Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Говьсүмбэр аймаг дахь сум дундын Иргэний хэргийн анхан шатны шүүхийн Ерөнхий шүүгч Б.Наранчимэг би Улаанбаатар хот, Чингэлтэй дүүрэг, Самбуугийн гудамж, өөрийн байранд байрлах “Мобиком корпораци” ХХК /Хуулийн этгээдийн РД:9072572, утас:75759944/-ийн гаргасан Говьсүмбэр аймгийн Шивээговь сумын 2 дугаар баг, Бэхтийн 2-03 тоотод оршин суух, Боржигон овогт Батаагийн Таван-Эрдэнэд /РД:ЕЙ89032624, эмэгтэй, утас:89901556, 99948506/ холбогдох үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөр нийт 1 463 728 төгрөгийг гаргуулах тухай нэхэмжлэлийг 2016 оны 12 дугаар сарын 22-ны өдөр хүлээн авч хянаад ТОДОРХОЙЛОХ нь:

 

Нэхэмжлэгч “Мобиком корпораци” ХХК нь шүүхэд гаргасан нэхэмжлэлдээ: Хариуцагч нь манай нөхцлийг хүлээн зөвшөөрч хэрэглэгч болох хүсэлтээ гарган 2223423 тоот гэрээ байгуулан 99301673 дугаартай үүрэн холбооны дараа төлбөрт үйлчилгээг мөн “Гар утас, төхөөрөмж  худалдах, худалдан авах нэмэлт гэрээ” байгуулан iPhono 5c 32 GB утсыг зээлээр худалдан авч ашиглаж эхэлсэн. Хариуцагч нь Харилцаа холбооны тухай хуулийн 26 дугаар зүйлийн 26.2-т заасан болон гэрээгээр хүлээсэн үүргээ үл биелүүлэн үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөрийг төлөөгүй учир үйлчилгээг зогсоож, төлбөрийн үлдэгдлээ төлөхийг сануулж “Анхааруулах хуудас” илгээсэн боловч төлбөр төлөгдөөгүй байна. Хариуцагчийн төлбөрөөс барьцаа 30 000 төгрөгийг хассан болно. Иймд хариуцагч Б.Таван-Эрдэнээс үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөр нийт 1 463 728 төгрөгийг гаргуулж өгнө үү гэжээ.

 

Хариуцагч Б.Таван-Эрдэнэ нь шүүхэд гаргасан хариу тайлбартаа: Миний бие Б.Таван-Эрдэнэ 22234923 тоот гэрээний төлбөр 1 463 728 төгрөгийг “Мобиком корпораци” ХХК-д төлнө. Ямар нэгэн маргаан байхгүй гэжээ.

 

ҮНДЭСЛЭХ нь:

 

Нэхэмжлэгч “Мобиком корпораци” ХХК нь хариуцагч Б.Таван-Эрдэнэд холбогдуулан үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөр нийт 1 463 728 төгрөгийг гаргуулахаар нэхэмжлэлийн шаардлага гаргасан ба хариуцагч Б.Таван-Эрдэнэ нь нэхэмжлэлийн шаардлагыг хүлээн зөвшөөрснөө илэрхийлж шүүхэд тайлбар гаргасныг үндэслэн, хэргийг хэрэгсэхгүй болгож, хялбаршуулсан журмаар хянан шийдвэрлэх үндэслэлтэй байна.

 

Хариуцагч нэхэмжлэлийн шаардлагыг бүрэн хэмжээгээр хүлээн зөвшөөрсөн тул нэхэмжлэгчийн улсын тэмдэгтийн хураамжинд урьдчилан төлсөн 38 370 төгрөгийн тавин хувь болох 19 185 төгрөгийг орон нутгийн төсвийн орлогод хэвээр үлдээж, 19 185 төгрөгийг буцаан гаргуулж, хариуцагч Б.Таван-Эрдэнээс улсын тэмдэгтийн хураамжинд 19 185 төгрөг гаргуулж тус тус нэхэмжлэгч “Мобиком корпораци” ХХК-д олгох нь хуульд нийцнэ. 

 

Монгол Улсын Иргэний хэрэг шүүхэд хянан шийдвэрлэх тухай хуулийн 75, 123 дугаар зүйлийн 123.1-т заасныг удирдлага болгон ЗАХИРАМЖЛАХ нь:

 

1.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч “Мобиком корпораци” ХХК-ийн гаргасан нэхэмжлэлийн шаардлага болох үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөр нийт 1 463 728 /нэг сая дөрвөн зуун жаран гурван мянга долоон зуун хорин найман/ төгрөгийг хариуцагч Б.Таван-Эрдэнэ нь төлөхийг хүлээн зөвшөөрсөн болохыг баталж, хэргийг хэрэгсэхгүй болгосугай.

 

2.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгчийн улсын тэмдэгтийн хураамжинд урьдчилан төлсөн 38 370 төгрөгийн тавин хувь болох 19 185 төгрөгийг орон нутгийн төсвийн орлогод хэвээр үлдээж, 19 185 төгрөгийг буцаан гаргуулж, хариуцагч Б.Таван-Эрдэнээс улсын тэмдэгтийн хураамжинд 19 185 төгрөг гаргуулж тус тус нэхэмжлэгч “Мобиком корпораци” ХХК-д олгосугай.

 

3.Шүүгчийн захирамжийг хариуцагч нь сайн дураар эс биелүүлбэл Иргэний хэрэг шүүхэд хянан шийдвэрлэх тухай хуулийн 185 дугаар зүйлийн 185.1.1-д зааснаар нэхэмжлэгч нь уг захирамжийг албадан гүйцэтгүүлэх хүсэлтээ шүүхэд гаргах эрхтэйг мэдэгдсүгэй.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тохиолдолд зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй.

 

 

  

ЕРӨНХИЙ ШҮҮГЧ                                    Б.НАРАНЧИМЭГ