Сэлэнгэ аймаг дахь Сум дундын Иргэний хэргийн анхан шатны шүүхийн шүүгч Д.Мөнхцэцэг би Н.Шинэтуяагийн нэхэмжлэлтэй О.Уранзаяад холбогдох “120.000 төгрөг гаргуулах”-ыг хүссэн нэхэмжлэлийн шаардлагатай иргэний хэрэгтэй  танилцаад:

                                              Тодорхойлох нь:

Нэхэмжлэгч Н.Шинэтуяа нь шүүхэд гаргасан нэхэмжлэлдээ: ... О.Уранзаяа нь 2016 оны 06 сарын 20-ны өдөр 3 сарын хугацаатай 120.000 төгрөг зээлсэн боловч зээлсэн мөнгөө хугацаанд нь өгөхгүй намайг хохироож байна. Иймд О.Уранзаяагаас 120.000 төгрөгийг гаргуулж намайг хохиролгүй болгож өгнө үү! гэжээ.

Хариуцагч О.Уранзаяа 2016 оны 11 дүгээр сарын 01-ний өдөр шүүхэд  гаргасан тайлбартаа: ... Н.Шинэтуяагийн нэхэмжлэлтэй О.Уранзаяад надад холбогдуулан 120.000 төгрөг  нэхэмжилснийг  маргаангүй төлж барагдуулна. Уг мөнгийг 2017 оны 05 дугаар сарын 01-ний дотор бүрэн төлж барагдуулна. Тэмдэгтийн хураамж төлөхийг ойлголоо гэжээ.

                                                                Үндэслэх нь:

Нэхэмжлэгч Н.Шинэтуяа нь О.Уранзаяад холбогдуулан “120.000 төгрөг гаргуулах”-аар шүүхэд нэхэмжлэл шүүхэд гаргасан байна.

Хэрэг хянан шийдвэрлэх ажиллагааны шатанд  хариуцагч О.Уранзаяа нь 120.000  төгрөгийн нэхэмжлэлийн шаардлагыг бүрэн хэмжээгээр төлж барагдуулахаар хүлээн зөвшөөрч байгаа болох нь түүний шүүхэд гаргасан тайлбараар нотлогдож байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хэргийг хялбаршуулсан журмаар шийдвэрлэх үндэслэл болж байна.

Хариуцагчийн зөвшөөрөл нь гуравдагч этгээдийн хуулиар хамгаалагдсан эрх ашиг сонирхлыг хөндөөгүй. Хуулинд харшлаагүй байна.

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 4550 төгрөгийг төсвийн орлогод хэвээр үлдээж, улсын тэмдэгтийн хураамж 4550 төгрөгний 50 хувь болох 2275 төгрөгийг хариуцагчаас, үлдэх 50 хувь болох 2275 төгрөгийг Сүхбаатар сумын орон нутгийн орлогооос буцаан гаргуулж нэхэмжлэгчид олгох нь зүйтэй.    

Иргэний хэрэг  шүүхэд хянан шийдвэрлэх тухай хуулийн 75 дугаар зүйлийн 75.1 дэх хэсэгт  заасныг удирдлага болгон ЗАХИРАМЖЛАХ нь:

 

1. Иргэний хэрэг шүүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар Н.Шинэтуяагийн нэхэмжлэлтэй О.Уранзаяад холбогдох “120.000  төгрөг гаргуулах”-ыг хүссэн иргэний хэргийн хариуцагч нэхэмжлэлийн шаардлагыг бүрэн хэмжээгээр төлж барагдуулахаар хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 4550 төгрөгийг төсвийн орлогод хэвээр үлдээж, улсын тэмдэгтийн хураамж 4450 төгрөгний 50 хувь болох 2275 төгрөгийг хариуцагчаас, үлдэх 50 хувь болох 2275 төгрөгийг Сүхбаатар сумын орон нутгийн орлогооос буцаан гаргуулж нэхэмжлэгч Н.Шинэтуяад олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэж болохыг дурьдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигчид нь давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар дахин анхан шатны шүүхэд  нэхэмжлэл  гаргах  эрхгүй болохыг дурьдсугай.

 

 

                                                 ШҮҮГЧ                      Д.МӨНХЦЭЦЭГ