Нэхэмжлэлийн шаардлагыг хариуцагч биелүүлсэнг
баталж, хэргийг хэрэгсэхгүй болгох тухай

 

Хэргийн индекс: 156/2016/00699/И

Хэнтий аймаг дахь сум дундын Иргэний хэргийн анхан шатны шүүхийн шүүгч Л.Цэрэндулам  би,

Хариуцагч: Хэнтий аймгийн Хэрлэн сумын 7 дугаар баг, Өлзийт тосгонд оршин суух, Чирүш овогт Сейтханы Саяхатад (РД: СЮ-66031370)  холбогдох,

Хэнтий аймгийн цагдаагийн газрын нэхэмжлэлтэй,  "үйлчилгээний төлбөр 4150 төгрөгийг гаргуулах" тухай иргэний хэргийг хянаад

ТОДОРХОЙЛОХ НЬ:

Нэхэмжлэгч Хэнтий аймаг дахь цагдаагийн газар нь шүүхэд гаргасан нэхэмжлэлийн шаардлагадаа: ... Хэрлэн сумын 7 дугаар баг Өлзийт тосгонд оршин суух эрхэлсэн тодорхой ажилгүй Сейтханы Саяхат нь 2016 оны 06 дугаар сарын 16-ны өдөр согтуугаар бусдын амгалан тайван байдлыг алдагдуулсан зөрчлөөр саатуулагдсан юм. С.Саяхат нь саатуулах байрны үйлчилгээний төлбөр 4.150 төгрөгийг төлөөгүй тул гаргуулж өгнө үү гэжээ. (хх-ийн 1 тал)

Хариуцагч С.Саяхат шүүхэд гаргасан хариу тайлбартаа: Би Хэнтий аймаг дахь цагдаагийн газрын шүүхэд гаргасан нэхэмжлэлтэй танилцлаа. Нэхэмжлэгч байгууллагын нэхэмжилсэн үйлчилгээний төлбөр 4150 төгрөгийг төлсөн. Энэ хэрэгт маргаантай зүйл байхгүй тул өмгөөлөгч авахгүй, шинээр гаргаж өгөх нотлох баримт байхгүй гэжээ. (хх-ийн 13 тал)

ҮНДЭСЛЭХ НЬ:

Нэхэмжлэгч Хэнтий аймаг дахь цагдаагийн газар нь хариуцагч С.Саяхатаас "үйлчилгээний төлбөр 4150 төгрөгийг гаргуулах”-аар шүүхэд нэхэмжлэлийн шаардлага гаргажээ.

Хариуцагч С.Саяхат нь хэрэг хянан шийдвэрлэх ажиллагааны явцад нэхэмжлэгч Хэнтий аймаг дахь цагдаагийн газрын нэхэмжлэлийн шаардлагыг хүлээн зөвшөөрч үйлчилгээний төлбөр 4 150 төгрөгийг 2016 оны 11 дүгээр сарын 29-ний өдөр төлсөн болох нь Төрийн банкны мөнгөн шилжүүлэгийн баримтаар нотлогдож байна. (хх-ийн 15 тал)

Иймд нэхэмжлэлийн шаардлагыг хариуцагч биелүүлсэнг баталж, хэргийг хэрэгсэхгүй болгох нь зүйтэй гэж шүүх үзэв.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75, 123 дугаар зүйлийн 123.1-д  заасныг удирдлага болгон

ЗАХИРАМЖЛАХ НЬ:

1. Хариуцагч С.Саяхатад холбогдох Хэнтий аймаг дахь цагдаагийн газрын нэхэмжлэлтэй, “үйлчилгээний төлбөр 4150 төгрөгийг гаргуулах” тухай иргэний хэрэгт нэхэмжлэлийн шаардлагыг хариуцагч биелүүлсэнг баталж, хэргийг хэрэгсэхгүй болгосугай.

2. Нэхэмжлэгч байгууллага нь Улсын тэмдэгтийн хураамжийн тухай хуулийн 41 дүгээр зүйлийн 41.1.3-д заасны дагуу тэмдэгтийн хураамж төлөхөөс чөлөөлөгдсөн болохыг дурдаж, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар хариуцагч С.Саяхатаас улсын тэмдэгтийн хураамж 2275 төгрөгийг гаргуулж улсын төсвийн орлогод оруулсугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигчид тэдний төлөөлөгч, өмгөөлөгч нар шүүгчийн захирамжид  давж заалдах, хяналтын журмаар хэргийг хянуулахаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурьдсугай.    
 

 

ШҮҮГЧ                                  Л.ЦЭРЭНДУЛАМ