Хариуцагчийн зөвшөөрлийг баталж,

хэргийг хэрэгсэхгүй болгох тухай.

 

Орхон аймаг дахь Сум дундын Иргэний хэргийн анхан шатны шүүхийн шүүгч Б.Хишигдаваа би,

Нэхэмжлэгч: “Мобиком ХХК”-ий нэхэмжлэлтэй

Хариуцагч: Орхон аймаг Баян-Өндөр сум Дэнж баг Элит 4-17 тоотод оршин суух, Агь овгийн Баатарын Ган-Эрдэнэ /ФМ87123171/-д холбогдох

“1 219 154 төгрөг гаргуулах тухай нэхэмжлэлийг 2016 оны 11 дүгээр сарын 02-ний өдөр хүлээн авч хянаад

ТОДОРХОЙЛОХ нь:

Нэхэмжлэгч “Мобиком” ХХК шүүхэд гаргасан нэхэмжлэлдээ: “Хариуцагч нь манай “үйлчилгээний нөхцөл”-ийг хүлээн зөвшөөрч хэрэглэгч болох хүсэлтээ гарган 20164367 тоот гэрээ байгуулан 99013104 дугаартай үүрэн холбооны дараа төлбөрт iphone 5s 16GB утсыг зээлээр худалдан авч ашиглаж эхэлсэн. Хариуцагч нь Харилцаа холбооны тухай хуулийн 26 дугаар зүйлийн 26.2.2-т заасан болон гэрээгээр хүлээсэн үүргээ үл биелүүлэн үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөрийг төлөөгүй учир үйлчилгээг зогсоон төлбөрийн үлдэгдэлээ төлөхийг сануулж “Анхааруулах хуудас” илгээсэн боловч төлбөр төлөгдөөгүй байна. Хариуцагчийн төлбөрөөс барьцаа 30 000 төгрөгийг хассан болно. Иймд хариуцагчаас үүрэн холбооны дараа төлбөрт үйлчилгээний хэрэглээний төлбөр болон зээлээр худалдан авсан гар утасны төлбөрт нийт 1 219 154 төгрөгийг гаргуулахаар нэхэмжлэл гаргаж байгааг хүлээн авч шийдвэрлэж өгнө үү” гэжээ.

Хариуцагч Б.Ган-Эрдэнэ шүүхэд ирүүлсэн тайлбартаа: “Миний бие Баатар овогтой Ган-Эрдэнэ нь Мобиком компаний 99013104 дараа төлбөрийн дугаар дээр гарсан 1 219 154 төгрөгийн нэхэмжлэлийн шаардлагыг бүхэлд нь хүлээн зөвшөөрч байна. Иймээс 2016 оны 12 сарын сүүлээс эхлэн сар бүр 300 000 төгрөгөөр төлбөрийг хийж барагдуулах хүсэлтэй байна” гэжээ.

ҮНДЭСЛЭХ нь:

Нэхэмжлэгч “Мобиком” ХХК нь хариуцагч Б.Ган-Эрдэнэс “1 219 154 төгрөг гаргуулах”-ыг хүссэн нэхэмжлэлийг шүүхэд гаргажээ.

Нэхэмжлэгч “Мобиком” ХХК-ий нэхэмжилсэн 1 219 154 төгрөгийг хариуцагч Б.Ган-Эрдэнэ нь төлөхийг хүлээн зөвшөөрч байна. Энэ мөнгийг 2016 оны 12 сарын сүүлээс эхлэн сар бүр 300 000 төгрөгөөр тус тус төлж барагдуулах болно гэснийг нэхэмжлэгч хүлээн зөвшөөрсөн байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй байна.

Хариуцагчийн нэхэмжлэлийн шаардлагыг зөвшөөрсөн нь Иргэний хуульд нийцсэн гуравдагч этгээдийн эрх эрх чөлөө хуулиар хамгаалагдсан ашиг сонирхолыг хөндөөгүй, хуульд харшлаагүй байна.

Иймд хариуцагчийн зөвшөөрлийг баталж хэргийг хэрэгсэхгүй болгох үндэслэлтэй байна. Улсын тэмдэгтийн хураамжийг хуульд зааснаар гаргуулав.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.3, 123 дугаар зүйлийн 123.1 дэх хэсгийг удирдлага болгон ЗАХИРАМЖЛАХ нь:

 

1. “Мобиком” ХХК-ий 1 219 154 төгрөг гаргуулах нэхэмжлэлийн шаардлагыг Б.Ган-Эрдэнэ төлөхийг хүлээн зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.

2. Хариуцагч Б.Ган-Эрдэнэ нь нэхэмжлэгч “Мобиком” ХХК-ий 1 219 154 төгрөгийг сайн дураар эс төлбөл шийдвэрийн нэгэн адил албадан биелэгдэхийг дурьдсугай.

3. Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 33 810 төгрөгийг төрийн санд хэвээр үлдээж, хариуцагчаас 16 905 төгрөг, төрийн сангаас 16 905 төгрөг гаргуулан нэхэмжлэгч “Мобиком” ХХК-д олгосугай.

4. Энэхүү захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурьдсугай.

 

 

 

ШҮҮГЧ                                   Б.ХИШИГДАВАА.