| Шүүх | Баянгол дүүргийн Иргэний хэргийн анхан шатны шүүх |
|---|---|
| Шүүгч | Адъяахүүгийн Сарантуяа |
| Хэргийн индекс | 102/2016/08017/И |
| Дугаар | 328 |
| Огноо | 2017-01-25 |
| Маргааны төрөл | Бусад зээл, |
Баянгол дүүргийн Иргэний хэргийн анхан шатны шүүхийн Шүүгчийн захирамж
2017 оны 01 сарын 25 өдөр
Дугаар 328
| 2017 оны 01 сарын 25 өдөр | Дугаар 102/ШШ2017/00328 | Улаанбаатар хот |
Нэхэмжлэгч нэхэмжлэлээсээ татгалзсаныг
баталж, хэргийг хэрэгсэхгүй болгох тухай
Баянгол дүүргийн Иргэний хэргийн анхан шатны шүүхийн шүүгч А.Сарантуяа би, “Дулаанхаан-50” сууц өмчлөгчдийн холбооны нэхэмжлэлтэй, Н.Ц-д холбогдох 496,252 төгрөг гаргуулахыг хүссэн нэхэмжлэлийг 2016 оны 12 дугаар сарын 14-ний өдөр иргэний хэрэг үүсгэн хүлээн авч хянаад,
ТОДОРХОЙЛОХ нь:
Нэхэмжлэгч “Дулаанхаан-50” сууц өмчлөгчдийн холбооны итгэмжлэгдсэн төлөөлөгч Л.Ө шүүхэд гаргасан хүсэлтдээ: Тус сууц өмчлөгчдийн холбооны оршин суугч н.Цоггэрэлээс 496,252 төгрөгийг нэхэмжилсэн боловч бид нар харилцан тохиролцож алданги 147,052 төгрөгийг чөлөөлж, үлдэх 349,200 төгрөгийг н.Цоггэрэл нь төлсөн тул шүүхэд гаргасан нэхэмжлэлийн шаардлагаас татгалзаж байна гэжээ.
ҮНДЭСЛЭХ нь:
Нэхэмжлэгч “Дулаанхаан-50” сууц өмчлөгчдийн холбоо нь н.Ц-д холбогдуулан 496,252 төгрөг гаргуулах тухай нэхэмжлэлийн шаардлага гаргажээ.
Хэрэг хянан шийдвэрлэх ажиллагааны явцад хариуцагч н.Ц нь нэхэмжлэлийн шаардлага болох 496,252 төгрөгнөөс 349,200 төгрөгийг төлж, нэхэмжлэгч “Дулаанхаан-50” сууц өмчлөгчдийн холбоо нь нэхэмжлэлийн шаардлагын үлдэх хэсэг болох 147,052 төгрөгнөөс татгалзаж, нэхэмжлэлээсээ татгалзаж буйгаа илэрхийлэн шүүхэд хүсэлтээ ирүүлсэн байх тул түүний татгалзлыг баталж, хэргийг хэрэгсэхгүй болгох нь зүйтэй гэж шүүх үзэв.
Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75 дугаар зүйлүүдийг удирдлага болгон
ЗАХИРАМЖЛАХ нь:
1.“Дулаанхаан-50” сууц өмчлөгчдийн холбооны нэхэмжлэлтэй, н.Ц-д холбогдох 496,252 төгрөг гаргуулах тухай иргэний хэрэгт нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгосугай.
2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч байгууллагаас улсын тэмдэгтийн хураамжид төлсөн 15,538 төгрөгийн тал хувь болох 7,769 төгрөгийг улсын төсөвт хэвээр үлдээж, үлдэх 7,769 төгрөгийг Баянгол дүүргийн Татварын хэлтсийн 2602002965 тоот данснаас гаргуулж, нэхэмжлэгч “Дулаанхаан-50” сууц өмчлөгчдийн холбоонд олгосугай.
3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болгохыг дурдсугай.
ШҮҮГЧ А.САРАНТУЯА