Сэлэнгэ аймаг дахь Сум дундын Иргэний хэргийн анхан шатны шүүхийн шүүгч Д.Мөнхцэцэг би П.Цээсүрэнгийн нэхэмжлэлтэй О.Наранбатад холбогдох “310.000 төгрөг гаргуулах”-ыг хүссэн нэхэмжлэлийн шаардлагатай иргэний хэрэгтэй  танилцаад:

                                              Тодорхойлох нь:

         Нэхэмжлэгч П.Цээсүрэн шүүхэд гаргасан нэхэмжлэлдээ:

Нэхэмжлэлийн шаардлага: П.Цээсүрэн миний бие 2016 оны 07 дугаар сарын 15-нд МСҮТ-д багшаар ажиллаж байсан Наранбат хэд хоноод өгье гээд 310.000 төгрөг авсан юм. Мөнгөө авах гэхээр янз бүрээр доромжлон айлган сүрдүүлж, дарамтлаад байх юм. Иймд энэ хүнээс залилж авсан 310.000 төгрөгийг авч өгнө үү! гэжээ.

Хариуцагч О.Наранбат 2016 оны 11 дүгээр сарын 04-ний өдөр шүүхэд гаргасан тайлбартаа:  

... П.Цээсүрэнгийн нэхэмжлэлтэй О.Наранбат надад холбогдуулан 310.000 төгрөг нэхэмжилснийг маргаангүй төлж барагдуулна. Уг мөнгийг авсан нь үнэн. Төлөх нь үнэн гэжээ.

                                                                Үндэслэх нь:

Нэхэмжлэгч П.Цээсүрэн нь О.Наранбатад холбогдуулан “310.000 төгрөг гаргуулах”-аар шүүхэд нэхэмжлэл гаргасан байна.

Хэрэг хянан шийдвэрлэх ажиллагааны шатанд 310.000 төгрөгийн нэхэмжлэлийн шаардлагыг хариуцагч бүрэн хэмжээгээр төлж барагдуулахаар хүлээн зөвшөөрч байгаа нь түүний шүүхэд гаргасан тайлбараар нотлогдож  байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хэргийг хялбаршуулсан журмаар шийдвэрлэх үндэслэл болж байна.

Хариуцагчийн зөвшөөрөл нь гуравдагч этгээдийн хуулиар хамгаалагдсан эрх ашиг сонирхлыг хөндөөгүй. Хуулинд харшлаагүй байна.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 9950 төгрөгийг төсвийн орлогод хэвээр үлдээж, улсын тэмдэгтийн хураамж 9950 төгрөгний 50 хувь болох 4975 төгрөгийг хариуцагчаас, үлдэх 50 хувь болох 4975 төгрөгийг Сүхбаатар сумын орон нутгийн орлогооос буцаан гаргуулж нэхэмжлэгчид олгох нь зүйтэй.    

Иргэний хэрэг  шүүхэд хянан шийдвэрлэх тухай хуулийн 75 дугаар зүйлийн 75.1 дэх хэсэгт  заасныг удирдлага болгон ЗАХИРАМЖЛАХ нь:

1. Иргэний хэрэг шүүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар П.Цээсүрэнгийн нэхэмжлэлтэй О.Наранбатад холбогдох “310.000 төгрөг гаргуулах”-ыг хүссэн иргэний хэргийн хариуцагч  нэхэмжлэлийн шаардлагыг бүрэн хэмжээгээр төлж барагдуулахаар хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 9950 төгрөгийг төсвийн орлогод хэвээр үлдээж, улсын тэмдэгтийн хураамж 9950 төгрөгний 50 хувь болох 4975 төгрөгийг хариуцагчаас, үлдэх 50 хувь болох 4975 төгрөгийг Сүхбаатар сумын орон нутгийн орлогооос буцаан гаргуулж нэхэмжлэгч П.Цээсүрэнд олгосугай.

3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэж болохыг дурьдсугай.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар нэхэмжлэгч нь давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар дахин анхан шатны шүүхэд  нэхэмжлэл  гаргах  эрхгүйг болохыг дурьдсугай.

 

                                                   ШҮҮГЧ                      Д.МӨНХЦЭЦЭГ