатны шүүхэд гомдол гаргах эрхтэй, зохигчид хуульд заасан хугацааны дотор шийдвэрийг гардан аваагүй нь гомдол гаргах хугацааг хуульд заасан журмын дагуу тоолоход саад болохгүйг дурдсугай.

 

 

 

  

 

 

 

                      ШҮҮГЧ                                     Л.АРИУНЦЭЦЭГ