Хэргийг хялбаршуулсан журмаар

хянан шийдвэрлэх тухай

Хэргийн индекс:135/2017/00025/И

Дархан-Уул аймаг дахь Сум дундын Иргэний хэргийн анхан шүүхийн шүүгч Ч.Батчимэг   би,

Нэхэмжлэгч: Дархан-Уул аймаг, Дархан сум, 15 дугаар баг, мангирт 10 дугаар хэсэг, 6 дугаар гудамж, 5 тоотод оршин суух Адууч овгийн Базарын Азбаяр /РД: МФ78060119, утас: 9939 5994/-ын  нэхэмжлэлтэй

Хариуцагч: Дархан-Уул аймаг, Дархан сум, 14 дүгээр баг, 2 дугаар хороолол, 43 дугаар байр, 7 тоотод оршин суух Бууж овгийн Галтын Золбаяр /РД: ЧД86091776, утас: 8875 4229/-т холбогдох

“440,746 төгрөг гаргуулах туай” нэхэмжлэлийн шаардлагад 2016 оны 12 дугаар сарын 28-ны өдөр иргэний хэрэг үүсгээд

ТОДОРХОЙЛОХ нь:

Нэхэмжлэгч шүүхэд ирүүлсэн нэхэмжлэлийн шаардлагадаа:

“... Г.Золбаяраас 440,746 төгрөг гаргуулж өгнө үү” гэжээ.

Хариуцагч Г.Золбаяр шүүхэд ирүүлсэн хариу тайлбартаа:

“Б.Азбаярын нэхэмжлэлтэй танилцлаа. Миний цалингийн зээлд 440,746 төгрөг төлсөн нь үнэн. Би 2017 оны 02 дугаар сарын 28-ны дотор 440,746 төгрөгийг бүрэн төлж барагдуулна” гэжээ.                                                                                              

ҮНДЭСЛЭХ нь:

Нэхэмжлэгч Б.Азбаяр нь хариуцагч Г.Золбаярт холбогдуулан  440,746 төгрөгийг гаргуулахаар нэхэмжлэлийн шаардлага гаргасан байна.

Иргэний хэрэг шүүхэд хянан шийдвэрлэх тухай 26 дугаар зйлийн 26.3-т зааснаар хариуцагч нь нэхэмжлэлийн шаардлагыг хүлээн зөвшөөрөх эрхийн дагуу Г.Золбаяр нь 440,746 төгрөгийг 2017 оны 02 дугаар сарын 28-ны дотор бүрэн төлж барагдуулна гэж хариу тайлбар ирүүлсэн байна.

Нэхэмжлэлийн шаардлагыг хүлээн зөвшөөрсөн талаар ирүүлсэн хариу тайлбар нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй,

хариуцагч гарын үсэг зурж баталгаажуулсан байх тул хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй байна.

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч Г.Золбаяр нь  нэхэмжлэгч Б.Азбаярт төлөх 440,746 төгрөгийг 2017 оны 02 дугаар сарын 28-ны дотор бүрэн төлж барагдуулна гэж хүлээн зөвшөөрсөнийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Б.Азбаярын 2016 оны 12 дугаар сарын 21-ний өдөр Худалдаа хөгжлийн банк төрийн сан 190 000 941 тоот дансанд тушаасан тэмдэгтийн хураамж 13,900 төгрөгийг төрийн сангийн орлогод хэвээр үлдээж, төрийн сангийн орлогоос тэмдэгтийн хураамжийн 50 хувь болох 6,950 төгрөгийг, хариуцагч Г.Золбаяраас тэмдэгтийн хураамжийн 50 хувь болох 6,950 төгрөгийг тус тус гаргуулан нэхэмжлэгч Б.Азбаярт олгосугай.

3. Иргэний  хэрэг шүүхэд хянан шийдвэрлэх тухай хуулийн 11 дүгээр зүйлд зааснаар энэхүү шийдвэрийг хариуцагч сайн дураар биелүүлэх үүрэгтэй бөгөөд, хуульд заасан үндэслэл журмын дагуу албадан гүйцэтгэх учрыг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны  шүүхэд дахин нэхэмжлэл гаргах эрхгүй болохыг дурдсугай.

 

  ШҮҮГЧ                                        Ч.БАТЧИМЭГ