Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Дорнод аймаг дахь Сум дундын иргэний хэргийн анхан шатны шүүхийн Ерөнхий шүүгч С.Ганчимэг би,

Дорнод аймгийн ******* сумын ******* ******* Х.Баттулгын нэхэмжлэлтэй,

Дорнод аймгийн ******* сумын ******* багт орших, ******* регистрийн дугаартай, ******* овогт ******* ******* холбогдох,

Зээлийн гэрээний үүрэг 12.413.246 төгрөг гаргуулах тухай иргэний хэргийг 2016 оны 12 сарын 15-ны өдөр хүлээн авч хянаад ТОДОРХОЙЛОХ нь:

 

Нэхэмжлэгч Х.Баттула шүүхэд гаргасан нэхэмжлэлдээ: ******* нь ******* сумын сум хөгжүүлэх сангаас 2013 оны 4 сарын 05-ны өдөр гэрээ байгуулан 15.000.000 төгрөгийг 36 сарын хугацаатай, сарын 0,25 хувийн хүүтэй зээлдэж авсан. Зээлийн гэрээний хугацаа 2016 оны 4 сарын 05-ны өдөр дууссан боловч ******* нь зээлийн гэрээгээр хүлээсэн үүргээ биелүүлэхгүй байна. Гэрээний үүргээ биелүүлэхийг албан бичгээр 5 удаа хүргүүлсэн боловч зээлээ төлөөгүй болно. Иргэн ******* нь зээлээ хугацаандаа төлөөгүйн улмаас учирч буй хор уршиг нь дараагийн иргэн ажлын байраар хангагдахгүй сум хөгжүүлэх сангийн зээлийн эргэн төлөлт удааширч байна. ******* нь үндсэн зээл 15.000.000 төгрөг, 36 сарын зээлийн хүү 795.205 төгрөг, нийт 15.795.205 төгрөг төлөхөөс 3.541.000 төгрөгийг төлсөн байна. Иймд иргэн *******аас зээлийн үлдэгдэл 12.245.205 төгрөг, хүү алданги 159.041 төгрөг, нийт 12.413.246 төгрөгийг хуулийн дагуу гаргуулж өгнө үү гэжээ.

 

Хариуцагч ******* шүүхэд ирүүлсэн хариу тайлбартаа: ******* сумын ******* даргын шүүхэд гаргасан нэхэмжлэлтэй танилцлаа. Би сум хөгжүүлэх сангаас 2013 оны 4 сарын 05-ны 15.000.000 төгрөгийг зээлж авсан нь үнэн. Зээл авснаас хойш зээлээ төлж байгаад 2014 оны 9 сараас хойш төлөөгүй. Одоо нийт төлөх 12.413.246 төгрөгийг төлөхөд татгалзах зүйлгүй. Уг мөнгийг 2017 оны 2 сараас эхлэн сараас эхлэн төлж барагдуулах болно гэжээ.

 

Хэргийн материалыг шүүх хянаад ҮНДЭСЛЭХ нь:

Нэхэмжлэгч ******* сумын ******* ******* Х.Баттулга нь хариуцагч *******аас зээлийн гэрээний үүргийн биелэлт 12.413.246 төгрөг нэхэмжилжээ.

Хариуцагч ******* нь ******* сумын ******* Т.Амгалантай 2013 оны 4 сарын 05-ны өдөр зээлийн гэрээ байгуулан тус сумын сум хөгжүүлэх сангаас модон эдлэлийн үйлдвэрлэл эрхлэх зорилгоор 15.000.000 төгрөгийг 36 сарын хугацаатай, сарын 0.25 хувийн хүүтэй зээлж аваад гэрээний үүргээ зохих ёсоор биелүүлээгүй болох нь зохигчдын тайлбар, сум хөгжүүлэх сангаас олгох зээлийн гэрээ, Уран дархан нэртэй төслийн материал зэрэг бичмэл баримтуудаар батлагдаж байна.

 

Хэрэг хянан шийдвэрлэх ажиллагааны явцад хариуцагч ******* нь зээлийн гэрээний үүрэг 12.413.246 төгрөг төлөхийг хүлээн зөвшөөрч шүүхэд бичгээр баталгаа гаргаж өгсөн байх тул хэргийг хялбаршуулсан журмаар шийдвэрлэх үндэслэлтэй гэж шүүх үзлээ.

Монгол Улсын Иргэний хэрэг шүүхэд хянан шийдвэрлэх тухай хуулийн 74, 75 дугаар зүйлүүдэд заасныг удирдлага болгон ЗАХИРАМЖЛАХ нь:

1. Хариуцагч ******* нь зээлийн гэрээний үүрэг 12.413.246 /арван хоёр сая дөрвөн зуун арван гурван мянга хоёр зуун дөчин зургаа/ төгрөгийг Дорнод аймгийн ******* сумын Сум хөгжүүлэх сан-д төлөхийг хүлээн зөвшөөрснийг баталж, хэргийг хэрэгсэхгүй болгосугай.

 

2. Улсын тэмдэгтийн хураамжийн тухай хуулийн 41 дүгээр зүйлийн 41.1.3-д зааснаар нэхэмжлэгч байгууллага нь улсын тэмдэгтийн хураамж төлөхөөс чөлөөлөгдсөн болохыг дурдсугай.

 

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар хариуцагч *******аас улсын тэмдэгтийн хураамжид 106.781 төгрөгийг гаргуулж төсвийн орлого болгосугай.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, уг асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

5. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

 

 

 

ЕРӨНХИЙ ШҮҮГЧ С.ГАНЧИМЭГ