2020         01         15                                    2020/ШЦТ/45

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                 

                                  МОНГОЛ УЛСЫН НЭРИЙН ӨМНӨӨС

 

Сүхбаатар дүүргийн Эрүүгийн хэргийн анхан шатны шүүхийн шүүгч Л.О даргалж,

шүүх хуралдааны нарийн бичгийн дарга П.Т,

улсын яллагч Г.Г,

хохирогч Н.Б,

            шүүгдэгч Б.А, түүний өмгөөлөгч Д.С нарыг оролцуулан тус шүүхийн шүүх хуралдааны “В” танхимд нээлттэй хийсэн хуралдаанаар,

 

Сүхбаатар дүүргийн Прокурорын газрын хяналтын прокуророос Эрүүгийн хуулийн тусгай ангийн 17.1 дүгээр зүйлийн 1, Эрүүгийн хуулийн ерөнхий ангийн 2.2 дугаар зүйлийн 3-д заасныг журамлан мөн хуулийн тусгай ангийн 17.1 дүгээр зүйлийн 2 дахь хэсгийн 2.1-д заасан гэмт хэрэгт холбогдуулан яллах дүгнэлт үйлдэж ирүүлсэн Б овогт Б-ын А-д холбогдох эрүүгийн 1909015311059 дугаартай хэргийг 2019 оны 12 дугаар сарын 09-ний өдөр хүлээн авч, хянан хэлэлцэв.

Шүүгдэгчийн биеийн байцаалт:

Монгол Улсын иргэн, 1988 оны 10 дугаар сарын 19-ний өдөр Төв аймгийн Эрдэнэсант суманд төрсөн, 32 настай, эрэгтэй, бүрэн бус дунд боловсролтой, мэргэжилгүй, эрхэлсэн ажилгүй, ам бүл 1, ** дүүргийн *** тоотод оршин суух хаягтай, урьд Баянзүрх дүүргийн Эрүүгийн хэргийн анхан шатны шүүхийн 2009 оны 01 дүгээр сарын 27-ны өдрийн 79 дугаартай шийтгэх тогтоолоор 2002 оны Эрүүгийн хуулийн тусгай ангийн 96 дугаар зүйлийн 96.2.2, 96.2.6, 96.2.9 дэх хэсэгт тус тус зааснаар 7 жил 6 сарын хугацаагаар хорих ял шийтгүүлсэн гэх, Б овогт Б-ын А /регистрийн дугаар НФ88101937/,

 

Холбогдсон хэргийн талаар /яллах дүгнэлтэд дурдсанаар/:

Яллагдагч Б.А нь 2019 оны 03 дугаар сарын 31-ний өдрөөс 04 дүгээр сарын 12-ны өдрийн хооронд Сүхбаатар дүүргийн ** дүгээр хороо, ***тоотод байх Ц.О-н эзэмшлийн хүн байнга амьдрах орон байранд хууль бусаар нэвтэрч “Шарф” маркийн 32 инчийн зурагтыг хууль бусаар авч бусдад 239400 төгрөгийн хохирол учруулсан,

2019 оны 07 дугаар сарын 23-ны өдөр *** дүүргийн **** дүгээр хорооны нутаг дэвсгэрт байрлах иргэн Б.Б-н байнга амьдрах монгол гэрийн цоожийг эвдлэн, хууль бусаар нэвтэрч “Самсунг” маркийн 32 инчийн ЛСД зурагтыг хууль бусаар авч 252000 төгрөгийн хохирол учруулсан,

2019 оны 09 дүгээр сарын 02-ны өдөр Сүхбаатар дүүргийн ** дугаар хороо, ** тоотод оршин суух иргэн Б.Б-н эзэмшлийн монгол гэрийн хаалганы цоожийг эвдэн орж “ЛЖ” маркийн 32 инчийн зурагтыг хүч хэрэглэхгүйгээр, нууцаар хууль бусаар авч бусдад 383920 төгрөгийн хохирол учруулсан,

2019 оны 04 дүгээр сарын 16-аас 21-ний өдрийн хороонд Сүхбаатар дүүргийн ** дүгээр хороо, *** зусланд байрлах М.Б-н эзэмшлийн зуслангийн амбаарын хаалганы цоожийг эвдэн орж “Кен” маркийн дрилл, хүүхдийн удирдлагатай тоглоомон машин, усны сав, хүүхдийн гутал зэрэг эд зүйлсийг хүч хэрэглэхгүйгээр, нууцаар хууль бусаар авч бусдад 208000 төгрөгийн хохирол учруулсан,

2019 оны 09 дүгээр сарын 07-ны өдөр Баянзүрх дүүргийн ** дугаар хороо, *** тоотод оршин суух иргэн Г.Б-н эзэмшлийн байшинд нэвтэрч, аяны майханг хүч хэрэглэхгүйгээр, нууцаар, хууль бусаар авч бусдад 103500 төгрөгийн хохирол учруулсан,

2019 оны 09 дүгээр сарын 22-ны өдөр Сүхбаатар дүүргийн 18 дугаар хороо, 52 дугаар гудамжны 295 тоот хашааны үүдэнд байсан Н.Бын эзэмшлийн “Ниссан Санни” маркийн автомашинаас машины обудтай 4 ширхэг шинэ дугуй, ослын дугуй, дугуйн дорцов 2 ширхэг, эвхэгддэг данхраад, жижиг түлхүүр багаж, шалавч резин, шалавч суудлын 4 ширхэг хивс, аккумялтор, тамхины үнсний сав, 16 ширхэг дугуйны боолт, хэтэвчин дотор байсан 20000 төгрөг зэргийг хүч хэрэглэхгүйгээр, нууцаар, хууль бусаар авч бусдад 466000 төгрөгийн хохирол учруулсан гэх гэмт хэрэгт холбогджээ.

                                                                                            ТОДОРХОЙЛОХ нь:

Шүүхийн хэлэлцүүлэгт дараахь нотлох баримтуудыг шинжлэн судлав. Үүнд:

 

Шүүгдэгч Б.А шүүхийн хэлэлцүүлэгт мэдүүлэхдээ: “...Миний бие аяны майхан авсан гэх үйлдлээ хүлээн зөвшөөрөхгүй байгаа бөгөөд бусад хэргүүдээ хүлээн зөвшөөрч байна. Учир нь 21 дүгээр хорооны байцаагч нь намайг 2019 оны 09 дүгээр сарын 06-ны өдөр эрүүлжүүлэх байранд хийгээд 2019 оны 09 дүгээр сарын 07-ны өглөө гаргасан. Байцаагч надад “...чи майхан авчихсан байна лээ, камерын бичлэг байгаа энэ асуудлаар чинь Зөрчлийн хуулиар шүүхээр оруулъя” гэж хэлэхээр нь би майхан аваагүй, бичлэгийг чинь үзье гэдгээ хэлсэн боловч үзүүлээгүй. Дараа нь Цагдан хорих хаалттай 461 дүгээр ангид ирж мөрдөгч надтай уулзахад нь дахин бичлэг үзье, прокурортой уулзмаар байна гэж би хэлсэн. Наранцацрал байцаагч надад чи миний хэлснийг хэлээд Зөрчлийн хуулиар 30 хоног баривчлагдах шийтгэл ав гэж хэлж байсан. Би майхан авсан гэх хэргийг огт хийгээгүй” гэв.

 

Хохирогч Н.Б шүүхийн хэлэлцүүлэгт мэдүүлэхдээ: “Би 2019 оны 09 дүгээр сарын 22-ны өдөр өөрийн автомашиндаа 4 шинэ дугуй авч тавьсан юм. Гэтэл 2019 оны 09 дүгээр сарын 23-ны өглөө 7 цаг 30 минутад гэрээсээ гарч ирээд машинаа хартал хашаанаас чирч холдуулаад 5 дугуй, обуд, акумлятор зэргийг аваад нэг ч ширхэг боолтыг үлдээлгүй газарт элгээр нь хэвтүүлсэн байсан. Тухайн үед харсан гэрч байдаг. Улмаар би цагдаагийн байгууллагад гомдол гаргасан. Нэг  сарын хугацаанд машинаа хөдөлгөж чадаагүй тул олон өдөр захуудаар явж хүнээс мөнгө зээлээд дахиад 5 дугуй, 5 обуд, хуучин акумляторыг 460.000 төгрөгөөр худалдаж авсан. Би өөрөө хөл муутай, хөгшин настай хүн. Б.А минь арайчдээ. Чи өөрийн өвөө, аав шиг хүнд яаж ингэж хандаж чадаж байна вэ? Миний оронд залуу хүн байсан бол ингэж хандахгүй байсан байх. Энэ хэргийг Б.А ганцаараа хийгээгүй гэж бодож байна. Түүний цаана хамсаатангууд байгаа. Тиймээс миний алдагдсан хохирол болон нөхөн төлж олсон хохирлыг барагдуулна уу ...” гэв. 

 

Эрүүгийн 1909015311059 дугаартай хэргээс:

 

Хохирогч Ц.Оюун-Эрдэнийн мөрдөн шалгах ажиллагаанд өгсөн “...2019 оны 04 дүгээр сарын 12-ны орой 19 цагийн үед зуслангийн манаач утсаар залгаад “танай байшингийн цонх онгорхой байна, хулгайч орсон юм шиг байна, яаралтай ир” гэхээр нь цаг гаруйн дараа очиход цонх онгорхой байхаар нь цагдаад дуудлага өгсөн...” гэх мэдүүлэг /1 хх-ийн 16-17 дугаар хуудас/,

 

Хохирогч Б.Баатарсүрэнгийн мөрдөн шалгах ажиллагаанд өгсөн “...Би 2019 оны 7 дугаар сарын 09-ний өдөр Төв аймгийн Сүмбэр сум руу мал маллах гэж явсан ба 2019 оны 7 дугаар сарын 24-ний өдөр хөдөө байх үед манай аав Баянмөнх над руу залгаж “танай гэрт хулгай орсон байна” гэж хэлсэн. Тэгээд би Улаанбаатар хотод ирж амжихгүй байсан учир тус оны 9 дүгээр сарын 18-ны өдөр Улаанбаатар хотод гэртээ ирсэн...” гэх мэдүүлэг /1 хх-ийн 106-107 дугаар хуудас/,

 

Хохирогч М.Бямбагаравын мөрдөн шалгах ажиллагаанд өгсөн “...Манай зуслан Сүхбаатар дүүргийн 19 дүгээр хороо хээрийн ар зуслангийн задгай тоотод амьдардаг бөгөөд хамгийн сүүлд 2019 оны 04 дүгээр сарын 16-ны өдөр ирж үзэхэд зүгээр байсан ба тухайн өдөр ирэхэд хаалга онгорхой байсан бөгөөд гэрээс багаж хэрэгсэл, хүүхдийн хувцас тоглоом алдагдсан байсан...” гэх мэдүүлэг /1 хх-ийн 174-175 дугаар хуудас/,

 

Хохирогч Н.Б-ын мөрдөн шалгах ажиллагаанд өгсөн “...Би 2019 оны 9 дүгээр сарын 22-ны орой өөрийн эзэмшлийн 36-11 УБР улсын дугаартай “Ниссан Санни” маркийн автомашинаа өөрийн Сүхбаатар дүүргийн 18 дугаар хороо, 52-295 тоот хашааны үүдэнд машинаа тавьсан юм. Маргааш өглөө нь буюу 9 дүгээр сарын 23-ны өглөө гэрээсээ гараад машиндаа суух гэхэд миний автомашины дөрвөн ширхэг дугуй, обудыг тайлаад хулгайлаад аваад явсан ба машин маань элгээр нь газар хэвтүүлсэн байсан. Автомашинхаа эд зүйлсээс обудтай 4 шинэ дугуй, аваарын дугуй, дугуйн дорцов 2 ширхэг, эвхэгддэг данхраад, жижиг түлхүүр багаж, шалавч резин, шалавч, суудлын 4 ширхэг жижиг хивс, аккумялтор, тамхины үнсний сав, 16 ширхэг дугуйны боолт зэрэг эд зүйлсийг хулгайлж авсан байсан. Мөн миний хэтэвчин дотор байсан 20000 төгрөгийг хулгайлсан байсан. Тийм учраас цагдаагийн байгууллагад хандсан юм...” гэх мэдүүлэг /1 хх-ийн 208 дугаар хуудас/,

 

Хохирогч Г.Баттулгын мөрдөн шалгах ажиллагаанд өгсөн “...2019 оны 9 дүгээр сарын 07-ны өдөр шиг санагдаж байна. Ж.Хадбаатар нь өглөө над руу залгаж  “танай грашийн цонх, хаалга онгорхой байна” гэхээр нь “зургийг нь аваад явуулчихаад” гэхэд зургийг аваад явуулсан байсан. Зургийг харахад алдагдсан зүйл гайгүй байх шиг харагдсан. Тухайн үед би хөдөө явж байсан болохоор 2 хоногийн дараа буюу 09-ний өдөр ирээд байшиндаа очиж үзэхэд 4 хүний майхан алдагдсан байсан. Тэгээд цагдаад дуудлага өгсөн”...” гэх мэдүүлэг /2 хх-ийн 11-12/,

 

Гэрч Т.Баянмөнхийн мөрдөн шалгах ажиллагаанд өгсөн “...2019 оны 7 дугаар сарын 14-ний өдөр хөдөө ажлаар явсан бөгөөд өдөрт би гэрийг нь эргэдэг байсан юм. Өнөөдрийн буюу 2019 оны 7 дугаар сарын 24-ний 17 цаг 30 минутын үед уг гэрийг эргэхэд хаалга нь цоожтой бүрэн бүтэн байсан. Орой 21 цагийн үед ахиж очиж эргэхэд хаалга нь онгорхой гэрээс нь зурагт харагдахгүй байсан. Тэгээд цагдаад дуудлага өгсөн юм...” гэх мэдүүлэг /1 хх-ийн 108 дугаар хуудас/,

 

 “Дамно” үнэлгээний компанийн 2019 оны 9 дүгээр сарын хөрөнгө үнэлгээний “тус үнэлэгдэж буй хөрөнгө нь зах зээлийн хандлагын шууд харьцуулалтын аргаар 2019 оны 03 дугаар сарын 31-ний өдрийн зах зээлийн үнэлгээгээр нийт 239400 /хоёр зуун гучин есөн мянга дөрвөн зуун/ төгрөгөөр үнэлэгдэв” гэх тайлан  /1 хх-ийн 27-28, 113 дугаар хуудас/,

 

“Дамно” үнэлгээний компанийн 2019 оны 11 дүгээр сарын хөрөнгө үнэлгээний “тус үнэлэгдэж буй хөрөнгө нь зах зээлийн хандлагын шууд харьцуулалтын аргаар 2019 оны 7 дугаар сарын 24-ний өдрийн зах зээлийн үнэлгээгээр нийт 252000 /хоёр зуун тавин хоёр мянга/ төгрөгөөр үнэлэгдэв” гэх тайлан  /1 хх-ийн 113-114 дүгээр хуудас/,

 

“Дамно” үнэлгээний компанийн 2019 оны 9 дүгээр сарын хөрөнгө үнэлгээний “тус үнэлэгдэж буй хөрөнгө нь зах зээлийн хандлагын шууд харьцуулалтын аргаар 2019 оны 9 дүгээр сарын 02-ны өдрийн зах зээлийн үнэлгээгээр нийт 383920 /гурван зуун наян гурван мянга есөн зуун хорин/ төгрөгөөр үнэлэгдэв” гэх тайлан  /1 хх-ийн 150 дүгээр хуудас/,

 

“Дамно” үнэлгээний компанийн 2019 оны 5 дугаар сарын хөрөнгө үнэлгээний “тус үнэлэгдэж буй хөрөнгө нь зах зээлийн хандлагын шууд харьцуулалтын аргаар 2019 оны 4 дүгээр сарын 16-ны өдрөөс 2019 оны 4 дүгээр сарын 21-ний өдрийн зах зээлийн үнэлгээгээр нийт 208000 /хоёр зуун найман мянган/ төгрөгөөр үнэлэгдэв” гэх тайлан  /1 хх-ийн 188-189 дүгээр хуудас/,

 

“Дамно” үнэлгээний компанийн 2019 оны 10 дугаар сарын хөрөнгө үнэлгээний “тус үнэлэгдэж буй хөрөнгө нь зах зээлийн хандлагын шууд харьцуулалтын аргаар 2019 оны 10 дугаар сарын 05-ны өдрийн зах зээлийн үнэлгээгээр нийт 466000 /дөрвөн зуун жаран зургаан мянган/ төгрөгөөр үнэлэгдэв” гэх тайлан  /1 хх-ийн 215-216 дугаар хуудас/,

 

“Дамно” үнэлгээний компанийн 2019 оны 9 дүгээр сарын хөрөнгө үнэлгээний “тус үнэлэгдэж буй хөрөнгө нь зах зээлийн хандлагын шууд харьцуулалтын аргаар 2019 оны 9 дүгээр сарын 06-ны өдрийн зах зээлийн үнэлгээгээр нийт 103500 /нэг зуун гурван мянга таван зуу/ төгрөгөөр үнэлэгдэв” гэх тайлан  /2 хх-ийн 27-28 дугаар хуудас/,

 

Хэргийн газар үзлэг хийсэн тэмдэглэл /1 хх-06-10, 91-96, 128-133, 165-168, 201-204, 2 хх-ийн 02-06 дугаар хуудас/,

 

Эд зүйл хүлээлгэн өгсөн тэмдэглэл /1 хх-ийн 136 дугаар хуудас/,

 

Шүүгдэгч Б.Аийн мөрдөн шалгах ажиллагаанд яллагдагчаар өгсөн: “ ...Миний бие нь 2019 оны 07 дугаар сарын 24-ний өдөр Бага Дарь-Эхэд байрлах гэрийнхээ ойролцоо архи ууж байгаад эхнэр Одсүрэнгийн дүү Баасансүрэнгийн гэрт очихоор Дарь-Эхээс гараад Сэлбийн гол дагаж алхаж явсаар байгаад Сүхбаатар дүүргийн 14 дүгээр хорооны нутаг дэвсгэрт байрлах гэртээ очсон юм. Би тэдний гэрт үдээс өмнө 11 цагаас 13 цагийн хооронд очсон бөгөөд тэдний Монгол гэрийн гадуураа ямар ч хашаа байхгүй байсан. Гэрт нь очиход хаалга нь цоожтой хүнгүй байхаар нь цоожийг хөшиж эвдэж ороод гэрийнх нь хойморт модон тавиур дээр байсан 32 инчийн “Самсунг” маркийн ЛСД зурагтыг баруун талын орон дээр байсан орны бүтээлгэнд ороогоод авч гараад 7 буудал дээр байрлах хуучин болон эвдэрхий зурагт угаалгын машин, хөргөгч авдаг нэг газрын гадаа эрэгтэй, эмэгтэй 2 хүн зогсож байхаар нь очоод эрэгтэй хүнээс нь “зурагт авах уу” гэж асуухад “хэдээр өгөх юм бэ” гэхээр нь “25000 төгрөгөөр зарна, эвдрээгүй, зүгээр ажилладаг зурагт байгаа” гэж хэлэхэд нөгөө залуу халааснаасаа 25000 төгрөгийг гаргаж ирээд надад өгсөн тул би зурагтыг зарсан...” гэх мэдүүлэг /1 хх-ийн 120-211 дүгээр хуудас/,

 

Шүүгдэгч Б.Аийн оршин суух хаягийн тодорхойлолт /хх-ийн 56 дугаар хуудас/, иргэний үнэмлэхийн лавлагаа /хх-ийн 57 дугаар хуудас/, эрүүгийн хариуцлага хүлээж байсан эсэхийг шалгах хуудас /1 хх-ийн 61 дүгээр хуудас/ зэрэг болно.

 

Шүүгдэгчийн гэм бурууг нотолж байгаа эдгээр нотлох баримтуудыг Эрүүгийн хэрэг хянан шийдвэрлэх тухай хуульд зааснаар цуглуулж, бэхжүүлсэн, хэрэгт байгаа бусад баримтуудаар тогтоогдсон, хэрэгт хамааралтай бүхий л байдлыг мэдүүлсэн, эх сурвалж тодорхой байна.  

 

Шүүхээс шүүгдэгч Б.Ад холбогдох хэргийг хянан хэлэлцээд Эрүүгийн хуулийн хууль ёсны, шударга ёсны, гэм буруугийн зарчмыг тус тус баримтлан шүүхийн хэлэлцүүлэгт шинжлэн судалсан болон хэрэгт цугларсан дээрх нотлох баримтуудаас дүгнэхэд:

Шүүгдэгчийн гэм буруугийн талаар:

Шүүгдэгч Б.А нь 2019 оны 03 дугаар сарын 31-ний өдрөөс 04 дүгээр сарын 12-ны өдрийн хооронд Сүхбаатар дүүргийн 19 дүгээр хороо, Майхан толгойн 1 дүгээр гудамжны 4-19 тоотод байх Ц.Оюун-Эрдэнийн эзэмшлийн хүн байнга амьдрах орон байранд хууль бусаар нэвтэрч “Шарф” маркийн 32 инчийн зурагтыг хууль бусаар авч бусдад 239400 төгрөгийн хохирол учруулсан,

2019 оны 07 дугаар сарын 23-ны өдөр Сүхбаатар дүүргийн 14 дүгээр хорооны нутаг дэвсгэрт байрлах иргэн Б.Баасансүрэнгийн хүн байнга амьдрах монгол гэрийн цоожийг эвдлэн, хууль бусаар нэвтэрч “Самсунг” маркийн 32 инчийн ЛСД зурагтыг хууль бусаар авч 252000 төгрөгийн хохирол учруулсан,

2019 оны 09 дүгээр сарын 02-ны өдөр Сүхбаатар дүүргийн 15 дугаар хороо, Дамбадаржаагийн 13 дугаар гудамжны 81 тоотод оршин суух иргэн Б.Баасансүрэнгийн эзэмшлийн монгол гэрийн хаалганы цоожийг эвдэн орж ЛЖ маркийн 32 инчийн зурагтыг хүч хэрэглэхгүйгээр, нууцаар хууль бусаар авч бусдад 383920 төгрөгийн хохирол учруулсан,

2019 оны 04 дүгээр сарын 16-аас 21-ний өдрийн хороонд Сүхбаатар дүүргийн 19 дүгээр хороо, Хуурай мухар зусланд байрлах М.Бямбагаравын эзэмшлийн зуслангийн амбаарын хаалганы цоожийг эвдэн орж “Кен” маркийн дрилл, хүүхдийн удирдлагатай тоглоомон машин, усны сав, хүүхдийн гутал зэрэг эд зүйлсийг хүч хэрэглэхгүйгээр, нууцаар хууль бусаар авч бусдад 208000 төгрөгийн хохирол учруулсан,

2019 оны 09 дүгээр сарын 07-ны өдөр Баянзүрх дүүргийн 27 дугаар хороо, Дунд Дарь-Эхийн 42 дугаар гудамжны 2111 тоотод оршин суух иргэн Г.Баттулгын эзэмшлийн байшинд нэвтэрч, аяны майханг хүч хэрэглэхгүйгээр, нууцаар, хууль бусаар авч бусдад 103500 төгрөгийн хохирол учруулсан,

2019 оны 09 дүгээр сарын 22-ны өдөр Сүхбаатар дүүргийн 18 дугаар хороо, 52 дугаар гудамжны 295 тоот хашааны үүдэнд байсан Н.Бын эзэмшлийн “Ниссан Санни” маркийн автомашинаас машины обудтай 4 ширхэг шинэ дугуй, аваарын дугуй, дугуйн дорцов 2 ширхэг, эвхэгддэг данхраад, жижиг түлхүүр багаж, шалавч резин, шалавч суудлын 4 ширхэг хивс, аккумялтор, тамхины үнсний сав, 16 ширхэг дугуйны боолт, хэтэвчин дотор байсан 20000 төгрөг зэргийг хүч хэрэглэхгүйгээр, нууцаар, хууль бусаар авч бусдад 466000 төгрөгийн хохирол тус тус учруулсан болох нь шүүгдэгчийн шүүхийн хэлэлцүүлэг болон мөрдөн байцаалтад хэргээ хүлээн мэдүүлсэн мэдүүлэг, хохирогч, гэрч нарын мэдүүлэг зэрэг хэрэгт цугларсан болон шүүх хуралдаанаар хэлэлцэгдсэн бичгийн нотлох баримтуудаар гэм буруутай үйлдэл нь нотлогдон тогтоогдлоо.

 

Шүүгдэгч, хохирогч нарын мэдүүлгээс үзэхэд Б.А нь 6 удаагийн үргэлжилсэн үйлдлээр бусдын эд хөрөнгийг хүч хэрэглэхгүйгээр, нууцаар, хууль бусаар авч хулгайлах гэмт хэргийг үйл ажиллагаа явуулах зориулалттай орон байр, тусгайлан хамгаалсан байранд нэвтэрч хулгайлах гэмт хэргийг үйлдсэнийг болон хэрэгт ач холбогдол бүхий бусад нөхцөл байдлын талаар тодорхой мэдүүлсэн байна. Энэ гэмт хэргийн улмаас хохирогч Ц.Оюун-Эрдэнэд 239400 төгрөг, Б.Баасансүрэнд 252000 төгрөг, М.Бямбагаравт 208000 төгрөг, Н.Бт 466000 төгрөг, Г.Баттулгад 103500 төгрөгийн тус тус хохирол учруулсан болох нь тогтоогдсон тул Б.Аийг гэмт үйлдэл нь Эрүүгийн хуульд заасан “Хулгайлах” гэмт хэргийн шинжийг агуулсан байна гэж шүүх үзлээ.

Шүүхийн хэлэлцүүлэгт шинжлэн судалсан эдгээр нотлох баримтууд нь хуульд заасан үндэслэл журмын дагуу цуглуулж, бэхжүүлсэн, энэ хэрэгт хамааралтай, ач холбогдолтой, агуулгын хувьд зөрүүгүй, үйл баримтыг хангалттай тогтоож чадсан, мөрдөн байцаалтын явцад оролцогчийн хуулиар хамгаалагдсан эрхийг хасаж, хязгаарласан хуульд заасан шаардлагыг зөрчсөн гэх ноцтой зөрчил тогтоогдоогүй байх тул хэргийг хянан шийдвэрлэх боломжтой гэж шүүх дүгнэлээ.

Иймд Б.Ад холбогдох хэргийн зүйлчлэл тохирсон байх тул түүнийг бусдын эд хөрөнгийг хүч хэрэглэхгүйгээр, нууцаар, хууль бусаар авч хулгайлах гэмт хэргийг үйл ажиллагаа явуулах зориулалттай орон байр, тусгайлан хамгаалсан байранд нэвтэрч үйлдсэн гэмт хэрэг үйлдсэн гэм буруутайд тооцох хууль зүйн үндэслэлтэй байна.

Б.А нь өөрийн үйлдлийг хууль бус шинжтэй болохыг ухамсарлаж түүнийг хүсч үйлдсэний улмаас бусдыг хохирол, хор уршигт зориуд хүргэсэн гэм буруугийн санаатай хэлбэрээр гэмт хэргийг үйлджээ.

Эрүүгийн хариуцлага хүлээлгэх талаар:

 Шүүх шүүгдэгч Б.Аийг гэм буруутайд тооцсон тул түүнд Эрүүгийн хуулийн тусгай ангийн 17.1 дүгээр зүйлийн 1, Эрүүгийн хуулийн ерөнхий ангийн 2.2 дугаар зүйлийн 3-д заасныг журамлан мөн хуулийн тусгай ангийн 17.1 дүгээр зүйлийн 2 дахь хэсгийн 2.1-д зааснаар эрүүгийн хариуцлага хүлээлгэх үндэслэлтэй байна.

 

Шүүгдэгчид эрүүгийн хариуцлагыг хүлээлгэхэд хөнгөрүүлэх, хүндрүүлэх нөхцөл байдал тогтоогдоогүй байна.

Шүүх шүүгдэгчид эрүүгийн хариуцлага хүлээлгэхэд гэмт хэрэг үйлдсэн нөхцөл байдал, учирсан хохирол, хор уршгийн шинж чанар, хувийн байдлыг тал бүрээс нь харгалзан хорих ял оногдуулахаар шийдвэрлэв.

Шүүгдэгч Б.Аээс 1268900 /нэг сая хоёр зуун жаран найман мянга есөн зуун/ төгрөгийг гаргуулж, хохирогч Ц.Оюун-Эрдэнэд 239400 /хоёр зуун гучин есөн мянга дөрвөн зуун/ төгрөг, Б.Баасансүрэнд 252000 /хоёр зуун тавин хоёр мянга/ төгрөг, М.Бямбагаравт 208000 /хоёр зуун найман мянга/ төгрөг, Н.Бт 466000 /дөрвөн зуун жаран зургаан мянга/ төгрөг, Г.Баттулгад 103500 /нэг зуун гурван мянга таван зуу/ төгрөгийг тус тус олгох нь зүйтэй байна.

Хохирогч Н.Б шүүхийн хэлэлцүүлэгт шүүгдэгч Б.Аээс машины дугуй худалдаж авсаны 200000 /хоёр зуун мянган/ төгрөг нэхэмжилж байх тул энэхүү гэмт хэргийн улмаас өөрт учирсан хохирлоо шүүгдэгчээс иргэний хэрэг шүүхэд хянан шийдвэрлэх журмаар жич нэхэмжлэх эрхийг нээлттэй үлдээхээр шийдвэрлэв. 

Хэрэгт шийдвэрлэвэл зохих битүүмжлэгдсэн эд хөрөнгөгүй, эд мөрийн баримтаар хураагдсан зүйлгүй, шүүгдэгч энэ хэргийн улмаас 103 /нэг зуун гурван/ хоног цагдан хоригдсон, шүүгдэгчээс гаргуулах хэрэг хянан шийдвэрлэх ажиллагааны зардалгүй тус тус дурдав.

Монгол Улсын Эрүүгийн хэрэг хянан шийдвэрлэх тухай хуулийн 36.1, 36.2 дугаар зүйлийн 1, 2, 3, 4, 36.6, 36.7, 36.8, 36.10, 37.1 дүгээр зүйлүүдийг тус тус удирдлага болгон ТОГТООХ нь:

            1. Шүүгдэгч Б овогт Б-ын А-ийг бусдын эд хөрөнгийг хүч хэрэглэхгүйгээр, нууцаар, хууль бусаар авч хулгайлах гэмт хэргийг үйл ажиллагаа явуулах зориулалттай орон байр, тусгайлан хамгаалсан байранд нэвтэрч үйлдсэн гэм буруутайд тооцсугай.

2. Эрүүгийн хуулийн тусгай ангийн 17.1 дүгээр зүйлийн 1-д зааснаар 1 /нэг/ жил, Эрүүгийн хуулийн ерөнхий ангийн 2.2 дугаар зүйлийн 3-д заасныг журамлан мөн хуулийн тусгай ангийн 17.1 дүгээр зүйлийн 2 дахь хэсгийн 2.1-д зааснаар 2 /хоёр/ жилийн хорих ялаар шийтгэсүгэй.

3.Эрүүгийн хуулийн ерөнхий ангийн 6.8 дугаар зүйлийн 1-д заасныг журамлан Эрүүгийн хуулийн тусгай ангийн 17.1 дүгээр зүйлийн 1-д заасан 1 /нэг/ жилийн хорих ял дээр Эрүүгийн хуулийн ерөнхий ангийн 2.2 дугаар зүйлийн 3-д заасныг журамлан мөн хуулийн тусгай ангийн 17.1 дүгээр зүйлийн 2 дахь хэсгийн 2.1-д заасан 2 /хоёр/ жилийн хорих ялыг нэмж нэгтгэн нийт эдлэх ялыг 3 /гурван/ жилийн хорих ялаар тогтоож, эдлэх ялыг энэ өдрөөс эхлэн тоолсугай.

4. Эрүүгийн хуулийн ерөнхий ангийн 5.6 дугаар зүйлийн 4-д зааснаар шүүгдэгч Б.Ад оногдуулсан 3 /гурав/ жилийн хорих ялыг нээлттэй хорих байгууллагад эдлүүлсүгэй. 

5. Эрүүгийн хуулийн ерөнхий ангийн 6.10 дугаар зүйлийн 1-т зааснаар шүүгдэгч Б.А энэ хэргийн улмаас цагдан хоригдсон 103 /нэг зуун гурван/ хоногийг эдлэх ялд тооцсугай.

6. Хэрэгт битүүмжлэгдсэн эд хөрөнгөгүй, эд мөрийн баримтаар хураагдсан зүйлгүй, шүүгдэгч хэрэг хянан шийдвэрлэх ажиллагааны зардалгүй болохыг тус тус дурдсугай.

7. Иргэний хуулийн 497 дүгээр зүйлийн 497.1, 510 дугаар зүйлийн 510.1-д зааснаар шүүгдэгч Б.А-ээс 1268900 /нэг сая хоёр зуун жаран найман мянга есөн зуун/ төгрөгийг гаргуулж, хохирогч Ц.О-д 239400 /хоёр зуун гучин есөн мянга дөрвөн зуун/ төгрөг, Б.Б-д 252000 /хоёр зуун тавин хоёр мянга/ төгрөг, М.Б-т 208000 /хоёр зуун найман мянга/ төгрөг, Н.Бт 466000 /дөрвөн зуун жаран зургаан мянга/ төгрөг, Г.Б-д 103500 /нэг зуун гурван мянга таван зуу/ төгрөгийг тус тус олгож, хохирогч Н.Б нь өөрт учирсан хохирлоо нотлох баримтаа бүрдүүлж иргэний хэрэг шүүхэд хянан шийдвэрлэх журмаас шүүгдэгч Б.А-ээс жич нэхэмжлэх эрхтэйг дурдсугай. 

8. Шийтгэх тогтоолыг уншиж сонсгосноор хүчинтэй болох бөгөөд Эрүүгийн хэрэг хянан шийдвэрлэх тухай хуулийн 36.8 дугаар зүйлийн 4, 38.2 дугаар зүйлийн 1-д тус тус зааснаар шүүгдэгч, хохирогч, тэдгээрийн хууль ёсны төлөөлөгч, өмгөөлөгч өөрөө, улсын яллагч, дээд шатны прокурор шийдвэрийг гардан авснаас хойш, эсхүл Эрүүгийн хэрэг хянан шийдвэрлэх тухай хуулийн 11.9 дүгээр зүйлд заасны дагуу хүргүүлснээс хойш 14 хоногийн дотор тус шүүхээр дамжуулан Нийслэлийн Эрүүгийн хэргийн давж заалдах шатны шүүхэд давж заалдах гомдол гаргах, эсэргүүцэл бичих эрхтэйг дурдсугай.

 

9. Давж заалдах шатны шүүхэд гомдол гаргасан эсэргүүцэл бичигдсэн тохиолдолд тогтоолын биелэлтийг түдгэлзүүлж, тогтоол биелүүлэх хүртэл шүүгдэгч Б.Ад авсан цагдан хорих таслан сэргийлэх арга хэмжээг хэвээр үргэлжлүүлсүгэй. 

 

 

 

 

     ДАРГАЛАГЧ, ШҮҮГЧ                              Л.О