2016 оны 12 сарын 08 өдөр	Дугаар 102/ШШ2016/05999	Улаанбаатар хот

                                   

Нэхэмжлэгч нэхэмжлэлээсээ татгалзсаныг

                                    баталж, хэргийг хэрэгсэхгүй болгох тухай

 

 

Баянгол дүүргийн Иргэний хэргийн анхан шатны шүүхийн шүүгч А.Сарантуяа би, А.Г нэхэмжлэлтэй, Ш.Д холбогдох ажлын хөлсөнд 2,155,000 төгрөг гаргуулахыг хүссэн нэхэмжлэлийг 2016 оны 11 дүгээр сарын 03-ны  өдөр иргэний хэрэг үүсгэн хүлээн авч хянаад,

ТОДОРХОЙЛОХ нь:

 

Нэхэмжлэгч А.Г нь шүүхэд гаргасан хүсэлтдээ: Миний бие А.Г 2016 оны 10 дугаар сарын 27-ны өдөр тус шүүхэд нэхэмжлэл гаргасан. Хариуцагч Ш.Д харилцан тохиролцож 865,000 төгрөг авсан үлдэх 1,290,000 төгрөгөөсөө татгалзаж, нэхэмжлэлээсээ татгалзах хүсэлтэй байна. Иймд хэргийг хялбаршуулсан журмаар хянан шийдвэрлэж өгнө үү гэжээ.

 ҮНДЭСЛЭХ нь:

 

            Нэхэмжлэгч А.Г нь Ш.Д холбогдуулан ажлын хөлсөнд 2,155,000 төгрөг гаргуулах тухай нэхэмжлэлийн шаардлага гаргажээ.

 

            Хэрэг хянан шийдвэрлэх ажиллагааны явцад нэхэмжлэгч А.Г нь хариуцагч Ш.Д харилцан тохиролцож 865,000 төгрөг авсан үлдэх 1,290,000 төгрөгөөсөө татгалзаж, нэхэмжлэлээсээ татгалзах хүсэлтийг ирүүлсэн байх тул нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгох нь зүйтэй гэж шүүх үзлээ.

 

            Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.6, 75 дугаар зүйлүүдийг удирдлага болгон  

ЗАХИРАМЖЛАХ нь:

 

1.А.Г н нэхэмжлэлтэй, Ш.Д холбогдох ажлын хөлсөнд 2,155,000 төгрөгийг гаргуулах иргэний хэрэгт нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгосугай.

 

            2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 49,450 төгрөгийг улсын төсөвт үлдээж, Баянгол дүүргийн Татварын хэлтсийн 2602002965 тоот данснаас улсын тэмдэгтийн тал хувь 24,725 төгрөгийг гаргуулж нэхэмжлэгч А.Г  буцаан олгосугай.

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болгохыг дурдсугай.

 

 

 

 

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                  

 

ШҮҮГЧ                                    А.САРАНТУЯА