Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлд заасныг тус тус удирдлага болгон ТОГТООХ нь:

             1.Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д заасныг баримтлан Дунгуй овогт Банзрагчийн Баатарчулуун /ЗП56062410/-ы Барилга барилгын материалын үйлдвэрийн яамны харъяа Дундговь аймаг дахь барилгын материалын үйлдвэрийн баазын зуухан цехэд 1976 оны 7 сарын 24-нөөс 1978 оны 6 сарын 3-н хүртэл машинистаар, Эрчим хүч, уул уурхайн үйлдвэр, геологийн яамны харьяа Дундговь аймгийн Эрчим хүчний үйлдвэрийн харьяа Эрдэнэдалай сум дахь Цахилгаан станцын салбарт 1978 оны 6 сарын 4-нөөс 1988 оны 7 сарын 20-н хүртэл самбарчнаар тус тус ажиллаж байсан байдлыг тогтоосугай.

 2.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар нэхэмжлэгч Б.Баатарчулууны улсын тэмдэгтийн хураамжид урьдчилсан төлсөн 70200 /далан мянга хоёр зуу/ төгрөгийг улсын орлогод хэвээр үлдээсүгэй.

 3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2, 120 дугаар зүйлийн 120.2-т зааснаар шийдвэр нь танилцуулан сонсгомогц хүчинтэй болох ба нэхэмжлэгч анхан шатны шүүхийн шийдвэрийг гардан авсан өдрөөс хойш 14 хоногийн дотор Дундговь аймгийн Эрүү, иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

 

 

 

 

           ДАРГАЛАГЧ  ШҮҮГЧ                                 Б.ДЭЛГЭРЦЭЦЭГ