Хариуцагч нэхэмжлэлийн шаардлагыг

хүлээн зөвшөөрснийг батлах тухай

Завхан аймаг дахь сум дундын иргэний хэргийн анхан шатны шүүхийн шүүгч Т.Балжинням би, Завхан аймгийн ******* нэхэмжлэлтэй М.*******т холбогдох 28000 /хорин найман мянга/ төгрөг гаргуулах тухай иргэний хэргийг хянаад

ТОДОРХОЙЛОХ нь:

Нэхэмжлэгч Завхан аймгийн Цагдаагийн газар шүүхэд гаргасан нэхэмжлэлдээ: М.******* нь 2017 оны 01-р сарын 19-нд Завхан аймаг дахь сум дундын эрүүгийн хэргийн анхан шатны шүүхийн ******* тоот шийтгэврээр 10 хоногоор баривчлагдаад баривчлах байрны шууд зардал 28000 төгрөгийг төлөөгүй байна.

Иймд Б.*******аар 28000 төгрөгийн шууд зардлыг төлүүлж өгнө үү гэжээ.

  Хариуцагч М.******* шүүхэд гаргасан хариу тайлбартаа: Би баривчлах байрны 10 хоногийн зардал 28000 төгрөгийг 2017 оны 02-р сарын 03-ны өдөр төлнө гэжээ.

Хэрэгт цугларсан нотлох баримтуудыг шинжлэн судлаад ҮНДЭСЛЭХ нь:

Завхан аймгийн Цагдаагийн газар нь М.*******аас баривчлах байрны шууд зардал 28000 төгрөг гаргуулахаар шүүхэд нэхэмжлэл гаргажээ.

Хариуцагч М.******* нь төлбөрийг 2017 оны 02-р сарын 03-ны өдөр төлнө гэж нэхэмжлэлийн шаардлагыг хүлээн зөвшөөрчээ.

Ийнхүү хариуцагч нэхэмжлэлийн шаардлагыг бүрэн хүлээн зөвшөөрсөн байх тул түүний зөвшөөрлийг баталж, хэргийг хялбаршуулсан журмаар хянан шийдвэрлэх нь зүйтэй.

Хэргийг хялбаршуулсан журмаар шийдвэрлэж байгаа учир улсын тэмдэгтийн хураамжийг хариуцагчаас гаргуулахдаа Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэлийн үнийн дүнд тохирох хураамжийн тал хувиар гаргуулах үндэстэй гэж үзээд

МОНГОЛ УЛСЫН ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛИЙН 74 ДҮГЭЭР ЗҮЙЛИЙН 74.2, 123 ДУГААР ЗҮЙЛИЙН 123.1 ДЭХ ХЭСГҮҮДЭД ЗААСНЫГ УДИРДЛАГА БОЛГОН 

ЗАХИРАМЖЛАХ НЬ:

1. Завхан аймгийн ******* нэхэмжлэлийн шаардлага 28000 /хорин найман мянга/ төгрөгийг хариуцагч М.******* төлөхөөр хүлээн зөвшөөрснийг баталж, хэргийг хэрэгсэхгүй болгосугай.

2. Монгол улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч улсын тэмдэгтийн хураамж төлөхөөс чөлөөлөгддөг болохыг дурдаж, Монгол Улсын Тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 60-р зүйлийн 60.1, 56-р зүйлийн 56.1, 74 дүгээр зүйлийн 74.5 дахь хэсгүүдэдзааснаар хариуцагч М.*******аас улсын тэмдэгтийн хураамжид 2275 төгрөг гаргуулж улсын орлого болгосугай.

3. Захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгүүлэхийг мэдэгдсүгэй.

4. Зохигчид давж заалдах болон хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

ШҮҮГЧ Т.БАЛЖИННЯМ