Баянгол дүүргийн Иргэний хэргийн анхан шатны шүүхийн шүүгч З.Доржнамжин даргалж, тус шүүхийн танхимд хийсэн иргэний хэргийн шүүх хуралдаанаар

 

Хүсэлт  гаргагч:Баянгол  дүүргийн 14 дүгээр хороо, 50 дугаар байрны 131 тоотод оршин суух, эмэгтэй, регистрийн дугаар ШЖ 84083066, Олхонууд овогт Пүрэвсүрэнгийн Солонгын Д.Батболдыг эрэн сурвалжлуулах тухай хүсэлтийг 2017 оны 1 дүгээр сарын 19-ний өдөр хүлээн авч хянан хэлэлцэв.

 

            Шүүх хуралдаанд:Хүсэлт гаргагч П.Солонго, шүүх хуралдааны нарийн бичгийн дарга Д.Агиймаа  нар оролцов.

 

                                                   ТОДОРХОЙЛОХ нь:

 

П.Солонго шүүхэд гаргасан хүсэлтэндээ болон шүүх хуралдаанд тайлбарлахдаа:Би Д.Баатболдод холбогдуулан гэрлэлт цуцлуулах тухай нэхэмжлэлийг Баянгол дүүргийн шүүхэд гаргасан боловч хариуцагч Д.Батболд хэргийг шийдвэрлүүрэхээс зайлсхийж одоо хаана байгаа нь мэдэгдэхгүй байгаа тул түүнийг эрэн сурвалжилж хаягийг тогтоож өгнө үү гэв.

 

Хэрэгт байгаа болон шүүх хуралдаанаар хэлэлцэгдсэн нотлох баримтуудыг шинжлэн судлаад ҮНДЭСЛЭХ  нь:

П.Солонгын Д.Батболдыг эрэн сурвалжлуулах хүсэлтийг хангаж шийдвэрлэх үндэстэй байна.

 

П.Солонгын хүсэлт болон түүний тайлбар, гэрлэлтийн баталгаа зэргээс харахад Д.Батболд  нь  хариуцагч байх боломжтой байна.

 

Иргэний эрх зүйн харилцаанд хариуцагчаар оролцвол зохих этгээд болох Д.Батболд Баянгол дүүргийн 18 дугаар хороо, Мон Алтиус сургуулийн урд 70/2 дугаар байрны 21 тоотод оршин суудаггүй болох нь 2017 оны 1 дүгээр сарын 09-ний өдрийн Баянгол дүүргийн иргэний хэргийн анхан шатны шүүхийн шүүгчийн 793 дугаартай хэргийг хэрэгсэхгүй болгосон захирамжаар тогтоогдож байх тул түүнийг эрэн сурвалжилж, оршин суугаа хаягийг тогтоох нь зүйтэй байна.

 

           Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118, 133 дугаар зүйлийн 133.1.9-д заасныг удирдлага болгон                                                      ТОГТООХ нь: 

             1.Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-д зааснаар Дамбын Батболдыг эрэн сурвалжилсугай.

 

            2.Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-т зааснаар Д.Батболдыг эрэн сурвалжилж, түүний оршин суугаа хаягийг тогтоох ажиллагааг гүйцэтгэхийг Баянгол дүүргийн цагдаагийн хоёрдугаар хэлтэст  даалгасугай.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                       

 

            3.Д.Батболдтой холбогдох мэдээллийг Баянгол дүүргийн цагдаагийн хоёрдугаар хэлтэст  газарт гаргаж өгөхийг хүсэлт гаргагчид даалгасугай.

 

4.Шарнууд овогт Дамбын Батболд /ГЮ:74020215/ Баянгол дүүргийн 18 дугаар хороо, Модны 2, Мон Алтиус сургуулий урд, 70/2 байрны 21 тоотод оршин суудаг байсан болохыг дурдсугай.

 

5.Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1-д зааснаар П.Солонгын улсын тэмдэгтийн хураамжид төлсөн 70 200 /далан мянга хоёр зуун/ төгрөгийг улсын төсвийн орлогод хэвээр  үлдээсүгэй.

 

6.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэрийг танилцуулан сонсгомогц хүчинтэй болохыг дурдсугай.

 

7.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар шийдвэрийг зохигч гардаж авснаас хойш 14 хоногийн дотор Нийслэлийн иргэний хэргийн давж заалдах шатны шүүхэд гомдол гаргах эрхтэй болохыг дурдсугай.

 

 

 

 

                      

 

         ДАРГАЛАГЧ, ШҮҮГЧ                                   З.ДОРЖНАМЖИН