2017 оны 01 сарын 03 өдөр

Дугаар 102/ШШ2017/00089

Улаанбаатар хот

 

 

МОНГОЛ УЛСЫН НЭРИЙН ӨМНӨӨС

 

Баянгол дүүргийн Иргэний хэргийн анхан шатны шүүхийн шүүгч Ч.Цэнд даргалж, тус шүүхийн хуралдааны танхимд хийсэн шүүх хуралдаанаар,

Хүсэлт гаргагч: Баянгол дүүрэг, 1 дүгээр хороо, Нарны зам, 64/7 тоотод оршин байгаа Си Си Эс Эм Жи Эл ХХК-ийн,

Иргэний эрх зүйн маргаанд хариуцагчаар оролцвол зохих этгээдийг эрэн сурвалжлуулах тухай хүсэлтийг 2016 оны 12 дугаар сарын 08-ны өдөр хүлээн авч, мөн сарын 15-ны өдөр иргэний хэрэг үүсгэснээр хянан хэлэлцэв.

 

Шүүх хуралдаанд: Хүсэлт гаргагч компанийн итгэмжлэгдсэн төлөөлөгч П.Сэлэнгэ, шүүх хуралдааны нарийн бичгийн даргаар С.Мөнхжаргал нар оролцов.

ТОДОРХОЙЛОХ нь:

Хүсэлт гаргагч Си Си Эс Эм Жи Эл ХХК, түүний итгэмжлэгдсэн төлөөлөгч П.Сэлэнгэ шүүхэд болон шүүх хуралдаанд гаргасан нэхэмжлэлдээ: Манай компани нь Коузлфинанси ХХК-д холбогдуулан шүүхэд нэхэмжлэл гаргасан боловч Чингэлтэй дүүргийн Иргэний хэргийн анхан шатны шүүхийн шүүгчийн 2016 оны 11 дүгээр сарын 29-ний өдрийн 182/ШЗ2016/05629 дүгээр захирамжаар хэргийг хэрэгсэхгүй болгосон.

Дээрх шүүгчийн захирамжид шүүх хариуцагчийг эрэн сурвалжлах шаардлага бий болсон үндэслэлээр зохих ажиллагааг хангалттай хийсэн боловч үр дүнд хүрээгүй тул нэхэмжлэгч компани нь иргэний эрх зүйн маргаанд хариуцагчаар оролцвол зохих этгээд оршин суух хаягтаа байхгүй, хаана байгаа нь мэдэгдэхгүй байгаа бол түүнийг эрэн сурвалжлах хүсэлтээ Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.1-д заасны дагуу гаргах нь зүйтэй гэжээ.

Иймд дээрх хуульд заасны дагуу Коузлфинанси ХХК болон захирал Б.Энхтайваныг эрэн сурвалжилж өгнө үү гэв.

 

Шүүх зохигчийн тайлбар, шүүх хуралдаанаар хэлэлцэгдсэн нотлох баримтуудыг шинжлэн судлаад ҮНДЭСЛЭХ нь:

Хүсэлт гаргагч Си Си Эс Эм Жи Эл ХХК нь Коузлфинанси ХХК болон захирал Б.Энхтайваныг эрэн сурвалжлуулах хүсэлт гаргажээ.

Хэрэгт авагдсан бөгөөд шүүх хуралдаанаар хэлэлцэгдсэн бичгийн нотлох баримтуудаас үзэхэд Коузлфинанси ХХК нь иргэний эрх зүйн маргаанд хариуцагчаар оролцвол зохих этгээд болох, мөн үйл ажиллагаа явуулж буй газрын хаяг тодорхойгүй байгаа нь хүсэлт гаргагчийн тайлбар, Чингэлтэй дүүргийн Иргэний хэргийн анхан шатны шүүхийн шүүгчийн 5629 дүгээр захирамж зэргээр нотлогдож байна. /хх-1, 4, 12 дугаар хуудас/

Иймд Иргэний хэрэг шүүхэд хянан шийдвэрлэх тухай /цаашид хуулийн гэх/ хуулийн 155 дугаар зүйлийн 155.3-т заасныг баримтлан Коузлфинанси ХХК болон захирал Б.Энхтайваныг эрэн сурвалжлан, мөн зүйлийн 155.4-т зааснаар Баянгол дүүргийн Цагдаагийн 1 дүгээр хэлтэст иргэний эрх зүйн маргаанд хариуцагчаар оролцвол зохих этгээдийн үйл ажиллагаа явуулж буй газрын болон захирал Б.Энхтайваны оршин суугаа газрын хаягийг тогтоох ажиллагаа явуулахыг даалгаж, хуулийн 57 дугаар зүйлийн 57.1-д заасны дагуу хүсэлт гаргагчаас улсын тэмдэгтийн хураамжид урьдчилан төлсөн 70,200 төгрөгийг улсын орлогод хэвээр үлдээж шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 155 дугаар зүйлийн 155.3-т заасныг тус тус удирдлага болгон ТОГТООХ нь:

1.Иргэний эрх зүйн маргаанд хариуцагчаар оролцвол зохих этгээд болох Коузлфинанси ХХК болон захирал Б.Энхтайваныг эрэн сурвалжилсугай.

  2.Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-т зааснаар Баянгол дүүргийн Цагдаагийн 1 дүгээр хэлтэст иргэний эрх зүйн маргаанд хариуцагчаар оролцвол зохих этгээд буюу Коузлфинанси ХХК-ийн үйл ажиллагаа явуулж буй газрын болон захирал Б.Энхтайваны оршин суугаа газрын хаягийг тогтоох ажиллагаа явуулахыг даалгасугай.

  3.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-д заасны дагуу хүсэлт гаргагчаас улсын тэмдэгтийн хураамжид урьдчилан төлсөн 70,200 төгрөгийг улсын орлогод хэвээр үлдээсүгэй. 

4.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдгээрийн төлөөлөгч буюу өмгөөлөгч шүүхийн шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэйг дурдсугай.

 

Хүсэлт гаргагч: Баянгол дүүрэг, 1 дүгээр хороо, Нарны зам, 64/7 тоотод оршин байгаа Си Си Эс Эм Жи Эл ХХК /РД-2739623/, утас 99112474, 314182, 99010999, 89118684.

 

 

 

ДАРГАЛАГЧ ШҮҮГЧ Ч.ЦЭНД