Өвөрхангай аймаг дахь сум дундын иргэний хэргийн анхан шатны шүүхийн шүүх хуралдааныг шүүгч Д.Мөнхтуяа даргалж

Хүсэлт гаргагч: Өвөрхангай аймгийн Хайрхандулаан сумын 2 дугаар багт оршин суух, 1967 онд төрсөн, 49 настай, Арш овгийн Чойдоржийн Баттогтохын хүсэлттэй

Ажиллаж байсан байдлаа тогтоолгох-ыг хүссэн тухай иргэний хэргийг хянан хэлэлцэв.

Шүүх хуралдаанд: нарийн бичгийн дарга Б.Бямбасүрэн оролцов.

ТОДОРХОЙЛОХ нь:

Хүсэлт гаргагч Ч.Баттогтох шүүхэд гаргасан хүсэлтэндээ: Миний бие Өвөрхангай аймгийн Хайрхандулаан сумын Шинэ Ялалт нэгдэлд 1983 оны 06 дугаар сарын 01-ний өдрөөс 1987 оны 02 дугаар сарын 28-ны өдөр хүртэл саальчнаар ажилласан. Өндөр насны тэтгэвэр тогтоолгох гэтэл хөдөлмөрийн дэвтрээ үрэгдүүлсэн тул намайг Өвөрхангай аймгийн Хайрхандулаан сумын Шинэ Ялалт нэгдэлд 1983 оны 06 дугаар сарын 01-ний өдрөөс 1987 оны 02 дугаар сарын 28-ны өдөр хүртэл саальчнаар ажиллаж байсныг тогтоож өгнө үү гэжээ.

Шүүх хуралдаанаар хавтаст хэрэгт авагдсан бичгийн нотлох баримтуудыг шинжлэн судлаад

ҮНДЭСЛЭХ нь:

Ч.Баттогтох Ажиллаж байсан байдлаа тогтоолгох-ыг хүссэн хүсэлтийг тус шүүхэд гаргажээ.

Хүсэлт гаргагч Ч.Баттогтох нь Өвөрхангай аймгийн Хайрхандулаан сумын Шинэ Ялалт нэгдэлд 1983 оны 06 дугаар сарын 01-ний өдрөөс 1987 оны 02 дугаар сарын 28-ны өдөр хүртэл саальчнаар ажиллаж байсан болох нь Өвөрхангай аймгийн архивын тасгийн 2016 оны 07 дугаар сарын 06-ны өдрийн 416 тоот архивын лавлагаа, гэрч Ц.Сосорбурам, Л.Дамдинпүрэв нарын мэдүүлэг зэрэг бичгийн нотлох баримтаар нотлогдож байх тул хүсэлтийг хангаж шийдвэрлэх нь зүйтэй байна.

Хүсэлт гаргагч Ч.Баттогтох өөрийн эзгүйд шүүх хуралдаан хийлгэх хүсэлт гаргасан тул Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1-т зааснаар түүнийг оролцуулахгүйгээр хэргийг шийдвэрлэсэн болно.

Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1, 115 дугаар зүйлийн 115.2.1, 116, 118, 135 дугаар зүйлүүдэд заасныг тус тус удирдлага болгон

ТОГТООХ нь:

1. Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-т зааснаарАрш овгийн Чойдоржийн Баттогтохыг Өвөрхангай аймгийн Хайрхандулаан сумын Шинэ Ялалт нэгдэлд 1983 оны 06 дугаар сарын 01-ний өдрөөс 1987 оны 02 дугаар сарын 28-ны өдөр хүртэл саальчнаар ажиллаж байсныг тогтоосугай.

2. Иргэний хэрэг шүүхэд хянан шийдвэрлэх тухай хуулийн 60 дугаар зүйлийн 60.1-д зааснаар хүсэлт гаргагчаас улсын тэмдэгтийн хураамжинд төлсөн 70200 төгрөгийг орон нутгийн орлогод хэвээр үлдээсүгэй.

3. Шийдвэр танилцуулан сонсгомогц хүчинтэй бөгөөд хүсэлт гаргагч шийдвэрийг гардан авснаас хойш 14 хоногийн дотор Өвөрхангай аймаг дахь Эрүү, Иргэний хэргийн давж заалдах шатны шүүхэд давж заалдах гомдол гаргах эрхтэйг дурьдсугай.

ДАРГАЛАГЧ, ШҮҮГЧ Д.МӨНХТУЯА