Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75 дугаар зүйлийг удирдлага болгон

ЗАХИРАМЖЛАХ НЬ:

1. Хариуцагч Т.Т нь нэхэмжлэлийн шаардлага болох 5,863,997 төгрөгийг төлөхийг хүлээн зөвшөөрч, 2017 оны 01 дүгээр сараас эхлэн 2017 оны 02 дугаар сарыг хүртэлх хугацаанд сар бүр 200,000 төгрөг, 2017 оны 03 дугаар сараас эхлэн 2017 оны 06 дугаар сарыг хүртэлх хугацаанд сар бүр 150,000 төгрөг, 2017 оны 07 дугаар сараас эхлэн 2018 оны 03 дугаар сарыг хүртэлх хугацаанд сар бүр 500,000 төгрөг, 2018 оны 04 дүгээр сард 363,997 төгрөг төлж, нийт 5,863,997 төгрөгийг Дорноговь аймгийн Хатанбулаг сумын Засаг даргын Тамгын газрын Сум хөгжүүлэх санд төлж барагдуулахаар нэхэмжлэгчийн итгэмжлэгдсэн төлөөлөгчтэй харилцан тохиролцсон зохигчдын эвлэрлийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1, 41 дүгээр зүйлийн 41.1.3 дахь хэсэгт зааснаар нэхэмжлэгч нь улсын тэмдэгтийн хураамж төлөхөөс чөлөөлөгдсөн болохыг дурдаж, хариуцагч Т.Т 54,387 төгрөгийг гаргуулж улсын орлогод оруулсугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.6 дахь хэсэгт зааснаар энэхүү захирамжийг хариуцагч Т.Т нь сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар шүүгчийн захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

ШҮҮГЧ Г.АЛГИРМАА