| Шүүх | Баянгол дүүргийн Иргэний хэргийн анхан шатны шүүх |
|---|---|
| Шүүгч | Адъяахүүгийн Сарантуяа |
| Хэргийн индекс | 102/2016/07917/И |
| Дугаар | 110 |
| Огноо | 2017-01-04 |
| Маргааны төрөл | Ажил гүйцэтгэх, |
Баянгол дүүргийн Иргэний хэргийн анхан шатны шүүхийн Шүүгчийн захирамж
2017 оны 01 сарын 04 өдөр
Дугаар 110
2017 оны 01 сарын 04 өдөр
| Дугаар 102/ШШ2017/00110 | Улаанбаатар хот | |
|
|
|
|
|
|
|
|
Нэхэмжлэгч нэхэмжлэлээсээ татгалзсаныг
баталж, хэргийг хэрэгсэхгүй болгох тухай
Баянгол дүүргийн Иргэний хэргийн анхан шатны шүүхийн шүүгч А.Сарантуяа би, МСМ групп ХХК-ийн нэхэмжлэлтэй, Нэйшнл рөүд ХХК-д холбогдох нэхэмжлэлийг 2016 оны 12 дугаар сарын 07-ны өдөр иргэний хэрэг үүсгэн хүлээн авч хянаад,
ТОДОРХОЙЛОХ нь:
Нэхэмжлэгч МСМ групп ХХК-ийн итгэмжлэгдсэн төлөөлөгч Д.Дашням шүүхэд гаргасан хүсэлтдээ: Манай компанийн нэхэмжлэлтэй Нэйшнл рөүд ХХК-д холбогдох нэхэмжлэлийн шаардлагаасаа бүрэн татгалзаж байх тул хэргийг хялбаршуулсан журмаар хянан шийдвэрлэж өгнө үү гэжээ.
ҮНДЭСЛЭХ нь:
Нэхэмжлэгч МСМ групп ХХК нь Нэйшнл рөүд ХХК-д холбогдуулан төхөөрөмж түрээсээр ашиглуулах гэрээний үүргийн гүйцэтгэлд 8,901,161 төгрөг гаргуулах тухай нэхэмжлэлийн шаардлага гаргажээ.
Хэрэг хянан шийдвэрлэх ажиллагааны явцад нэхэмжлэгч МСМ групп ХХК-иас нэхэмжлэлийн шаардлагаасаа бүрэн татгалзах тухай хүсэлт ирүүлсэн байх тул нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгох нь зүйтэй гэж шүүх үзлээ.
Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.6, 75 дугаар зүйлүүдийг удирдлага болгон
ЗАХИРАМЖЛАХ нь:
1.МСМ групп ХХК-ийн нэхэмжлэлтэй, Нэйшнл рөүд ХХК-д холбогдох төхөөрөмж түрээсээр ашиглуулах гэрээний үүргийн гүйцэтгэлд 8,901,161 төгрөг гаргуулах иргэний хэрэгт нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгосугай.
2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 157,369 төгрөгийг улсын төсөвт үлдээж, Баянгол дүүргийн Татварын хэлтсийн 2602002965 тоот данснаас улсын тэмдэгтийн тал хувь 78,684 төгрөгийг гаргуулж нэхэмжлэгч МСМ групп ХХК-д буцаан олгосугай.
3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болгохыг дурдсугай.
ШҮҮГЧ А.САРАНТУЯА